Unicode
Chapter 70.1
ပိုင်မုနဲ့ လိန်းကျယ်က တစ်ယောက်ကို တစ်ယောက်ကြည့်လိုက်ပြီး စိတ်ရှုပ်နေတဲ့ သုံးယောက်ကို ရှင်းပြတော့တယ် ။ ခဲယ်လ်တစ်ကတော့ အဆင်ပြေတယ် ။သူက ပိုင်မုရဲ့ အစီအစဉ်ကို အရင်ကတည်းက သိတယ်လေ။ အန်းချီလော့နဲ့တပေါက အရမ်းပျော်နေတယ် ဒီနှစ်မှာဖြစ်ပျက်ခဲ့တဲ့ အဖြစ်အပျက်တွေက ဒီကလေးနှစ်ယောက်ကို ထိတ်လန့်စေခဲ့တာကိုး။ မိသားစုတစ်စုလုံးက ဒီနေ့မှာ အရမ်းစိတ်ကောင်း၀င်နေကြပြီး အနာဂတ်မှာ ဘယ်လိုမျိုးလှပတဲ့ ဘဝဖြစ်လာမယ်ဆိုတာကို စိတ်ကူးယဉ်ကြည့်နေကြတယ်။
ပိုင်မုထွက်သွားပြီးနောက် Er နဲ့ပုကျီက ကျားတောင်ပံမျိုးနွယ်စုရဲ့ ကြီးမြတ်တဲ့စုန်းမပျိုးထောင်နည်းကို ဆွေးနွေးခဲ့ကြပြီး နောက်နှစ်မှာ ကျားတောင်ပံမျိုးနွယ်စု၀င်တွေကို အချင်းချင်း သင်ယူနိုင်ဖို့ ခြင်္သေ့တောင်ပံမျိုးနွယ်စုရဲ့ ကြီးမြတ်တဲ့စုန်းမဆီ စေလွှတ်မယ်လို့ ဆုံးဖြတ်ခဲ့တယ်။
ကျားတောင်ပံမျိုးနွယ်စုရဲ့ orcs တွေ အခုအချိန်မှာ အတူတကွနေထိုင်ကြတယ်။ အိမ်ပြန်ရောက်ပြီးနောက် မျိုးနွယ်စုခေါင်းဆောင်ပုကျီက ဒီနေ့ ပိုင်မုပြောခဲ့သမျှ လူတိုင်းကို ပြောပြခဲ့ပေမယ့်လည်း လူတိုင်းရဲ့အမြင်တွေကို ထုတ်ပြောလာဖို့အတွက်တော့ သူအလျင်စလိုမဖြစ်ခဲ့ဘူး။
နားထောင်ပြီးနောက်မှာ လူတိုင်းက သူတို့ရဲ့ နှလုံးသားထဲမှာတော့ တကယ်ကို အဲ့လိုလုပ်ဖို့ မလိုလားခဲ့ကြပါဘူး။အတူတကွနေထိုင်ခြင်းအကြောင်းကို ပြောနေကြပေမယ့် သူတို့ရဲ့ လက်ရှိအခြေအနေကတော့ ခြင်္သေ့တောင်ပံမျိုးနွယ်စုထဲ ၀င်လိုက်ရသလိုပါပဲ။
ရလဒ်အနေနဲ့ ကျားတောင်ပံမျိုးနွယ်စုရဲ့ orcs တွေက မသိစိတ်အရ ရုန်းကန်စပြုလာတယ်။ ထိုသို့သောရွေးချယ်မှုက အကောင်းဆုံးဖြစ်ပေမယ့်လည်း စိတ်ပိုင်းဆိုင်ရာအရ သူတို့ လက်မခံနိုင်ခဲ့ဘူး။ ဘန်ဆွန်တစ်ယောက်တည်းကသာ ဒါက အမှန်တကယ်မဆိုးဘူးလို့ ယူဆတယ်။ဒါက ပိုနီးလာတာကလွဲလို့ သူ့ရဲ့မူလအစီအစဉ်နဲ့ မကွာခြားပါဘူး။
YOU ARE READING
နေရာလွတ်နှင့်အတူသားရဲကမ္ဘာဆီသို့ [COMPLETE]✓
FantasyThis novel isn't mine and I just translate;it's fun translation. ဒါလေးကို ဘာသာပြန်တဲ့လူရှိလားရှာခဲ့ပေမယ့် မရှိဘူးထင်လို့ပါ၊ ပြန်ထားတဲ့လူရှိတယ်ဆိုရင် လာပြောပါ။ Title -带着空间被捡走 Author -缺氧的金鱼 Status in COO-90 chapters (complete) 3 ex...