[Zawgyi]
အခန္း ၁၆၈ - ခ်မ္းသာႂကြယ္ဝျခင္း
ဖန္းဇီက်န္းက အာဏာသိပ္မရွိတဲ့ တတိယအဆင့္စစ္အရာရွိျဖစ္ေပမယ့္ ဧကရာဇ္ရဲ႕ အခြင့္ထူး ေပးခံထားရတာကို သခင္ႀကီးဝူက သိတယ္။ ေနာက္ၿပီး သခင္ႀကီးဖန္းရဲ႕ ဆရာနဲ႔ သူ႔ရဲ႕ ဆရာတူညီေလးတို႔ ဒုတိယအဆင့္က်န္းေကာစစ္သူႀကီးဘြဲ႕ကို ျပန္လည္ရရွိၿပီးေနာက္ ေတာ္ဝင္အမိန႔္ျပန္တမ္းကို လက္ခံရရွိၿပီး ၿမိဳ႕ေတာ္ကို မၾကာေသးခင္ကမွ ျပန္ေရာက္လာၾကတယ္။ စစ္သူႀကီးက်န္းေကာရဲ႕ လက္ေအာက္မွာ စစ္သည္ေတြ အမ်ားႀကီးထားရွိထားၿပီး သိပ္မၾကာခင္မွာ သူက နယ္စပ္ေတြကို ေစာင့္ၾကည့္ဖို႔ အေနာက္ေျမာက္ဘက္ကိုသြားရလိမ့္မယ္။
စစ္တပ္မိသားစုေတြမွာ သားအဖႏွစ္ဦးလုံးက စစ္ထြက္တိုက္ေလ့ရွိတာမို႔ အေနာက္ေျမာက္ဘက္ေဒသမွာ ပုန္ကန္မႈေတြရွိရင္ ဖန္းဇီက်န္းလည္း ထိုေနရာကိုသြားဖို႔ အမိန႔္က်လိမ့္မယ္။ စစ္တပ္ ေခါင္းေဆာင္ေရးပိုင္းက ေက်ာက္မိသားစုရဲ႕ အေဖ၊ သားနဲ႔ တပည့္လက္ထဲ ေရာက္သြားရင္ သူတို႔က နန္းတြင္းမွာ ေနရာတစ္ခုေတာ့ ေသခ်ာေပါက္ရမွာပဲ။
ျဖစ္ႏိုင္ေခ်အားလုံးကို စဥ္းစားၿပီးေနာက္ တိုင္းတရားသူႀကီးဝူက ေတာ္ဝင္သံတမန္ျဖစ္တဲ့ ဖန္းဇီက်န္းကို မ်က္ႏွာသာေပးဖို႔ ဆုံးျဖတ္လိုက္ၿပီး သံတမန္ႀကီး ေမးျမန္းႏိုင္ရန္အတြက္ ထိုဆိုင္ခန္းေတြက သူတို႔ မိသားစုပိုင္တယ္ဆိုတဲ့အေၾကာင္းကို သူ႔လက္ေအာက္ငယ္သားေတြအား သတင္းလႊင့္ေစခဲ့တယ္။ သို႔ေသာ္လည္း တကယ္ေတာ့ ေတာ္ဝင္သံတမန္ႀကီးက သူ႔ရဲ႕ေမြးစားသမီးအတြက္ ဝယ္ယူခ်င္တာ ျဖစ္ေနမွန္း မထင္ထားခဲ့။ ဆိပ္ကမ္းမွာ ရက္အနည္းငယ္ေလာက္ အလုပ္မ်ားေနတာမို႔ ဖန္းဇီက်န္းက ေမးဖို႔ အခြင့္အေရးမရခဲ့။ ဒီေန႔ေတာ့ အခြင့္အေရးရလာတယ္။ တိုင္းတရားသူႀကီးဝူက အိမ္မွာ စိတ္ရႈပ္စြာ ေစာင့္ေနေလတယ္။ ေတာ္ဝင္သံတမန္က ဘာလုပ္ဖို႔ႀကိဳးစားေနတာလဲ... ဝယ္ခ်င္တာလား မဝယ္ခ်င္တာလား။
ယြီေရွာင္ေခ်ာင္းကလည္း ဒါစိတ္ကူးေကာင္းတစ္ခုလို႔ ေတြးထားတယ္။ သူမအရင္ဘဝက လူေတြကလည္း အိမ္ၿခံေျမလုပ္ငန္းေတြမွာ ရင္းႏွီးျမႇဳပ္ႏွံၿပီး ေငြရွာၾကတယ္။ ေဈးဆိုင္နဲ႔ ဆိုင္ခန္းေတြကလည္း ေကာင္းမြန္တဲ့ ရင္းႏွီးျမႇဳပ္ႏွံမႈပင္။ စည္ကားတဲ့ ၿမိဳ႕လည္ေခါင္မွာရွိတဲ့ ဆိုင္ေတြဆို ပိုေကာင္းတာမို႔ မိုးထိျမင့္တဲ့ေဈးႏႈန္းေတြနဲ႔ ေရာင္းရႏိုင္တယ္။ ႏႈိင္းယွဥ္ၾကည့္ရင္ ထန္ကူၿမိဳ႕က ဆိုင္ခန္းေတြက အဲ့ေလာက္ေဈးႀကီးတယ္လို႔ ေျပာလို႔မရႏိုင္ေပ။
YOU ARE READING
သက်တန့်ရောင် မိန်းမပျို Book 1 (MMTranslation)
Fantasyခေါင်းစဉ် - သက်တန့်ရောင် မိန်းမပျို (ဘာသာပြန်) မူရင်းခေါင်းစဉ် - Fields of Gold အမျိုးအစား - သဘာဝလွန်၊ စိတ်ကူးယဉ်၊ အချစ်ဇာတ်လမ်း၊ ဘဝအတွေ့အကြုံ အပိုင်းရေ - ၇၃၂ ပိုင်း မူရင်းရေးသားသူ - ကွေ့ဟွားချင်းယွီ ဘာသာပြန်ဆိုသူ - The 8Black Hands