Chapter 95
ယနေ့ညတွင် 'ကလေးငယ်နှင့်ခရီးသွားခြင်း' ရသစုံရှိုးအစီအစဥ်၏စတုတ္ထပိုင်းကို ထုတ်လွှင့်ပြသမည်ဖြစ်သည်။ ချင်ယွီ၀မ်လည်း သူမ၏အိုင်ဒေါပေါက်စလေးပါဝင်ရိုက်ကူးထားသောရသစုံရှိုးကိုလက်မလွှတ်နိုင်၍ တီဗွီရှေ့တွင်အသင့်ထိုင်စောင့်နေလိုက်သည်။
သို့သော် ကြည့်နေရင်းတစ်ဝက်တစ်ပျက်တွင် ရုတ်တရက်တံခါးခေါက်သံတစ်သံကြောင့် သူမ၏အာရုံများပျံ့လွှင့်သွားသည်။
ချင်ယွီ၀မ်လည်း စိတ်အနှောင့်အယှက်ဖြစ်သွားသောကြောင့် မျက်မှောင်ကြုတ်ကာ အကျိုးအကြောင်းမေးလိုက်သည့်အခါ တစ််က်လူကပြန်ဖြေလာ၏။
"မစ္စစ်ယွီဝမ်...မမကြီးပြန်ရောက်နေပါပြီ အောက်ထပ်မှာပါ"
"ဟုတ်ပြီ...ငါလာခဲ့မယ်"
ချင်ယွီ၀မ်၏အိမ်မက်မှာ ငွေကြေးနှင့်ပတ်သတ်၍ ပူပင်စိုးရိမ်စရာမလိုသည့် ကျိကျိတက်ချမ်းသာသောသူဌေးမတစ်ဦးဖြစ်ရန်ပင်။ သူမတွင် သူမထက်နှစ်နှစ်ခန့်ငယ်သော မောင်လေးတစ်ဦးရှိသည်။ မိဘများအနားယူသွားလျှင် လုပ်ငန်းများအားလုံးကိုသူမတို့မောင်နှမနှစ်ယောက်အားသေချာပေါက်လွှဲခဲ့ပေးမည်ဖြစ်သောကြောင့် ဆင်းရဲမည်ကိုစိုးရိမ်စရာမလိုပေ။ သို့သော် ဘဝတစ်လျှောက်လုံး ကုမ္ပဏီအလုပ်များထဲတွင် သူမ မနှစ်မြှုပ်လိုပေ။ စီးပွားရေးကို သူမစိတ်မဝင်စား။ အေးအေးလူလူသာနေချင်မိသည်။
သို့သော် ယနေ့တွင် သူမ၏မိခင်ဖြစ်သူက ပြန်လာပြီးနားပူနားဆာလုပ်တော့မည်ကို ရှောင်လွှဲနိုင်မည်မဟုတ်ပေ။ သူမနှစ်ဆယ့်သုံးနှစ်အရွယ်တုန်းကလည်း မိခင်ဖြစ်သူကအိမ်ထောင်အတင်းပြုခိုင်းခဲ့သည်။ ယခုအခါတွင်လည်း ချင်ကုပ္မဏီတွင်နေရာတစ်နေရာရအောင် အလုပ်လုပ်စေလိုပြန်သည်။
"ယွီ၀မ်...ငါပြောတာကို...နင်နားထောင်နေရဲ့လား"
စကားကိုသေချာနားမထောင်ဘဲ အာရုံပျံ့လွှင့်နေသောသူမကို မိခင်ဖြစ်သူက ခပ်နာနာလေးဆွဲဆိတ်လိုက်သောကြောင့် ချင်ယွီဝမ်တစ်ယောက် ငယ်သံပါအောင်အော်လိုက်မိသည်။
ČTEŠ
ပြည်သူ့အချစ်တော်လေးက၃နှစ်ခွဲသမီးလေး
Romanceပြည်သူအချစ်တော်လေးက ၃နှစ်ခွဲသမီးလေး Title - The National Girl is Three and a Half Years Old
