Unicode
Chapter 65.1
"ငါ့ကို စဉ်းစားဖို့အချိန်စောင့်ပေးပါဦး မနက်ဖြန်ပြောပါ့မယ်" ပုကျီက အချိန်အတော်ကြာအောင် အဖြေမစဉ်းစားနိုင်ခဲ့ဘူး။
မကြာမီ အန်းချီလော့နဲ့ လိန်းကျယ်တို့က တိရစ္ဆာန်သားရေထူထူအချို့ကို ယူလာခဲ့ပြီး ပြန်လာခဲ့တယ်။ ခဲယ်လ်တစ်အတွက် ဒီနေရာက ကုတင်နှစ်လုံးကို ချန်ထားခဲ့ပြီး ကျန်တာတွေကိုတော့ ပြင်းထန်စွာ ဒဏ်ရာရရှိထားတဲ့ ကျားတောင်ပံစစ်သည်တွေဆီ ပေးထားတယ်။ အခြားသူတွေကလည်း သူတို့ရဲ့အိမ်တွေဆီကနေ တိရစ္ဆာန်သားရေအများအပြားကို ယူဆောင်လာကာ အချို့ကို ကျားတောင်ပံမျိုးနွယ်စုရဲ့ ပြင်းထန်စွာဒဏ်ရာရရှိထားတဲ့ orcs တွေအတွက် ဝေငှပေးခဲ့တယ်။ ကျားတောင်ပံမျိုးနွယ်စုမှာ တိရစ္ဆာန်သားရေအများအပြားရှိပေမယ့်လည်း လူများလွန်းတာကြောင့် ပြင်းထန်စွာ ဒဏ်ရာရရှိထားသူတွေကို နွေးထွေးမှုပေးဖို့ အရေးတကြီးလိုအပ်နေတယ်။
လိန်းကျယ်ရဲ့အကူအညီနဲ့ ပိုင်မုက ခဲယ်လ်တစ်ရဲ့ဒဏ်ရာကို ပတ်တီးစည်းပေးထားပြီး ထူထဲတဲ့တိရိစ္ဆာန်သားရေစောင်နဲ့ ခြုံလွှမ်းပေးထားတယ်။ ခဲယ်လ်တစ်က သတိလစ်မေ့မြောနေလျက်နဲ့ မျက်မှောင်ကြုတ်ထားပြီး နာကျင်နေပုံရတယ်။ ပိုင်မုက သူ့ဘေးနားက ထိုင်စရာအခင်းလေးပေါ်မှာထိုင်ပြီး သူ့နှလုံးသားကို ခဲယ်လ်တစ်ဆီပြောပြနိုင်ဖို့ မျှော်လင့်ရင်းနဲ့ ခဲယ်လ်တစ်ရဲ့လက်ကို ဆုပ်ကိုင်ထားတယ်။
"ပိုင်မု ကြီးမြတ်တဲ့စုန်းမက ဒီဆေးကို ခဲယ်တစ်ကို တိုက်စေချင်တယ်" နိရှီဇ၀က အနက်ရောင် ဆေးရည်ပန်းကန်ကို ယူလာပြီး ဝမ်းနည်းပူဆွေးနေတဲ့ လူကို စိတ်ပူပင်စွာ ကြည့်လိုက်တယ်။
"ကျေးဇူးတင်ပါတယ်" ပိုင်မုက ဆေးပန်းကန်ကိုယူလိုက်ပြီး နှုတ်ခမ်းတွေတင်းတင်းဖိထားတဲ့ ခဲယ်လ်တစ်ကို ကြည့်လိုက်ကာ စိတ်မပူပန်ပဲမနေနိုင်ခဲ့ဘူး။ လိန်းကျယ်က ခဲယ်လ်တစ်ရဲ့နောက်ကိုလာပြီး သူ့ကို ညင်သာစွာ မ,လိုက်ကာ သူ့ကို မှီထားစေလိုက်တယ်။ အန်းချီလော့က ဇွန်းတစ်ချောင်းကိုရှာလိုက်ပြီး ခဲယ်လ်တစ်ရဲ့ပိတ်နေတဲ့ပါးစပ်ကို မရမကဖွင့်လိုက်တယ်။ ပိုင်မုက ခဲယ်လ်တစ်ကို ဆေးရည်နည်းနည်းစီ တိုက်တယ်။ ခဲယ်လ်တစ် နင်သွားမှာကို စိုးရိမ်တာကြောင့် ဆေးတစ်ပန်းကန်ကို နာရီဝက်ကျော်ကြာ တိုက်ကျွေးခဲ့ရတယ်။
YOU ARE READING
နေရာလွတ်နှင့်အတူသားရဲကမ္ဘာဆီသို့ [COMPLETE]✓
FantasyThis novel isn't mine and I just translate;it's fun translation. ဒါလေးကို ဘာသာပြန်တဲ့လူရှိလားရှာခဲ့ပေမယ့် မရှိဘူးထင်လို့ပါ၊ ပြန်ထားတဲ့လူရှိတယ်ဆိုရင် လာပြောပါ။ Title -带着空间被捡走 Author -缺氧的金鱼 Status in COO-90 chapters (complete) 3 ex...
![နေရာလွတ်နှင့်အတူသားရဲကမ္ဘာဆီသို့ [COMPLETE]✓](https://img.wattpad.com/cover/305585460-64-k75830.jpg)