ပြည်သူ့အချစ်တော်လေးက၃နှစ်ခွဲသမီးလေး

Chapter 107

"ဦးဦးလု...ပါပါးခဲ့က သမီးကိုသူနဲ့အတူခေါ်သွားမယ်လို့ ကတိပေးထားတယ်"

ပါပါးခဲ့ထံမှ သဘောတူထောက်ခံသည့်စကားကိုကြားလိုက်ပြီးနောက် ကုဆွေ့ဆွေ့က နံဘေးတွင်ရှိနေသော လုယွမ်ကျစ်ကိုသူမ၏မျက်လုံးရွဲကြီးများဖြင့် လှည့်ကြည့်လာသည်။

လုယွမ်ကျစ်လည်း သူ့ကိုအားကိုးတကြီးကြည့်နေသည့် ကလေးမလေးကိုမျက်နှာလွှဲခဲပစ်မလုပ်နိုင်သောကြောင့် အပြုံးလေးဖြင့်ပြန်ဖြေလိုက်ရ၏။

"ဟုတ်ပါပြီ...ဦးကသမီးကို နောက်ထပ်ဖိတ်စာတစ်စောင်ယူလာပေးပါ့မယ် စိတ်မပူပါနဲ့ အင်္ကျီလှလှလေးလည်းဝတ်ပေးဦးမှာ ဦးရဲ့မင်းသမီးလေးကို ပရိသတ်ရှေ့ထုတ်ကြွားရမှာပေါ့"

ဆွေ့ဆွေ့က အလှအပကြိုက်သောကလေးမလေးတစ်ယောက်ဖြစ်သည်ကို လုယွမ်ကျစ်ကောင်းကောင်းသိသည်။ ခဲ့ကျင်းယန်က ကလေးငယ်ကိုဂုဏ်ပြုစားပွဲသို့ခေါ်သွားမည်ဟု ကတိပေးထားသည်။ ထို့ကြောင့် လုယွမ်ကျစ်လည်း ဆွေ့ဆွေ့၏ပွဲတက်ဝတ်စုံအတွက်ကြိုတင်စဥ်းစားထားရမည်ဖြစ်၏။

ဆွေ့ဆွေ့က navf ဘရန်း၏ပြောရေးဆိုရေးရှိသူအဖြစ်ခန့်အပ်ထားခံရသူဖြစ်သည့်အတွက် သူမတက်ရောက်

မည့်ပွဲတိုင်းတွင် ထိုဘရန်းအမှတ်တံဆိပ်ကိုမလွဲမသွေဝတ်ဆင်ရမည်ဖြစ်သည်။

'တိမ်မြှုပ်နေသော' ရုပ်ရှင်ကား၏အောင်မြင်မှုနှင့်အတူ ကုဆွေ့ဆွေ့၏ နာမည်ဂုဏ်သတင်းကလည်း တစ်ရှိန်ထိုးနာမည်ကြီးလာသည်။ ထို့ကြောင့် ဖက်ရှင်ဘရန်းအတော်များများက ဆွေ့ဆွေ့နှင့်အတူအလုပ်တွဲလုပ်ရန် အပြိုင်အဆိုင်ဖြစ်နေကြသည်။

Navf အမှတ်တံဆိပ်နှင့်ဆွေ့ဆွေ့က သုံးနှစ်သက်တမ်းစာချုပ်ချုပ်ထားကြသည်။ နာမည်ကြီးအမှတ်တံဆိပ်တစ်ခုအနေနှင့် ဆွေ့ဆွေ့ကဲ့သို့တက်သစ်စကလေးသရုပ်ဆောင်တစ်ယောက်ကို

အမှတ်တံဆိပ်အတွက်တရားဝင်ကြော်ငြာသူတစ်ယောက်အဖြစ် ပထမဆုံးအကြိမ်ခန့်အပ်လိုက်ခြင်းဖြစ်သည်။

ဆွေ့ဆွေ့၏အနုပညာလမ်းကြောင်းအတွက် အကောင်းမွန်ဆုံးသောခြေလှမ်းသစ်တစ်ရပ်ကိုစတင်လိုက်ခြင်းဖြစ်၏။