ရှီရှန်း (႐ွီ႐ွန္း) Book 2 Arc 5 to Arc 10

Arc 10.22

Unicode

လင်းရှန်းက ငိုရှိုက်ရင်း အခြေအနေကို စောင့်ကြည့်နေပေမယ့် ခဲ့အာကတော့ မျက်နှာတင်းမာနေဆဲဖြစ်ပြီး စေ့စပ်ပွဲကနေ ထွက်ပြေးသွားတဲ့ သမီးမိုက်ကို စိတ်ဆိုးနေတဲ့ ဖခင်ဇာတ်ရုပ်ကို အပီအပြင်သရုပ်ဆောင်နေတယ်

ရှီရှန်းကတော့ လှေကားလက်ရန်းကို မှီရင်း ပျင်းရိစွာ ထိုင်နေတယ်                   'အတုမက မီနိုင်းရဲ့အမူအကျင့်တွေကို အကျွမ်းတဝင်ဖြစ်အောင် လေ့လာထားပေမယ့်အသေးစိတ်တွေကိုတော့ မသိရှာဘူးပဲ...ခဲ့အာက မီနိုင်းကို တကယ်ဂရုမစိုက်ဘူးဆိုရင်တော့ သူမ လိမ်တာခံရမှာပေါ့..'

"အာ..နောက်ထပ်ဧည့်သည်တွေ ထပ်ရှိသေးတာလား.." အိမ်စေလေး တစ်ယောက်က အပြင်ဘက်ကို လှမ်းကြည့်ရင်းပြောတယ်

"ဟိုတစ်လောက လာတဲ့ ဧည့်သည်ရဲ့ကား မဟုတ်ဖူးလား..."

ရှီရှန်းလည်း အပြင်ကိုလှမ်းကြည့်လိုက်တယ်

"အရှင်မင်းသား..ဂုဏ်သရေရှိဧည့်သည်တော် ရောက်လာပါတယ်.."

အိမ်တော်ထိန်းက လင်းရှန်းကို မနှစ်မြို့တဲ့ အကြည့်နဲ့ကြည့်လိုက်ပြီး မင်းသားခဲ့အာကို အမောတကော အကြောင်းကြားလိုက်တယ်

အိမ်တော်ထိန်းရဲ့ စကားတွေ အဆုံးသတ်သွားတာနဲ့ အမျိုးသားတစ်ယောက် အထဲဝင်လာတာကိုတွေ့လိုက်ရတယ် သူ့အနောက်မှာနေရောင်ဖျဖျထိုးနေတာကြောင့် ကျက်သရေရှိတဲ့ သူတော်စင်တစ်ပါးကြွလှမ်းလာသလို ထင်ရစေတယ်

လင်းရှန်းက မျက်နှာပျက်သွားတယ် 'သူကဘာလို့ရောက်လာရတာလဲ..'

"အရှင် ရှီရင်း...." ခဲ့အာက အမြန်ထပြီး အရိုအသေပေးလိုက်တယ် "အရှင် အလည်အပတ်လာမယ့်အကြောင်းကို ကျွန်တော့်ကိုကြိုပြီး အကြောင်းကြားတာတော့ မဟုတ်ဘူးဗျာ.."

ရှီရင်းရဲ့ အကြည့်တွေက လင်းရှန်းဆီရောက်သွားပြီး ခပ်ယောင်ယောင်ပြုံးလိုက်တယ် "ဘာမှထွေထွေထူးထူးမဟုတ်ပါဘူး..လမ်းကြုံလို့ဝင်လာရုံပဲ.."

ခဲ့အာက သံသယဖြစ်သွားတယ် 'သူ့နေရာကနေ ငါ့နန်းတော်ကို ဘယ်လိုလမ်းကြုံသွားတာလဲ..'