𝑺𝒕𝒆𝒂𝒍 𝑻𝒉𝒆 𝑴𝒂𝒍𝒆 𝑳𝒆𝒂𝒅 (𝑴𝑴 𝑻𝒓𝒂𝒏𝒔𝒍𝒂𝒕𝒊𝒐𝒏)❲✓❳

5.19

Unicode

တန်ဒိုးရာခိမိ ကသူ့မျက်လုံးတွေကို ဖွင့်လိုက်ပြီး သူဘယ်နေရာမှာလဲဆိုတာ မသေချာပေ။ ဒါပေမဲ့ သေသေချာချာ သိတာကတော့ တကယ့်အစစ်အမှန် မဟုတ်ပဲ ဒါက မဖြစ်နိုင်ပေ။

ဘာမှမမြင်ပဲ အရှေ့ကို လျှောက်သွားပြီး သူလျှောက်လိုက်သည်နှင့် အမှောင်ထုက ပိုမိုများပြားလာခဲ့သည်။ သူမကြောက်ပေ။

သူ့စိတ်ထဲတွင် အေးချမ်းနေမှု နည်းနည်းလေးကို ခံစားမိသည်။ ခြေလှမ်းလိုက်ရင်း အသံတွေက ပိုပိုနီးကပ်လာခဲ့သည်။ အမှောင်ကို ဖြတ်သွားပြီး တန်ဒိုးရာခိမိ ရဲ့ခန္ဓာကိုယ်က အသံတွေဆီကို ဦးတည်သွားခဲ့သည်။

အခုတော့ ဝေဝါးနေသည့် အသံတွေကို ကြားနိုင်ပေမဲ့ မသဲကွဲပေ။ ဒါက ထူးဆန်းသည်။ ဒါက ဂျပန်စကား မဟုတ်ပေမဲ့ သူ့ဦးနှောက်က ဘာတွေပြောနေလဲဆိုတာကို နားလည်နေခဲ့သည်။

“မက်မွန်ပန်းတွေ ထပ်ပွင့်လာချိန်မှာ မင်းက ငါ့ကို မှတ်မိနေဦးမယ်လို့ မျှော်လင့်ပါတယ်”

တန်ဒိုးရာခိမိ ရဲ့မျက်လုံးအရှေ့တွင် အိပ်ရာပေါ်မှ အဖြူရောင် ဆံပင်ရှည်တွေက ပျံ့ကျဲစွာဖြင့် လဲလျောင်းနေသည့် လူတစ်ယောက်ရဲ့ ပုံရိပ်က ပေါ်လာခဲ့သည်။

အနက်ရောင် ဆံပင်နဲ့ လူက ထိုလူကို ကိုင်ထားရင်း သူ့ခေါင်းတွင် သရဖူဆောင်းထားပြီး ရွှေရောင် အဝတ်အစားတွေကို ဝတ်ဆင်ထားသည်။

ထို့နောက် အဖြူရောင် ဆံပင်နဲ့လူရဲ့ မျက်လုံးတွေက ရုတ်တရက် စတင်မှိတ်လာခဲ့ပြီး သူ့လက်မောင်းတွေက ဘေးကို ကျသွားခဲ့သည်။ ထိုလူက သူ့လက်ကို တင်းတင်းကိုင်ထားပြီး သူ့နှုတ်ခမ်းတွေက ဖြူဖွေးလာကာ သူ့မျက်လုံးတွေက နီရဲလာပြီး ထိုလူကို ကိုင်ထားရင်း သူ့မျက်လုံးတွေကို မှိတ်ချလိုက်သည်။

တန်ဒိုးရာခိမိ သူ့နှလုံးသားတွင် နာကျင်မှုကို ခံစားလိုက်ရသည်။ ထိုနာကျင်မှုကြောင့် သူ့ခေါင်းက ကိုက်လာခဲ့ပြီး ဒီပုံရိပ်တွေက ရင်းနှီးလာခဲ့သည်။

သူ့နှလုံးသားက အခုန်မြန်လာခဲ့ပြီး ဘာကြောင့်လဲဆိုတာကို သူ နားမလည်ခဲ့ပေ။ ဘာတွေဖြစ်နေတာလဲ? သူက ဘယ်နေရာမှာလဲ?