ပျင်းနေပြန်တဲ့ ကိုယ့်ဆရာ (Book 2)

အခန်း ၃၂၉ ။ တစ်ယောက်အတွက်တစ်ယောက်

အခန်း ၃၂၉ ။ တစ်ယောက်အတွက်တစ်ယောက်

"အော်ဟုတ်သား၊ ပြိုင်ပွဲ‌ဝင်တွေရဲ့ နာမည်စာရင်းအတွက်ကတော့..." လော့ဟုန် မျက်လုံးတွေ တလက်လက် တောက်ပနေတယ်။ သူက မျှော်လင့်တကြီး ပြောလိုက်တယ်။

"သူတို့ချီကိုလေ့ကျင့်ပြီး အုတ်မြစ်တွေကို တည်ဆောက်နေတဲ့တပည့်တွေအတွက်တော့ စီစဉ်ဖို့က လွယ်ပေမဲ့ ရွှေအမြုတေအဆင့်က လူတွေအတွက်ကတော့... အတော်လေးခဲယဉ်းမှာ"

"ယိချင်းကို ပါခိုင်းဖို့ စဉ်းစားနေတာပဲ"

ကူယွဲ့ ထခုန်လိုက်တယ်။ သူ လော့ဟုန် ဘာစဉ်းစားနေလဲ ရုတ်တရက် ခန့်မှန်းမိသွားတယ်။

လော့ဟုန် ပြုံးပြီး ခေါင်းညိတ်လိုက်တယ်။ သူ့ကြည့်ရတာ ပိုစိတ်လှုပ်ရှားသလိုပဲ။

"ယိချင်းက ခင်ဗျားတို့ဆရာသခင်နှစ်ယောက်ရဲ့ တပည့်ပဲ၊ သူ့မှာ လောကထက်သာလွန်တဲ့ အစွမ်းရှိတယ်၊ ဆန်းကြယ်ဘုံဆီ သွားတဲ့ ခရီးက သူ့ကို ဉာဏ်အလင်းပွင့်စေပြီး အမြုတေဖန်တီးခွင့်ပြုလိုက်ပြီးပြီ၊ သူက သေချာပေါက် ကျွန်ုပ်တို့ဂိုဏ်း ရွှေအမြုတေအဆင့် အနိုင်ရအောင် ကူညီပေးမှာ-"

"ဟင့်အင်း" လော့ဟုန် စကားမဆုံးခင် ကူယွဲ့က သူ့ကို ကြားဖြတ်ပြောလိုက်တယ်။

"သူ့အတွက် ဘာကိုမှသက်သေပြဖို့ မလိုဘူး၊ သူ ဘယ်ပြိုင်ပွဲကိုမှ ဝင်ပြိုင်မှာမဟုတ်ဘူး"

ကူယွဲ့က ယိချင်းရဲ့ကျင့်ကြံဆင့်ပေါ် အမြင်အရှင်းလင်းဆုံးပဲ။ သူက နတ်ဝိညာဉ်အဆင့်ရောက်ဖို့ လမ်းတစ်ဝက်ရောက်နေပြီ။ တကယ်လို့ သူ ပြိုင်ပွဲထဲမှာသာ ဝင်ပြိုင်ရင် သူ့ cheat တတ်တဲ့ သဘာအရဆို နတ်ဝိညာဉ်ကျင့်ကြံသူဖြစ်လာပြီး နတ်ဝိညာဉ်ဖွဲ့စည်းခြင်းအဆင့် ကျင့်ကြံသူ အမြန်ဖြစ်လာလိမ့်မယ်။

"ဆရာသခင်..." လော့ဟုန် ကူယွဲ့ သူ့အကြံကို ငြင်းမယ်လို့ မထင်မိခဲ့ဘူး။ ဘယ်လိုပဲဖြစ်ဖြစ် ဒါက တိုက်ပွဲကို အနိုင်ယူပြီး သူတို့အတွက် သူတို့နာမည်တစ်ခုတွင်အောင်လုပ်ဖို့ ပြီးပြည့်စုံတဲ့ အခွင့်အရေးပဲ။ သူက ကူယွဲ့ကို အူကြောင်ကြောင်စိုက်ကြည့်ကာ ကန့်ကွက်တော့တယ်။