အခန်း ၂၃၆ ။ မိစ္ဆာနတ်ဘုရားနှင့်သဘောတူညီချက်
ကူယွဲ့က လက်သိုင်းကွက်တချို့ထုတ်လိုက်ပြီး မသေမျိုးချီတစ်တန်းကို ညှိုးနေတဲ့ပန်းဆီ ဦးတည်လိုက်တာ သေချာစစ်ဆေးလိုက်တယ်။
"အရှိန်အဝါက ပျောက်သွားပြီ၊ မုန်လာဥဖြူကို တိုက်ခိုက်ချိန် လျော့နည်းသွားတာနေမယ်"
"မြက်ပုံစံ အမတဆေးမြစ်တွေက သူတို့ပတ်ဝန်းကျင်ရဲ့ သက်ရောက်မှုခံရဖို့ အလွယ်ဆုံးပဲ"
ယိချင်းက ပြောလာတယ်။
"ဒီပန်းက ပြတင်းပေါက်ဘောင်မှာထားထားတာ၊ ရွှမ်ထုံ့ကို ပြန်ပေးဆွဲတဲ့လူရဲ့ အရှိန်အဝါ သက်ရောက်ခံရတာ ဖြစ်မယ်"
"ဒါပေမဲ့ ငါတို့ ဒီအငွေ့အသက်ကိုတစ်ခါမှမမြင်ဖူးဘူးလေ"
ကူယွဲ့ မျက်ခုံးတွေကြုံ့မိလုနီးပါးဖြစ်သွားတယ်။
"လန်ဟွား ဒါက ဘာအငွေ့အသက်မျိုးလဲဆိုတာ အာရုံမခံနိုင်တာ မဆန်းဘူး၊ ဒါတကယ်ကိုပဲ ထူးဆန်းတာ၊ မသေမျိုးချီမဟုတ်ပေမဲ့ နတ်ဆိုးချီလည်းမဟုတ်ပြန်ဘူး၊ ပြီးတော့... အရမ်းအေးလွန်းတယ်"
အဲအခိုက်အတန့်မှာ အေးစက်တဲ့ အငွေ့အသက်တစ်မျိုးက တစ်ခန်းလုံးကို ပြည့်သွားတာ ခံစားလိုက်ရတယ်။
ပြီးတော့ လက်ကျန်အရှိန်အဝါတစ်စွန်းတစ်စကတင် မုန်လာဥဖြူကို လွင့်ထွက်သွားစေနိုင်တာ။ မုန်လာဥဖြူက အပင်ဝိညာဉ်ဆိုပေမဲ ကျင့်ကြံဆင့်မနိမ့်ဘူး။ အဲဒါကနေကြည့်ရင် ရွှမ်ထုံ့ကို ခေါ်သွားတဲ့သူက အင်မတန် သန်မာတယ်ဆိုတာ မြင်နိုင်တယ်။
"ငါသိရသလောက်တော့ အမတလောကမှာ ဒီလိုအရှိန်အဝါနဲ့လူ မရှိဘူးထင်တာပဲ"
ချန်ကောက အသည်းအသန် ခေါက်တုံ့ခေါက်ပြန်လျှောက်တော့တယ်။
"နတ်ဆိုးဘုံကများလား"
"ဟင့်အင်း" ကူယွဲ့ခေါင်းယမ်းပြီး သူ့ထင်ကြေးကို ငြင်းဆန်လိုက်တယ်။
"တကယ်လို့ နတ်ဆိုးဘုံမှာသာ ဒီလိုလူမျိုးတကယ်ရှိရင် မင်းစိတ်နတ်ဆိုးတွေက နတ်ဆိုးဘုံတံခါးကို ဖွင့်ချိန် ရှန်းရင်ဝင်သွားတော့ တွေ့ခဲ့မှာပေါ့၊ သူတို့ခုမှပေါ်လာတဲ့အထိ စောင့်နေခဲ့မှာမဟုတ်ဘူး" ပြီးတော့ ဝူတိဂိုဏ်းရဲ့တပည့်ကို ပြန်ပေးဆွဲဖို့လူကို ထွက်ခွင့်ပေးတာမျိုးက ငမည်းလေး လုပ်ရမဲ့အရာမဟုတ်ဘူး။
KAMU SEDANG MEMBACA
ပျင်းနေပြန်တဲ့ ကိုယ့်ဆရာ (Book 2)
FantasiBook 1 က wall ထဲ ဝင်ဖတ်လို့ရပါတယ် Book 1 က wall ထဲ ဝင္ဖတ္လို႔ရပါတယ္
