နေရာလွတ်နှင့်အတူသားရဲကမ္ဘာဆီသို့ [COMPLETE]✓

Chapter 6.1

(Unicode)

ကြီးမြတ်သောမှော်ဆရာ

"ဟယ်လို အစ်ကိုပိုင်မု၊ကျွန်တော့်နာမည်အန်းချီလော့ပါ၊ အစ်ကိုက အရမ်းလှတာပဲ၊ ကျွန်တော်က ဒီနှစ်မှာ ဆယ့်ခုနစ်နှစ်ပြည့်ပြီ ပြီးတော့ ကျွန်တော်က နောက်သုံးနှစ်ပြီးရင် အရွယ်ရောက်လာတော့မှာ၊ အစ်ကိုပိုင်မု အစ်ကိုရော အရွယ်ရောက်ပြီလား"အန်းချီလော့က *တွစ်တာမှာ ဆက်ရေးနေဆဲဖြစ်တဲ့ သူ့အစ်ကိုရဲ့ပါတနာ ဖြစ်နိုင်ချေအများကြီးရှိတဲ့ ပိုင်မုကို စိတ်လှုပ်ရှားစွာနဲ့ စိုက်ကြည့်လိုက်တယ်။(T/N-စိတ်ထဲကနေ အထွန့်တက်နေတာကို ‌ဆိုလိုတာနေမယ်)

ပိုင်မုက မျက်မှောင်ကြုတ်လိုက်တယ်။သူက ယောက်ျားတစ်ယောက်လေ။လှတယ်လို့ ချီးမွမ်းခံလိုက်ရတော့ သူမပျော်တော့ဘူး။"ကျွန်တော်က နှစ်ဆယ့်ခုနစ်နှစ်ရှိပြီ ပြီးတော့ ကျွန်တော်က မိန်းမပျိုမဟုတ်ဘူး ဒါကြောင့် လှတယ်လို့ ဖော်ပြမခံနိုင်ပါဘူး"

"ဟေး အစ်ကိုက နှစ်ဆယ်လောက်ပဲရှိပုံပေါ်ပြီးတော့ orcတစ်ယောက်ဖြစ်ပုံလည်း မပေါ်ပါဘူး"အန်းချီလော့က ပိုင်မုကို သံသယနဲ့ကြည့်လိုက်တယ်။

ဒါကို မြင်ပြီးတော့ ခဲယ်လ်တစ်က သူ့ညီကို မြန်မြန်ဆွဲလိုက်ပြီး ပိုင်မုက ဆိုးဆိုးဝါးဝါးဒဏ်ရာရပြီးတော့ သူ့ဦးနှောက်က နည်းနည်းရှုပ်ထွေးနေတယ်လို့ တိတ်တိတ်လေး အန်းချီလော့ကို ပြောလိုက်တယ်။သူ့ကို ဒေါသအရမ်းမထွက်စေနဲ့။*တာ့ဝူကြည့်တာကိုပဲ စောင့်ကြရအောင်။(T/N-မျိုးနွယ်စုရဲ့စုန်းမက တာ့ဝူဖြစ်မယ်)

ပိုင်မုက တီးတိုးပြောနေတဲ့ညီအစ်ကိုနှစ်ယောက်ရဲ့ ထူးဆန်းနေမှုကြီးကို လျစ်လျူရှုလိုက်ပြီး ဂူကို စူးစမ်းချင်စိတ်ပြင်းပြစွာနဲ့ ကြည့်လိုက်တယ်။ဂူက အတော်လေးစိုထိုင်းပေမယ့် အရမ်းသန့်ရှင်းပြီးတော့ မြက်နံ့သင်းသင်းလေးရနေတယ်။ဂူထဲမှာ သေးငယ်တဲ့အပေါက်နှစ်ပေါက်လည်း ရှိတယ်။ကျောက်သားအိပ်ယာနဲ့ ထူထဲတဲ့တိရိစ္ဆာန်သားရေတွေလည်း ရှိသေးတယ်။ဒါက အိပ်ခန်းဆိုတာ သိသာထင်ရှားနေတာပဲ။ဂူထဲမှာ ကောင်းစွာပြုပြင်ထားတဲ့ တိရိစ္ဆာန်သားရေတွေအများကြီးရှိတယ်။ဂူရဲ့ထောင့်နားမှာတော့ ကျောက်သားနဲ့လုပ်ထားတဲ့ ရိုးရှင်းတဲ့ကျောက်သားမီးဖိုတစ်လုံးရှိပြီး ကြီးမားတဲ့‌ရွှံ့စေးအိုးတစ်လုံး တင်ထားတယ်။