ရှီရှန်း (႐ွီ႐ွန္း) Book 2 Arc 5 to Arc 10

Arc 7.34[END]

Unicode

ရှီရှန်းက လွင့်ထွက်သွားပြီးတော့နောက်ဘက်ကနံရံနဲ့ရိုက်မိလိုက်တယ် သူမနားတွေအူသွားပြီးတော့ပြန်အဆင်ပြေသွားတဲ့အချိန်မှာထိတ်လန့်သွားတယ်

သူမနှလုံးသားကရင်ဘတ်ထဲကပေါက်ထွက်လုမတတ်ပြင်းထန်စွာခုန်နေတယ်

ဒုန်း!  ဒုန်း!  ဒုန်း! မိုးကြိုးနဲ့အပြိုင်ခုန်နေသလို!!

အရူးတစ်ယောက်လိုပဲ ကောင်းကင်ကိုရှီရှန်းတစ်ယောက်မော့ကြည့်နေတယ်ပေါက်ကွဲမှုဆီကနေ အနက်ရောင်ပြာမှုန်လေးတွေလွင့်ကျလာတယ်

ပေါက်ကွဲမှုထဲမှာလူအချို့ပါသွားပြီးမြေပြင်ပေါ်ကိုပြုတ်ကျလာတယ် အဖြစ်အပျက်တွေကအနှေးပြကွက်နဲ့ပြနေသလိုမျိုးရှီရှန်းရဲ့မျက်ဝန်းထဲမှာထင်းနေတယ်

ကောင်းကင်တစ်ခုလုံးကိုအမှောင်ထုကကြီးစိုးသွားပြီ

ရှီရှန်းရဲ့နားထဲမှာတစ်စုံတစ်ယောက်အော်ခေါ်နေတာကိုကြားနေရတယ်
"ခန်းမသခင်!!!!''

တုန်ရီခြောက်ခြားနေတဲ့အသံကရှီရှန်းနားထဲကိုဝင်လာတယ်သူမနားစည်ကနေတစ်ဆင့်ဝိညာဥ်တစ်ခုလုံးရဲ့အနက်ရှိုင်းဆုံးနေရာကိုရောက်သွားသလိုကြောင်သွားတယ်
စိတ်ကိုတင်းပြီးတော့သေချာကြည့်လိုက်ပေမဲ့သူမမီးခိုးရောင်ပဲမြင်ရတယ်

"ခန်းမသခင်ကဒီမှာ!, ခန်းမသခင်!!!''
ရှီရှန်းကရုတ်တရပ်ထရပ်လိုက်ပြီးတော့ဘေးကလူတွေအားလုံးကိုတွန်းဖယ်ပြီးအသည်းအသန်ပြေးသွားတယ်

မြေပြင်ပေါ်မှာအနီရောင်ဝတ်စုံနဲ့လဲလျောင်းနေတဲ့သူကိုကူညီပြီးထူဖို့ကြိုးစားနေကြတယ်
သူ့ကိုကြည့်ရတာတော်တော်ကိုဒဏ်ရာရထားပြီး​သွေး​တွေစိုရွှဲ​နေတယ် ဒါပေမဲ့ရင်ဘတ်ပေါ်ကညင်သာတဲ့နိမ့်ချည်မြင့်ချည်ပုံစံကြောင့်သူအသက်ရှင်နေသေးမှန်းသိစေတယ်

"ပုကျင်းယွင်''
ရှီရှန်းက မြေပြင်ပေါ်မှာထိုင်ချလိုက်တယ် သူမရဲ့အသံတွေကတုန်ရီနေပြီးသွေးအလိမ်းလိမ်းပေနေတဲ့သူ့ကိုကြည့်နေမိတယ်ရှီရှန်းကခြေမကိုင်မိလက်မကိုင်မိဖြစ်နေပြီးတော့သူမရဲ့အမြဲတမ်းတည်ငြိမ်နေတဲ့ပုံရိပ်ကဖန်ခွက်တစ်ခုလိုကွဲအက်သွားပြီ