အခန်း ၂၂၂ ။ ဘယ်သူက ဆရာကြီး
"အဇဋာဧကရာဇ်" ပေါင်ဟွေ့က အထိတ်တလန့် ထပြောတယ်။ သူက ယိချင်းကို မယုံကြည်နိုင်ဟန် ကြည့်ပြီး ရှေ့တက်လာတယ်။
"အစေခံက ဒီနန်းတော်မှာ စီမံရေးအမတအစောင့်အဖြစ် အလုပ်လုပ်ခဲ့တာ နှစ်သောင်းချီကြာနေပါပြီ"
ကူယွဲ့က ခြောက်ကပ်ကပ်ရယ်ပြီး ထေ့ငေါ့ပြောလိုက်တယ်။
"နှစ်သောင်းချီ စီမံရေးအမတအစောင့်တစ်ယောက်က နန်းတော်ထဲက အမတတွေကိုတောင် မကိုင်တွယ်နိုင်ဘူးပေါ့၊ အမတရောင်းရင်း မင်းက တကယ်ကို ကျွမ်းကျင်လိုက်တာ ကြည့်ရတာ ကျီချန်နတ်ဆိုးဖြစ်လာတာ အကြောင်းရင်း မရှိတဲ့ပုံပဲ"
"ခင်ဗျား-" ပေါင်ဟွေ့က အခုဒေါသထွက်ပြီ။ သူ အဇဋာဧကရာဇ်ရဲ့ ကောင်းကင်နန်းတော်အတွက် ဒီနှစ်တွေမှာ အများကြီးလုပ်ပေးခဲ့တာ။ သူက အဆင့်မြင့်အမတ - တိုင်းပြည်ဧကရာဇ်တွေတောင် သူ့ကိုတွေ့ရင် တလေးတစား ရှိရတယ်။ ဒါက သူဘာပြန်ပြောရမလဲမသိတဲ့အထိ ပထမဆုံးအကြိမ် လှောင်ပြောင်ခံရတာပဲ။ သူ့စိတ်က ဂယက်ထနေတယ်။ သူ့မျက်စိထဲ တစ်စုံတစ်ရာ ဖြတ်ပြေးသွားပြီး ပေါင်ဟွေ့ အသက်ပြင်းပြင်းရှူကာ လှောင်ပြောင်လိုက်တယ်။
"ဒီဧကရာဇ်ငယ်က တကယ့်ကို ရယ်ဖို့ကောင်းတာပဲ၊ ခင်ဗျားမှာ ကျုပ်ကို ဝေဖန်ဖို့ ဘာအခွင့်အရေး ရှိလို့လဲ၊ ကျုပ်က ဒီကောင်းကင်နန်းတော်ရဲ့ အမတအစောင့်ပဲ၊ အဇဋာဧကရာဇ်ပဲ ကျုပ်ကို ဝေဖန်ခွင့်ရှိတာ၊ ခင်ဗျားက ဘာအဆင့်အတန်းမို့လဲ၊ မသိတဲ့လူတွေဆို ခင်ဗျားကမှ အဇဋာဧကရာဇ်အသစ်လို့ ထင်နေလောက်တယ်" သူက လေသံကို ပြင်ပြီး ယိချင်းကို လှမ်းကြည့်တယ်။
"အဇဋာဧကရာဇ် အသင်က စကားတစ်လုံးမှဝင်မပြောဘူး၊ ဒီလူက ကျွန်တော့်ကို နန်းတော်ကနေ နှင်ထုတ်ဖို့ ကြိုးစားနေပြီ၊ ဒီမှာ တစ်ခုခုလွဲနေတယ်လို့မထင်ဘူးလား"
ကူယွဲ့က အဇဋာဧကရာဇ်ကို ပုန်ကန်ဖို့ ကြိုးစားနေတာလို့ သူ သဲလွန်စပြနေတာ။ သူတို့ နန်းတော်ထဲ ဝင်တဲ့အချိန်တည်းက အဲဒါတကယ့်ကိစ္စပဲ။ ဘယ်အဇဋာဧကရာဇ်မှ သူ့နောက်လိုက်တစ်ယောက်က သူ့ခေါင်းပေါ်တက်တာကို ခွင့်ပြုမှာမဟုတ်ဘူး။ ဝူတိဂိုဏ်းက လွဲလို့...။
YOU ARE READING
ပျင်းနေပြန်တဲ့ ကိုယ့်ဆရာ (Book 2)
FantasyBook 1 က wall ထဲ ဝင်ဖတ်လို့ရပါတယ် Book 1 က wall ထဲ ဝင္ဖတ္လို႔ရပါတယ္
