Unicode
ခြင်္သေ့လေးရဲ့ဖော်ပြချက်ကိုနားထောင်ပြီး ပိုင်မုကထက်မြက်ပြီး ရဲရင့်တဲ့အတွက် လူအများအပြားက ချီးကျူးခဲ့ကြတယ်။ ပိုင်မုက နေ့လည်ခင်းတုန်းက ကယ်ဆယ်ရေးကိုပဲ သွားကူညီပေးခဲ့ပြီး အဲ့ဒီကလေးငယ်တွေရဲ့ လှုပ်ရှားမှုတွေကို ဂရုမစိုက်ခဲ့ဘူး။ဒီကောင်လေးတွေကလည်း မလွယ်ကူခဲ့ဘူးဆိုတာ အခုမှသိတာ။
"ဒါပေမယ့် ဒီနေ့လည်မှာတော့ အိမ်မှာရှိတဲ့ကျောက်မီးသွေးတွေက ကုန်လုနီးပါးဖြစ်နေပြီ အတုံးကြီးတွေ ကုန်သွားတော့ အခုအတုံးငယ်နည်းနည်းပါးပါးပဲ ကျန်တော့တယ်" ကျန်တဲ့ကျောက်မီးသွေးတွေက ဒီဆောင်းရာသီမှာ သူတို့အတွက် အသုံးပြုဖို့မလုံလောက်တဲ့အတွက် အန်းချီလော့က စိုးရိမ်ခဲ့တယ်။
"အဆင်ပြေတယ်၊ ငါ့နေရာထဲမှာ အများကြီးရှိတယ် ငါတို့သုံးဖို့ လုံလောက်တယ်" မြေကြီးပေါ်ကနေ သူပြန်ယူလာတဲ့ဟာတွေကိုပါ ထည့်ကေတွက်ရင် ပိုများလိမ့်မယ်။ ကံကောင်းထောက်မစွာနဲ့ပဲ သူက အမြော်အမြင်ရှိပြီး အစောပိုင်းတည်းက ပြင်ဆင်ထားတယ်လို့ ပိုင်မုတွေးလိုက်တယ်။
"အဲဒါကောင်းတယ်"ပိုင်မုပြောတာကိုကြားပြီးနောက် အန်းချီလော့က နောက်ဆုံးမှာ စိတ်သက်သာရာရသွားတယ်။
"သားရဲတွေ လာဦးမှာလား"ပိုင်မုက ဒီနေ့ရဲ့အနေအထားကို မြင်ခဲ့ရပြီး သားရဲတွေက ပြန်လာဦးမယ့်ပုံပေါ်တယ်။
"ဟုတ်တယ် ဒီနေ့သတ်ခဲ့တဲ့ သားရဲတွေရဲ့အလောင်းအများစုကို သားရဲအုပ်က ပြန်ယူသွားပြီး သူတို့အဲ့ဒီအလောင်းတွေကိုစားပြီးရင် မျိုးနွယ်စုကို ဆက်ပြီးတိုက်ခိုက်လိမ့်မယ်" လိန်းကျယ်က အနည်းငယ်စိတ်ပူနေတယ်။ ပထမဆုံးသားရဲတိုက်ခိုက်မှုက အရမ်းစွမ်းအားကြီးနေတယ်။ သူတို့ကို ဘာတွေကစောင့်မျှော်နေဦးမလဲဆိုတာ သူမသိဘူး။
"အဲ့ဒီသားရဲတွေက တကယ်ထက်မြက်တယ် အချင်းချင်းအမဲလိုက်တာမဟုတ်ဘဲ မျိုးနွယ်စုကို အတူတူတိုက်ခိုက်ကြတယ် ဒါကအချင်းချင်းသတ်တာကို ရှောင်ရှားပြီး ရန်သူရဲ့ခွန်အားကို ဝါးမြိုတာပဲ အရေးကြီးဆုံးက ဆောင်းရာသီအတွက်စားစရာရှိပြီလေ" ပိုင်မုက orcsတွေကိုပြောပြလိုက်တယ်။သူ့ရဲ့ဆောင်ရွက်ချက်တွေက အရမ်းချီးကျူးခံရပြီး အဲ့ဒီသားရဲတွေကလည်း အမှန်တကယ်ကို ထက်မြက်ကြတယ်။
YOU ARE READING
နေရာလွတ်နှင့်အတူသားရဲကမ္ဘာဆီသို့ [COMPLETE]✓
FantasyThis novel isn't mine and I just translate;it's fun translation. ဒါလေးကို ဘာသာပြန်တဲ့လူရှိလားရှာခဲ့ပေမယ့် မရှိဘူးထင်လို့ပါ၊ ပြန်ထားတဲ့လူရှိတယ်ဆိုရင် လာပြောပါ။ Title -带着空间被捡走 Author -缺氧的金鱼 Status in COO-90 chapters (complete) 3 ex...
![နေရာလွတ်နှင့်အတူသားရဲကမ္ဘာဆီသို့ [COMPLETE]✓](https://img.wattpad.com/cover/305585460-64-k75830.jpg)