အခန်း ၂၂၇ ။ နတ်ဆိုးတံခါးနောက်မှ အမှန်တရား
"နင်တို့အားလုံးက အမတလောကကလား" အမျိုးသမီးက သူတို့ကိုကြည့်ပြီး အံ့အားသင့်သွားတယ်။ နောက်တော့ စိတ်အနှောင့်အယှက်ဖြစ်ဟန် မျက်မှောင်ကြုတ်လေတယ်။
"ဘာလို့ နတ်ဆိုးလောကထဲ ရောက်နေကြတာလဲ"
သူတို့တွေက တစ်ခဏမှင်တက်သွားတယ်။ တစ်ချက်တည်းနဲ့ သူတို့ဘယ်သူဘယ်ဝါဆိုတာကို မြင်နိုင်လိမ့်မယ်လို့ မထင်ခဲ့ဘူး။ သူတို့အားလုံး တစ်စုံတစ်ယောက်ကို လှည့်ကြည့်လိုက်တယ်။ သူ ဘယ်လိုအရည်အသွေးနိမ့်တဲ့ အဆောင်တွေ သူတို့ကိုပေးထားတာတုံး။
ငမည်းလေး ။ ။ "..." ငါနဲ့မဆိုင်ဘူးလေ။ ငါလည်း သူဘယ်လိုပြောနိုင်လဲ မသိဘူးဟ။
"စိုးရိမ်စရာမလိုပါဘူး၊ ထိခိုက်စေလိုတာ မဟုတ်ဘူး" အမျိုးသမီးက သူတို့ကြောင့်ကြမှုကိုမြင်ပြီး ရှင်းပြတယ်။
"နတ်ဆိုးလောကထဲ ငါ့အပြင် တခြားအမတတွေရှိမယ်လို့မထင်မိခဲ့ဘူး"
သူမက လက်သိုင်းကွက်တချို့ ထုတ်ပြီး ဂါထာတချို့ကိုဖယ်လိုက်တယ်။ နောက်တစ်စက္ကန့်မှာ သူမပတ်လည်က မသေမျိုးချီက ပိုပြီးတောင် ထူထဲလာကာ အကောင်အထည်ရှိတော့မဲ့အတိုင်းပဲ။
"အဇဋာဧကရာဇ်" ကူယွဲ့က အံ့ဩတကြီး ရေရွတ်လိုက်မိတယ်။ သူမမှာ အဇဋာဧကရာဇ်တစ်ယောက်ရဲ့ ကျင့်ကြံဆင့်ရှိလိမ့်မယ်လို့ သူ မထင်ခဲ့ဘူး။ သူမက သူတို့ရုပ်ဖျက်ထားတာကို မြင်နိုင်တာလည်း အံ့ဩစရာ မဟုတ်တော့ဘူး။
"ဖြစ်နိုင်တာကတော့ နင်တို့အားလုံး ငါ့ကို ကြားဖူးလောက်မှာပါ" သူမက သက်ပြင်းချပြီး ဖော်ရွေတဲ့အပြုံးပြုံးကာ ခပ်တိုးတိုးပြောလာတယ်။
"ငါက ကျိုးဟွား၊ ပေါ်ပင်လယ်ရဲ့အဇဋာဧကရာဇ်ပဲ"
ယိချင်း ။ ။ "..."
ရှန်းရင် ။ ။ "..."
ငမည်းလေး ။ ။ "..."
ပေါ်... ပင်လယ်
ကူယွဲ့ နှုတ်ခမ်းတွေ တွန့်ချိုးသွားပြီး စားဖိုမှူးကို ညွှန်ပြလိုက်တယ်။
YOU ARE READING
ပျင်းနေပြန်တဲ့ ကိုယ့်ဆရာ (Book 2)
FantasyBook 1 က wall ထဲ ဝင်ဖတ်လို့ရပါတယ် Book 1 က wall ထဲ ဝင္ဖတ္လို႔ရပါတယ္
