Unicode
"စုဝေးပွဲတွေအကုန်လုံးကိုသရဲခြောက်တဲ့အိမ်မှာပဲလုပ်ရတယ်။ဒီနေရာကဒီတစ်ခေါက်အတွက်အရွေးခံလိုက်ရတာပဲ။ဒီမှာခြောက်နေတဲ့ဘယ်အရာကိုမဆိုပထမဆုံးမျိုးဖြုတ်ပစ်နိုင်တဲ့သူကအောင်နိုင်သူပဲ၊ကိုယ့်ရဲ့ဂုဏ်သတင်းကိုလည်းမြှင့်တင်နိုင်မယ်။"
ဖုန်းကျင်းရဲ့အသံကအမှောင်ထဲကနေပဲ့တင်ထပ်လာတယ်။"တခြားပယောဂဆရာတွေကငါတို့တို့ကိုတိုက်ခိုက်ပြီး၀င်ခွင့်တံဆိပ်ပြားတွေကိုလုယူနိုင်တယ်။
တံဆိပ်ခိုးခံရပြီဆိုရင်ထပ်ပြီးတော့ပြိုင်ပွဲမှာပါဝင်လို့ရတော့မှာမဟုတ်ဘူး။""ကိုယ်ကသူများတွေအားလုံးရဲ့အမှတ်တံဆိပ်ကိုခိုးမယ်ဆိုရင်ရော"
ရှီရှန်းကရုတ်ခနဲမေးလိုက်တယ်။ဖုန်းကျင်းသူမကိုပြန်မပြောခင်အချိန်ခဏလောက်ငေးကြောင်ကြောင်ဖြစ်သွားတယ် "အဲ့ဒီလူကဆရာသခင်ဘွဲ့ကိုအပ်နှင်းခြင်းခံရမှာပဲ"
"အဲ့ဒီဘွဲ့ကအရမ်းကောင်းတာပဲလား"
"ကိုယ်တော့အဲ့လိုပဲထင်တယ်"
ဒီမှာလာပြီးစုဝေးကြတဲ့သူတွေထဲကအတွေ့အကြုံရချင်တဲ့သူတွေအကုန်လုံးအပြင်မှာပဲကျန်နေခဲ့ကြတယ်။အတွေ့အကြုံရှိပြီးသားသူတွေသာအိမ်ထဲကိုဝင်ပြီးပါဝင်နိုင်မှာဖြစ်တယ်။ဒါကြောင့်ပြိုင်ပွဲဝင်သူတွေအကုန်လုံးရဲ့အမှတ်တံဆိပ်ကိုအမိအရလုယူနိုင်တယ်ဆိုရင် ဆရာသခင်ဘွဲ့ကိုခံယူနိုင်တဲ့အရည်အချင်းအင်အားပြည့်ဝသူဆိုတာကိုသက်သေခံနေတယ်။ဒါကပယောဂဆရာတွေအကြားအမြင့်မားဆုံးဂုဏ်အင်ပဲဖြစ်တယ်။
အဲ့ဒီဘွဲ့ခံယူပြီးသားသူမှန်သမျှသူတို့ဘယ်နေရာပဲသွားသည်ဖြစ်စေလေးလေးစားစားဆက်ဆံခံရတယ်။
"ဟုတ်ပြီ။အဲ့ဒါဆိုအကုန်လုံးကိုသွားပြီးလုယက်ကြမယ်" ရှီရှန်းကဝတ်ရုံလက်ကိုခေါက်တင်လိုက်ပြီးအလုပ်စလုပ်တယ်။ဖုန်းကျင်းကသူမကိုရပ်တန့်ဖို့ထက်ကူညီဖို့ကပိုပြီးလွယ်ကူတယ်ဆိုတဲ့နိဂုံးကို
မရောက်ခင်အချိန်တစ်ခုကြာတဲ့အထိချင့်ချိန်တွေးခဲ့တယ်။
YOU ARE READING
ရှီရှန်း (႐ွီ႐ွန္း) Book 2 Arc 5 to Arc 10
Teen FictionThis is not my own story just for offline reading and Myanmar transalation . full crd to original uploder and english transatator.