Unicode
နေ့လယ်စာစားပြီးနောက် တာ့ဝူက ပြန်သွားပြီး အိုက်၀မ်က အန်ဒီကို ပြုစုစောင့်ရှောက်ပေးဖို့ အားမိုရဲ့အိမ်ကိုသွားခဲ့တယ်။ အယ်လ်ဗင် ၊ ဆိုင်ရယ် ၊ ရှီကျယ် ၊အယ်လီနဲ့ အခြားသူတွေက မှိုစုဆောင်းဖို့အတွက် ပိုင်မုနဲ့ တောထဲသွားကြတယ်။ သစ်တောက အရမ်းကြီးပြီး မှိုတွေအများကြီးရှိတယ်။ ပိုင်မုက လူတိုင်းကို မှိုတွေ မှတ်မိဖို့ ၊များများကောက်ပြီး အခြောက်လှန်းဖို့ ဒါမှမဟုတ် နောက်မှစားဖို့အတွက် သိမ်းဆည်းတတ်စေဖို့ သင်ပေးလိုတယ်။တပေါကလည်း သူတို့တောထဲသွားတဲ့ နောက်ကိုလိုက်ခဲ့တယ်။ ဒီတစ်ကြိမ်မှာ ကာကွယ်ပေးမယ့် orcs များစွာရှိတာကြောင့် သူတို့က တောရဲ့ပိုမိုနက်ရှိုင်းတဲ့နေရာထိ ၀င်ခဲ့ကြတယ်။
သစ်ပင်ကြီးတွေရှိတဲ့တောအုပ်ကို သူတို့ရောက်တဲ့အခါ ရပ်လိုက်ကြပြီး ပိုင်မုက ဘယ်မှိုတွေက စားလို့ရပြီး ဘယ်ဟာတွေ စားလို့မရလဲဆိုတာကို အသေးစိတ် ရှင်းပြတယ်။ မဟုတ်ရင် အန်းချီလော့လိုမျိုးပဲ ဒီလူတွေက အဆိပ်ရှိပြီး စားလို့မရတဲ့ဟာတွေကိုပဲ ကောက်နေကြမှာကို သူတကယ်စိုးရိမ်တယ်။ ပိုင်မုက ရှေ့မှာ စကားပြောနေပြီး အန်းချီလော့က ဘေးပတ်ဝန်းကျင်ကို ကြည့်နေတဲ့တပေါကို သတိပေးလိုက်တယ်။
"တပေါ ၊ မင်း အဲဒီရောင်စုံမှိုတွေကို နောက်ကျရင် မကောက်ရဘူးနော်" အန်းချီလော့က ပြောလည်းပြောသလို သိပ်မဝေးတဲ့သစ်ပင်ခြေရင်းက ဖြူဖွေးနေပြီး အရမ်းဆွဲဆောင်မှုရှိတဲ့ မှိုတစ်ပွင့်ကိုညွှန်ပြလိုက်တယ်။ "အဲ့လိုကြည့်ကောင်းတဲ့ဟာတွေက စားလို့မရဘူး"
"မှိုကောက်ဖို့ သားဒီကိုရောက်နေတာမဟုတ်ဘူး" တပေါက အန်းချီလော့ကို ထူးဆန်းစွာ ကြည့်လိုက်တယ်။ သူနောက်က လိုက်မယ်လို့ပဲ ပြောခဲ့တာ ။ သူမှိုကောက်ချင်တယ်လို့ မပြောခဲ့ပါဘူး။
"ဒါဆို မင်းဘာလုပ်မှာလဲ" အန်းချီလော့က ဒီကောင်လေးက သူနဲ့ မကစားချင်ဘူးလို့ တွေးနေခဲ့တယ်။ ဟုတ်တယ်မလား။
"သား ဒီကို ငှက်ဥတွေ ကောက်ဖို့ ရောက်နေတာ အစ်ကိုကြီးပိုင်မုက ကြက်ဥဆားရည်စိမ်လုပ်ဖို့ ပြောထားတယ်" တကယ်တော့ သူက ကြက်ဥမွှေကြော် တခါစားခဲ့ဖူးပြီး သူတို့ကို ဆောင်းရာသီမှာလည်း စားလို့ရရင်ကောင်းမယ်ဆိုပြီး သက်ပြင်းချခဲ့တယ်။ ပိုင်မု ကြားသွားတဲ့အခါ ကြက်ဥမွှေကြော်က စားလို့မကောင်းတော့ဘူး ကြက်ဥဆားရည်စိမ်တော့ လုပ်လို့ရကောင်းပါတယ်လို့ ပြောခဲ့တယ်လေ။ဒါနဲ့ ခြင်္သေ့လေးက ပိုင်မုကို မရပ်မနားအနှောင့်အယှက်ပေးပြီး ကြက်ဥဆားရည်စိမ်က ဘာလဲဆိုတာနဲ့ ဘယ်လိုပါဝင်ပစ္စည်းတွေ လိုအပ်လဲလို့မေးခဲ့တယ်။ ပြီးတော့ သူ့အစ်ကိုကြီးအပြင်ထွက်တဲ့အခါ ငှက်ဥရှာပေးဖို့ အကူအညီတောင်းခဲ့တယ်။ဒါပေမယ့် ခဲယ်လ်တစ်က သူက အလွန်အမင်းအဝလွန်နေလို့ အစာစားတာကို အမြဲစိုးရိမ်နေရတယ်လို့ပဲ ပြောခဲ့တယ်။
YOU ARE READING
နေရာလွတ်နှင့်အတူသားရဲကမ္ဘာဆီသို့ [COMPLETE]✓
FantasyThis novel isn't mine and I just translate;it's fun translation. ဒါလေးကို ဘာသာပြန်တဲ့လူရှိလားရှာခဲ့ပေမယ့် မရှိဘူးထင်လို့ပါ၊ ပြန်ထားတဲ့လူရှိတယ်ဆိုရင် လာပြောပါ။ Title -带着空间被捡走 Author -缺氧的金鱼 Status in COO-90 chapters (complete) 3 ex...
![နေရာလွတ်နှင့်အတူသားရဲကမ္ဘာဆီသို့ [COMPLETE]✓](https://img.wattpad.com/cover/305585460-64-k75830.jpg)