အဆိပ်ပါရမီရှင် ကြင်ယာတော် book 7

အခန်း(၁၃၆၉)

အခန်း(၁၃၆၉)

နှစ်သစ်ကူး အထူး ထုတ်ဝေမှု အပိုင်း(၁)

နှစ်သစ်ကူးအကြိုနေ့။

မရေမတွက်နိုင်သော မီးရှူးမီးပန်းများမှာ ညကို တက်ကြွစေသည်။  မဟာချင် နန်းတော်တွင် မီးပုံးများမှာ တောက်ပသော အရောင်များဖြင့် ထွန်းတောက်နေစဥ် မီးရှူးမီးပန်းများ တဖျပ်ဖျပ် လက်နေသည်။ တော်ဝင်စုံတွဲမှာ သားနှင့်သမီးတို့ဖြင့် ထွက်ခွာသွားပြီးနောက် ဤနန်းတော်ကြီးမှာ တိတ်ဆိတ်ရုံမျှမက အေးစက်နေတော့သည် ။ ကံကောင်းထောက်မစွာ၊ Gu Beiyue သည် ကိစ္စများကို အချိန်မီ စီစဉ်ရန် နှလုံးသားရှိခဲ့သည်။ Rui'er မှာ စာအိတ်အနီများကို ဖြန့်ဝေရန် ရည်မှန်းကာ ပြင်ဆင်ထားသော်လည်း Gu Beiyue မှာ Long Feiye နှင့် Han Yunxi တို့ကို အခြားကိစ္စရပ်အချို့တွင် ကူညီပေးနေဆဲဖြစ်သည်။

ဥပမာအားဖြင့်၊ သူက တရားရုံး၏အရာရှိများနှင့် နယ်စပ်ရှိစစ်သားများကို ဆုလာဘ်ချီးမြှင့်ရန် Long Feiye ၏အမည်ကို အသုံးပြုခဲ့သည်။ သူက Han Yunxi ၏အမည်ကို အသုံးပြု၍ နန်းတော်ရှိ အစေခံများနှင့် နန်းမြို့တော်ရှိ အထက်တန်းလွှာ အမျိုးသမီးများအားလုံးကို နှစ်သစ်ကူး၏ ပထမနေ့တွင် စာအိတ်အနီများကို ပြင်ဆင်ကာ ပို့ပေးခဲ့သည်။ စက္ကူဖြတ်မီးပုံးများ၊ ပန်းစာများ၊ မီးရှူးမီးပန်းများနှင့် ဗျောက်အိုး ကဲ့သို့ ပစ္စည်းများကို တောင်ဘက်မှ နန်းတော်သို့ ပို့ပေးရန်အတွက်လည်း သူမ၏အမည်ကို အသုံးပြုခဲ့သည်။

ထို့အတွက်ကြောင့် ယနေ့ည နန်းတော်မှာ အထူးတလည် တက်ကြွနေတော့သည်။ နန်းတော်တွင်းရှိ အစေခံများပင်လျှင် ဧကရာဇ်နှင့် ဧကရီတို့ တိတ်တဆိတ် ပြန်လာကြသည်ဟု သံသယရှိနေလျှင် အပြင်မှလူများဆိုလျှင် ပြောစရာမလိုတော့ပေ။ လက်ရှိတွင် သန်းခေါင်ယံသို့ နီးကပ်လာလေပြီ။ နှစ်သစ်တစ်ခု စတင်တော့မည်။ အပြင်ဘက်မှ မီးရှူးမီးပန်းသံများ ပြင်းထန်လာစဥ် Qin Min မှာ Gu Beiyue ၏ ရင်ခွင်ထဲတွင် ငြိမ်းအေးစွာ အိပ်မောကျနေခဲ့သည်။ သေမျိုးတို့၏ ပျော်ရွှင်မှုပြီးနောက် သူမ မောပန်းနွမ်းနယ်မှုကို ပထမဆုံးအကြိမ် ခံစားရခြင်း ဖြစ်ကောင်းဖြစ်နိုင်သည် သို့မဟုတ် သူက နူးညံ့သိမ်မွေ့လွန်းသဖြင့် ဆူညံသံက သူမကို အနည်းငယ်မှ မနိုးထစေခြင်းလည်း ဖြစ်နိုင်သည်။ ယင်းအစား၊  Gu Beiyue  မှသာ အိပ်မပျော်သေးပဲ Qin Min ၏ခေါင်းကို လက်တစ်ဖက်ဖြင့် ပွေ့ပိုက်ထားကာ ကျန်တစ်ဖက်ကို ခေါင်းနောက်တွင် အုံးထားသည်။ မျက်လုံးများကျယ်နေပြီး သူ၏ အတွေးများမှာ လျှို့ဝှက်ဆန်းကြယ်နေခဲ့သည်။