အခန်း(၁၁၉၉)
ငါက သူ့ကို နားမလည်နိုင်တော့ဘူး။
Gu Beiyue မှာ ဆေးပညာသင်တန်းကျောင်း အနောက်တံခါးမှ ထွက်ခွာပြီး ကွယ်ဝှက်ထားသော လူသွားလမ်းအဆုံးသို့ အသေးလေး ကို ခေါ်ဆောင်သွားလိုက်သည်။ အသေးလေးမှာ သူ၏ ပခုံးပေါ်တွင် ထိုင်ကာ စိတ်ရှုပ်နေသည်။ ရံဖန်ရံခါ လူကြီးမင်းကို တစ်ချက်ကြည့်ကာ အကြိမ်အနည်းငယ် အော်မြည်ကာ မေးလေ့ရှိသည်။
အရမ်းနောက်ကျနေပြီ၊ ဒါပေမယ့် လူကြီးမင်းက ဘယ်သွားမလို့လဲ။ သူက ထွက်သွားမှာကို ဘယ်သူမှ မသိအောင် ဆေးပညာသင်တန်းကျောင်း နောက်ဖေးတံခါးကိုတောင် အသုံးပြုနေတယ်။
“ချီ… ချီ၊ ချီ…ချီ…” အသေးလေးမှာ နောက်ထပ် အကြိမ်အနည်းငယ် အော်မြည်လိုက်သည်။
Gu Beiyue မှာ အသေးလေး ကို သူ၏ ပခုံးပေါ်ကနေ ခေါ်လိုက်ပြီး လက်ထဲတွင် အုပ်ထားလိုက်သည်။နူးညံ့သိမ်မွေ့သောလေသံဖြင့် သူက ပြောလိုက်သည်။ “လိမ်လိမ်မာမာနေ… ကျွန်တော်တို့ရောက်ခါနီးပြီ။ ဂနာမငြိမ် မလုပ်နဲ့တော့။"
အသေးလေးမှာ နားမလည်သော်လည်း လူကြီးမင်းမှ သူ့ကို အော်ဟစ်နေခြင်း ရပ်တန့်ရန် ပြောနေမှန်း သိနိုင်သည်။ သူက လူကြီးမင်း၏ နွေးထွေးသော လက်နှစ်ဖက်ကို ပွတ်သပ်ကာ ငြိမ်သက်သွားသည်။
တဖြည်းဖြည်း Gu Beiyue မှာ သူ၏ ခြေလှမ်းများကို အရှိန်မြှင့်လိုက်သည်။ သူ၏ ပုံစံမှာ တိတ်ဆိတ်သောလမ်းများတစ်လျှောက် လျင်မြန်စွာဖြတ်သွားသော အရိပ်တစ်ခုကဲ့သို့ပင်။ အလွန် လျင်မြန်လှသဖြင့် အသေးလေးမှာ သူတို့က ဖြတ်သွားသောလမ်းများကိုပင် မမှတ်မိနိုင်တော့ပေ။ ခဏအကြာတွင် သူတို့က လမ်းကြားတစ်ဖက်ထဲကို ဝင်သွားပြီး တံခါးတစ်ခုရှေ့တွင် ရပ်လိုက်သည်။ အသေးလေး၏ နက်မှောင်သော မျက်လုံးများမှာ လူကြီးမင်း၏ နောက်ထပ် လျှို့ဝှက်ချက်များကို လေ့လာတော့ရမည်ကို သတိပြုမိသောကြောင့် စက်ဝိုင်းပုံစံ ဝိုင်းစက်လာသည်။
Gu Beiyue မှာ ထိုနေရာတွင် တစ်ယောက်မျှမရှိကြောင်း သေချာစေရန် ဘယ်ညာကြည့်ပြီးနောက်မှ တံခါးကိုခေါက်လိုက်သည်။ သူ၏ တံခါးခေါက်ခြင်းအတွက် တိကျသောပုံစံရှိနေသည်… လျှို့ဝှက်အချက်ပြမှုတစ်ခုပင်။ ခဏအကြာတွင် တစ်စုံတစ်ယောက်မှ တံခါးလာဖွင့်ခဲ့သည်။ ဆေးမြို့တော်မှ နှစ်ပေါင်းများစွာ ပျောက်ကွယ်သွားခဲ့သော Xu Yibo အပြင် အခြားသူမဟုတ်ပေ။ Gu Beiyue မှာ Han Yunxi ကို ဆေးမြို့တော်သို့ ဆွဲဆောင်ရန် ယခင်က သူ့ကို အသုံးပြုခဲ့သည်။
YOU ARE READING
အဆိပ်ပါရမီရှင် ကြင်ယာတော် book 7
Historical Fiction**Book 7 ** အလွယ်တကူ အနိုင်ကျင့်ခံရကာ ရုပ်ဆိုးသော မည်သည့် ဆေးပညာစွမ်းရည်မှ မရှိသော သူမ။ သူက လူများစွာမှ ထောက်ပံ့ပေးခြင်းခံရကာ ကောင်းကင်အောက်တွင် အာဏာကြီးစွာဖြင့် ထျန်းနင်၏ အလေးစားခံရဆုံးသော ချင်ဝမ်။ သူတို့၏ မင်္ဂလာဆောင်နေ့တွင် ဝေါယာဥ်မှာ တံခါးရှေ့တွ...
