ရက်စက်သောနတ်ဘုရားမ

အပိုင်း ၄၇

Unicode

-နှင်းဆီနီနဲ့ သစ်ရွက်စိမ်း

စုန့်ကျားရန် တစ်‌ေယာက်ဘဲ ဖန်းယန်ရဲ့ အမူအရာကို မြင်လိုက်ရတာ မဟုတ်ဘဲ ရှချင်းဟန်နဲ့ အခြားသူတွေပါ မြင်ကွင်းကို မြင်လိုက်ရတယ်။

သူမပြုံးနေပေမယ့်လည်း ရှချင်းဟန်မှာ အံကြိတ်သည်နှင့်အမျှ မုန်းတီးခြင်းတို့ ပြည့်နှက်နေတယ်။

ဖန်းယန်က ရှရှီပေကိုတော့ စိတ်အားထက်သန်နေပြီးတော့ သူမရဲ့ ဖုန်းနံပါတ်ရဖို့ သူကဘဲ စတောင်းပြီး သူရဲ့ ဆက်ဆံ‌ပုံက သူမအပေါ်မှာတော့ သာမန်မျှသာရှိလို့ သူမရဲ့ မျက်နှာ ချနင်းခံရသလို ခံစားလိုက်ရတယ်။

မိန်းကလေးသုံးယောက်ထဲ လျိုကျီကျင်းက ရှရှီပေကို အရင်ဆုံး မှတ်မိတဲ့သူ ဖြစ်တယ်။

ရှရှီပေလို နုံချာပြီး အားနည်းတဲ့သူက စကောက်တစ်ယောက်ဆီကနေ စတား ဖြစ်အောင် လုပ်ပေးမယ်ဆိုတဲ့ ကတိကို ရလိုက်တယ်? ဟာသတွေလုပ်နေတာလား?!

ဒါကြောင့် သူမ ထေ့ငေါ့လိုက်ပြီး ရှရှီပေ လှည့်ကြည့်တော့ နှာတောင် မှုတ်ပြလိုက်သေးတယ်။

"နင့်မှာ ချစ်စရာကောင်းတဲ့ မျက်နှာလေး ရှိတာနဲ့ စကား ဖြစ်မယ်လို့ မျှော်လင့်မနေနဲ့! နင့်မှာ အဲ့လို ဖြစ်ရအောင်ထိ ကောင်းချီးရှိသလားဆိုတာ စောင့်ကြည့်နေလိုက် နင် ဆိုးဆိုး ရွားရွား ကျရှုံးသွားရင် ကြောက်စရာကြီးနော်!"

ရှချင်းဟန် မျက်လုံးတွေက စိတ်ပူပန်မှုတွေ ဖြတ်ပြေးသွားပြီး လျိုကျီကျွင်းလက်ကို တို့ကာ ရပ်ရန် အချက်ပြလိုက်တယ်။

ဒါပေမယ့် သူမက တကယ်အဲ့စကားတွေ ထွက်အောင် မရပ်‌ေစချင်သလို အားထုတ်မှုတွေ နည်းနေတယ်။

"ဟုတ်တယ် သူမက ကျော့ရှင်းတယ် နင် လှနေရင် နင်ကြိုက်တာ လုပ်လို့ရတယ်!"

စုန့်ကျားရန် စကားထပြောလိုက်လို့ သူတို့ အံဩသွားတယ်။

သူမက သူတို့ သုံးယောက်ကို လှောင်ပြောင်သလို ကြည့်လိုက်ပြီး ရွံရှာစွာ ပြောလိုက်တယ်။

"တစ်ချို့လူတွေ မလှတာ ဘယ်သူ့အပြစ်လဲ? နင့်မှာ အဲ့‌ေလာက် မနာလို ဝန်တို မုန်းတီးတာတွေ ရှိနေတာလား?! အဲ့တာက နင့်ကို ပိုပြီး ရုပ်ဆိုးစေတယ်! နင် မနာလိုနေတာနဲ့ အဲ့တာတွေကို နင် ဘယ်လောက်ကြိုးစားကြိုးစား မရနိုင်ဘူး!"