နေရာလွတ်နှင့်အတူသားရဲကမ္ဘာဆီသို့ [COMPLETE]✓

Chapter 68

Unicode

Chapter 68.1

ပိုင်မုက ဆောင်းဦးရာသီမတိုင်မီ ကွင်းပြင်ကျယ်ရဲ့ပုံကြမ်းကို ရိုးရိုးရှင်းရှင်းရေးဆွဲခဲ့ပြီး ယင်းကိုအခြေခံ၍ လူမျိုးစုအတွက် အနာဂတ်အစီအစဉ်တွေ ရေးဆွဲဖို့ ပြင်ဆင်ခဲ့တယ်။ ဂူအတွင်း အလင်းရောင်က မှိန်ဖျော့ဖျော့ဖြစ်နေတာကြောင့် ဓာတ်ပုံရိုက်လိုက်ပြီး ခဲယ်လ်တစ်နဲ့ နေရာလွတ်ထဲ ဝင်ခဲ့တယ်။ အိမ်မှာကျန်ခဲ့တဲ့ လူသုံးယောက်ကလည်း ပိုင်မုရဲ့ အစီအစဉ်တချို့ကို သိပြီး သူတို့ အပြည့်အဝ ထောက်ခံပါတယ်။

နှစ်ယောက်သား နေရာလွတ်ထဲဝင်သွားပြီးတဲ့အခါ အချင်းချင်း အလုပ်ရှုပ်နေကြတယ်။ ပိုင်မုက ဒီဇိုင်းဆွဲပြီး အစီအစဉ်ချကာ ခဲယ်လ်တစ်က နေရာလွတ်အတွင်းက အိမ်တည်ဆောက်ပုံကို လေ့လာခဲ့တယ်။ ပိုင်မုမော့ကြည့်တဲ့အခါ တစ်ဖက်လူရဲ့ အာရုံစူးစိုက်နေတဲ့ပုံစံကို မြင်တွေ့ရပြီး ရံဖန်ရံခါမျက်လုံးချင်းဆုံမိကာ သူတို့နှစ်ယောက်က အတူရှိနေတယ်လို့ ခံစားရတယ်။ သူတို့ရဲ့နှလုံးသားတစ်ဝက်ထဲမှာ တစ်ယောက်နဲ့တစ်ယောက် ပြည့်နှက်နေတယ်။

အလုပ်တွေပြီးတဲ့အခါ သူတို့နှစ်ဦးက ရပ်တန့်ပြီး အနားယူလိမ့်မမယ်။ ထိုအချိန်မှာ ပိုင်မုက ခဲယ်လ်တစ်ကို ရှေးဟောင်းမြို့ရဲ့ ဗိသုကာလက်ရာတွေနဲ့ ပတ်သက်ပြီး သူသိတဲ့အရာတစ်ခုကို ပြောပြလိမ့်မယ်။ ထို့အပြင် ခဲယ်လ်တစ်က ပိုင်မုကို ဒီနှစ်တွေတစ်လျှောက်ဖြစ်ခဲ့တဲ့ သားရဲတိုက်ခိုက်မှုတွေအတွက် အသေးစိတ်အချက်အလက်တွေကို ပေးမှာဖြစ်တယ်။ ထမင်းစားချိန်မှာ အန်းချီလော့က သူတို့အတွက် အစားအစာတွေ ပြင်ဆင်ပေးမှာဖြစ်ပြီး ထို့နောက် မိသားစုက အတူတကွ စားသောက်ကြမှာဖြစ်တယ်။

ထိုနေ့မှာ ခဲယ်လ်တစ်နဲ့ပိုင်မုက လယ်ကွင်းဘေးရှိ သစ်ပင်ကြီးတစ်ပင်အောက်မှာထိုင်ပြီး မြေပြင်ပေါ် စိုက်ပျိုးထားတဲ့ စိတ်ကျေနပ်ဖွယ်ကောင်းတဲ့ ဟင်းသီးဟင်းရွက်နဲ့ သစ်သီးဝလံတွေကို ကြည့်ရှုနေကြတယ်။ ဒီရက်တွေမှာ ခဲယ်လ်တစ်က ကုသပြီးတဲ့အဆင့်ကို ရောက်နေပြီဖြစ်ပြီး ပိုင်မုက လယ်ကွင်းထဲက အလုပ်အားလုံးကို လုပ်ဆောင်နေတယ်။ ခဲယ်လ်တစ်က ဒီအတွက် အရမ်းမလိုလားဖြစ်နေတယ်။ အခု သူတို့မှာ စားစရာတွေ များနေပြီ။ အစားအသောက် အများကြီး စိုက်စရာမလိုပါဘူး။ ဒါ့အပြင် သူတို့မှာ အခု ပိုအရေးကြီးတဲ့ အလုပ်ရှိနေပြီလေ။