အခန်း ၂၁၁ ။ မုန်လာဥဖြူ အစည်းအဝေး
လန်ဟွားက အင်းကွက်ကို အတင်းအကျပ်အသက်သွင်းချိန် ကူယွဲ့နဲ့တခြားလူတွေရဲ့ ခန္ဓာကိုယ်တွေက ပိတ်မိနေတာ။ နှစ်ဖက်စလုံးက အတင်းဆွဲထားတာမို့ သူတို့ရဲ့ မူလဝိညာဉ်တွေက အနောက်ဥယျာဉ်ဆီ ပြန်ဆွဲခေါ်ခံရပြီး အမတဆေးပင်အမျိုးမျိုးထဲ ပြန့်ကျဲသွားခဲ့တာပဲ။
မုန်လာဥဖြူပဲ မူလအသွင်အတိုင်း ကျန်ရစ်တယ်။
ကူယွဲ့ကို ပိတ်လှောင်ထားတဲ့အင်းကွက်က တခြားသူတွေနဲ့လည်း ချိတ်ဆက်ထားတာမို့ သူတို့ရဲ့အရှိန်အဝါက ဆက်နွယ်နေခဲ့တယ်။ တစ်ယောက်က တခြားတစ်ယောက်ကို ဆွဲခဲ့တာမို့ လန်ဟွားက ၂ ယောက်ပဲ ပြန်ဆွဲခေါ်ဖို့လုပ်ခဲ့တာတောင် ၇ယောက်လုံးကို ပြန်ဆွဲခေါ်နိုင်ခဲ့တယ်။
"ဂိုဏ်းချုပ်ရှန်း၊ ကျုပ်တို့လူတစ်ယောက်ကို မကယ်ရသေးဘူး" ချန်ကောက စိုးရိမ်တကြီး အော်တယ်။
"ရွှမ်ထုံ ရွှမ်ထုံအဲမှာရှိနေသေးတယ်"
ကူယွဲ့ ရေကြည့်လိုက်တယ်။ တကယ်ပဲ ရွှမ်ထုံ့ကို မုန်လာဥဖြူတွေကြား ရှာမတွေ့ဘူး။
"သူက မင်းတို့အားလုံးနဲ့ အင်းကွက်တူတူ ရှိနေတာမဟုတ်ဘူးလား" လန်ဟွား မေးလိုက်တယ်။
"သူက အင်းကွက်အလယ်မှာ၊ ကျုပ်တို့လို အင်းကွက်ထဲ ပိတ်နေခဲ့တာမဟုတ်ဘူး ပြီးတော့ ရှင်းဟန်က အင်းကွက်ဖန်တီးဖို့ သူမကိုသုံးခဲ့တာ၊ အဲမှာ အခုအရမ်းအန္တရာယ်များနေပြီ"
"သူမရဲ့အရှိန်အဝါက မင်းတို့အားလုံးနဲ့ မချိတ်ဆက်နေတော့ လိုက်လာလို့မရတာ" လန်ဟွား မျက်မှောင်ကြုတ်လိုက်တယ်။
"ပြီးတော့ သူမအခြေအနေက အတော်လေးထူးခြားတယ်၊ အဲဒါက သူမခန္ဓာကိုယ် မဟုတ်ဘူး၊ ငါတို့ သူမဝိညာဉ်ဒါမှမဟုတ် မူလဝိညာဉ်နဲ့ ဆက်စပ်နေတဲ့ဟာ ရှာတွေ့ပြီး အင်းကွက်ကို နောက်တစ်ကြိမ် ပြန်အသက်သွင်းတာ မဟုတ်ရင် ဘာမှလုပ်လို့မရဘူး"
ချန်ကောရဲ့မုန်လာဥဖြူ အရောင်ဖျော့သွားတော့တယ်။
ယိချင်းနဲ့ ရှန်းရင် အဓိပ္ပာယ်ပါပါ အကြည့်ချင်း ဖလှယ်လိုက်ကြတယ်။ သူမဝိညာဉ်နဲ့ ဆက်စပ်နေတဲ့အရာ... "တစ်ခုရှိတယ်"
YOU ARE READING
ပျင်းနေပြန်တဲ့ ကိုယ့်ဆရာ (Book 2)
FantasyBook 1 က wall ထဲ ဝင်ဖတ်လို့ရပါတယ် Book 1 က wall ထဲ ဝင္ဖတ္လို႔ရပါတယ္
