Chapter 124
"တစ်ခုခုသောက်ချင်တာရှိလား...မမစတိုးဆိုင်ကိုသွားမလို့"
ကလေးသုံးယောက်က ခေါင်းချင်းဆိုင်ကာ မနားတမ်း တတွတ်တွတ်ပြောနေကြသောကြောင့် ရှန်ယွမ်လည်း မနေသာတော့သဖြင့်အသံပေးလိုက်ရသည်။ မဟုတ်လျှင် ဒီကလေးသုံးယောက်စလုံး ဒီနေ့တစ်နေကုန် စကားပြောလို့ပြီးတော့မည်မဟုတ်။
"မမရှန်ယွမ်...သမီးလိမ္မော်ရည်သောက်ချင်တယ်"
ကုဆွေ့ဆွေ့က သွားတန်းဖြူဖြူလေးများပေါ်သည်အထိပြုံးပြကာ ရှမ်ယွမ်အားပြောလာသည်။
ကျောင်းဟွေ့ကလည်း ဆွေ့ဆွေ့နည်းတူ ပြောလာပြန်၏။
"မမရှန်ယွမ်...သားလည်းလိမ္မော်ရည်သောက်ချင်တယ်"
"မမရှန်ယွမ်...သမီးကိုလည်းသူတို့နှစ်ယောက်အတိုင်းဝယ်ခဲ့ပေးပါ"
ရွှီယွင့်အာကလည်း ရှန်ယွမ်မသွားမီတွင် လှမ်းပြောလာသည်။
ထိုအချိန်တွင်ရိုက်ကူးရေးအဖွဲ့ကဆက်တင်များကိုတပ်ဆင်နေဆဲဖြစ်ပြီး ဝန်ထမ်းတော်တော်များကလည်းဟိုဟိုဒီဒီပြေးလွှားပြီးအလုပ်များနေကြသည်။ ဘာမှလုပ်စရာမရှိသောကြောင့် ဆွေ့ဆွေ့လည်းဖုန်းထုတ်ပြီး ရှီးရှီးလေး၏ပုံကိုကိုကျောင်းဟွေ့နှင့်မမယွင့်အာအားပြလိုက်သည်။
"ဟယ်...ခွေးလေးကချစ်ဖို့ကောင်းလိုက်တာ ကိုင်ကြည့်ချင်လိုက်တာနော်"
ရွှီယွင့်အာကရှီးရှီး၏ပုံကိုကြည့်ကာပြောလာသည်။
"မမယွင့်အာ...ရှီးရှီးကိုတွေ့ချင်တယ်ဆိုရင် နောက်တစ်ခေါက်ကျရင် ပါပါးခဲ့အိမ်ကိုဆွေ့ဆွေ့ခေါ်သွားပေးမယ် အဲဒီမှာရှီးရှီးကိုကြိုက်သလောက်ကြည့်လို့ရတယ်"
ကုဆွေ့ဆွေ့က ရက်ရောစွာဖြင့်ကမ်းလှမ်း၏။
ပါပါးခဲ့ဟူသောအသုံးအနှုန်းကိုကြားလိုက်ရသောကြောင့် ရွှီယွင့်အာတစ်ယောက်မျက်လုံးများပြူးကျယ်သွားသည်။ တစ်ခဏမျှမှင်သေသွားပြီးနောက် အသေအချာစဥ်းစားကြည့်လိုက်မှခဲ့ကျင်းယန်နှင့်ကုဆွေ့ဆွေ့က 'ကလေးငယ်နှင့်ခရီးသွားခြင်း' ရသစုံရှိုးတွင်သားအဖအဖြစ်ပါဝင်ရိုက်ကူးခဲ့ကြသည် မဟုတ်လား။ ထို့
YOU ARE READING
ပြည်သူ့အချစ်တော်လေးက၃နှစ်ခွဲသမီးလေး
Romanceပြည်သူအချစ်တော်လေးက ၃နှစ်ခွဲသမီးလေး Title - The National Girl is Three and a Half Years Old
