နေရာလွတ်နှင့်အတူသားရဲကမ္ဘာဆီသို့ [COMPLETE]✓

Chapter 47.1

Unicode

ကေစီကလည်း အိုးသေးတစ်လုံး တည်ဖို့ လူတချို့ခေါ်သွားပြီး ငါးစလုပ်တော့တယ်။ Orcsတွေက အရင်နေ့က အေဘယ်ပြန်ယူလာတဲ့ ယဇ်ကောင်တွေကို ပြုပြင်ဖို့အတွက် စမ်းချောင်းကို ပြန်သယ်သွားကြတယ်။ဘာကြောင့်ဆို ယဇ်ကောင်တွေက လတ်ဆတ်ပြီး အချို့ကို စွပ်ပြုတ်ပြုလုပ်ဖို့ အသုံးပြုနိုင်တာကြောင့် ဖြစ်တယ်။ လိန်းကျယ်က  ဂူထဲမှာ သူတို့ပြင်ဆင်ထားတဲ့ အပြာရောင်သစ်သားစင်ကို လူတွေကို ထုတ်သွားခိုင်းပြီး *အမှိုက်ဂေါ်ကို စင်ပေါ်တင်ကာ အဲ့ဒီထဲသစ်သီးမျိုးစုံထည့်ထားပြီး သူတို့ကြိုက်ရာကို ရွေးချယ်ဖို့ လူတိုင်းကိုခွင့်ပြုထားတယ်။

မကြာခင်မှာ ကွင်းပြင်ထဲ မီးပုံကြီးတစ်ပုံ ရှိလာပြီး အသားကင်စင်ကို တပ်ဆင်ကာ ပြုပြင်ထားတဲ့ သားကောင်တွေကို ကင်ဖို့အတွက် မီးပေါ်တင်ထားတယ်။ အသားကင်တဲ့နေရာတိုင်းမှာ အယ်လီက ဟင်းခတ်အမွှေးအကြိုင်တွေကိုကြိုတင်ပြင်ဆင်ပေးထားတယ်။

ကွင်းပြင်ထဲက မြေထည်အိုးကြီးတွေမှာ မုန်လာဥနံရိုးစွပ်ပြုတ်၊ခရမ်းချဉ်သီးကြက်(ငှက်)ဥစွပ်ပြုတ်၊ လတ်ဆတ်တဲ့ငါးစွပ်ပြုတ်နဲ့ အချို့အိုးတွေမှာ အာလူးစတူးဟင်းကို အိုးအလုံပိတ်ပြီးနှပ်ထားတယ်။ဒီဟင်းကို ပိုင်မုနဲ့ လူတိုင်းက အရင်နေ့တည်းက ပြင်ဆင်ထားခဲ့ကြတာ။ ဒီနေ့တော့ အပူနည်းနည်းပေးရုံနဲ့ စားလို့ရပြီ။ ဒီတကြိမ်မှာ ပိုင်မုရဲ့မေပယ်ရည်ကို ဟင်းချက်ဖို့ သုံးနိုင်သေးတယ်ဆိုတာ လူတိုင်းသိသွားကြပြီး နောက်နှစ်မှာ မေပယ်ရည်ကို စုဆောင်းဖို့ သူတို့စီစဉ်ထားတယ်။ဝက်သားအကြွပ်ကြော်နဲ့ ဂေါ်ဖီစွပ်ပြုတ်ချက်ဖို့ စောင့်ဆိုင်းနေတဲ့မြေအိုးအလွတ် အနည်းငယ်ရှိသေးတယ်။ ပိုင်မုဘက်က ဝက်သားအကြွပ်ကြော်,ကြော်ဖို့ အဆင်သင့် မဖြစ်ခင်အထိ ဒါက စောင့်ရပါမယ်။

အစားအသောက်မျိုးစုံရဲ့ မွှေးရနံ့က အချိန်တိုအတွင်း နေရာအနှံ့ ပျံ့လွင့်သွားတယ်။အခုချိန်မှာ တပေါက သူ့ရဲ့သူငယ်ချင်းလေးတွေနဲ့အတူ ပိုင်မုကို  စောင့်ကြပ်နေပြီး အသားကြွပ်ကြော်,ကြော်မှာကို စောင့်နေတယ်။ မုန်လာဥအုပ်စုတစ်စုက ဒယ်အိုးကိုဝါးစားတော့မတတ် စိုက်ကြည့်နေကြတယ်။ဒယ်အိုးထဲမှာ ဆီပူသံမြည်နေတယ်။ အသားကို ကြက်(ငှက်)ဥ၊ ကန်စွန်းဥမှုန့်၊ ဆား၊ ငရုတ်ကောင်းမှုန့် စသည်တို့နဲ့ နယ်ထားပြီး ဒယ်အိုးထဲ လှိမ့်ကြော်လိုက်တယ်။ အကြော်ရဲ့အရောင်က မူလကနေ ပြောင်းသွားတယ်။ အဖြူရောင်ကနေ ရွှေဝါရောင် တဖြည်းဖြည်းပြောင်းလာပြီး  မွှေးပျံ့တဲ့ရနံ့တွေက ပျံ့နှံ့လာတယ်။ ကလေးတွေက ဆီဒယ်အိုးထဲက အပူကို မကြောက်ကြဘဲ အသားကြွပ်ကြော် အပေါ်တက်လာတာကို စောင့်နေကြတယ်။ပိုင်မုက အိုးထဲက တဖောက်ဖောက်မြည်နေတဲ့ဆီပူတွေ  သူတို့ကို လောင်သွားမှာကို စိုးရိမ်ပြီး ပြန်ဆုတ်ခိုင်းလိုက်တယ်။ကလေးတစ်စုက နောက်ကို ခြေလှမ်းနှစ်လှမ်းလောက် ဖြည်းညှင်းစွာ ဆုတ်သွားကြတယ်။