𝑺𝒕𝒆𝒂𝒍 𝑻𝒉𝒆 𝑴𝒂𝒍𝒆 𝑳𝒆𝒂𝒅 (𝑴𝑴 𝑻𝒓𝒂𝒏𝒔𝒍𝒂𝒕𝒊𝒐𝒏)❲✓❳

29. Returning to the world...

Unicode

ပြန်လည်မွေးဖွားခြင်း လမ်းကြောင်းကို လျှောက်လှမ်းဖို့အတွက် များစွာသော နေရာတွေကို ဖြတ်ကျော်သွားဖို့ လိုအပ်သည်။ ဖေးချန်းချီ ကတခြားနေရာတွေတွင် လျှောက်နေပြီး နေရာပေါင်းများစွာကို ဖြတ်ကျော်ခဲ့သည်။ သို့သော် ဒီအုပ်စုကို ဖြတ်လိုက်သော်လည်း သူရှာနေသည့်လူကို မတွေ့ရပေ။

ဖေးချန်းချီ ကခြေလှမ်းကို မြန်လိုက်ရင်း လူတစ်ယောက်ကို ဆက်တိုက်ရှာဖွေနေပြီး သူ့မျက်လုံးတွေက အုပ်စုထဲကို လိုက်ကြည့်နေသော်လည်း ကျရှုံးနေတုန်းပင်။ သူက လူပေါင်းများစွားကို ဖြတ်လျှောက်လိုက်ပြီး များစွာသော ဂိတ်ပေါက်တွေကို ဖြတ်သွားခဲ့သည်။ သူ့အပြစ်အတွက် ပေါ်လာသည့် ခုံရုံးကို ကျော်လိုက်ရင်း သူကျူးလွန်းခဲ့သည့် အပြစ်တွေအတွက် အပြစ်ဒဏ်ကို ခံစားခဲ့ရသည်။

ဖေးချန်းချီ ကဝင်ပေါက်တွေကို ဖြတ်သန်းသွားရင်း နှစ်ဘယ်လောက် ကုန်ဆုံးသွားပြီလဲဆိုတာ မသိပေ။ အချိန်တွေက ကုန်ဆုံးသွားခဲ့သော်လည်း သူရှာနေသည့် လူကိုတော့ မတွေ့ရသေးပေ။ သူက ပြန်ဝင်စားတာ ဖြစ်နိုင်သည်။ သူနဲ့မတူပဲ ဇူးလုံဝမ် ကအပြစ်ကင်းသည်။

ဖေးချန်းချီ ကညစ်ထေးနေသည့် လမ်းတစ်လျှောက် လျှောက်နေရင်း သူ့ဘေးဘက်မှ အုပ်စုကလည်း တဖြည်းဖြည်း နည်းပါးလာခဲ့သည်။ ရှေ့ဘက်တွင် တံတားတစ်ခုက ရှိနေသည်။ ဖေးချန်းချီ ကစက္ကန့်ပိုင်းလောက် တံတားအား ကြည့်နေခဲ့သည်။ သူ ရောက်ခဲ့ပြီ။ သူအသက်ရှူသွင်းလိုက်ပြီး တဖြည်းဖြည်း သက်ပြင်းချလိုက်ကာ အိုလီဗီယမ်မြစ်ကို ဖြတ်ဆောက်ထားသည့် တံတားအား ကြည့်လိုက်သည်။

အိုလီဗီယမ်မြစ် ကတစ်ကယ့်ကို နာမည်အတိုင်းပင်။ ဒီတံတားက မြစ်ကိုဖြတ်သန်းသွားပြီး ရပ်လိုက်တာနဲ့ ဘဝတစ်ခုက အနောက်တွင် ကျန်ရစ်ခဲ့လိမ့်မည်။ ဖေးချန်းချီ ကရပ်လိုက်ပြီး သူ့နှုတ်ခမ်းကို ကိုက်လိုက်ကာ ပြန်လှည့်လိုက်သည်။ တဖြည်းဖြည်းနဲ့ ရှေ့လျှောက်နေကြသည့် လူတွေအား ကြည့်လိုက်ပြီး သူရှာနေသည့်သူကို ရှာမတွေ့နိုင်ပေ။

သူက တကယ်ပဲ ပြန်ဝင်စားသွားပြီလား? ဖေးချန်းချီ ကထိုလူမရှိပဲ ပြန်မဝင်စားချင်ပေ။ သူ စောင့်ချင်ခဲ့သည်။ သို့သော် ဇူးလုံဝမ် ကိုရှာဖွေဖို့ အချိန်များစွာ အသုံးပြုခဲ့ပြီး သူ့ကို ရှာမတွေ့နိုင်သေးပေ။ ဇူးလုံဝမ် သာပြန်ဝင်စားခဲ့ပြီးပြီဆိုရင် ထိုလူက သူ့ကိုပိုပြီး စောင့်နေစေချင်မှာ မဟုတ်ဘူး။