Unicode
- နင် ရူးနေလား?
ရှရှဟိုင် အရင်က ရှရှီပေ သူ့ကို သူမက သူ့ကလေးတွေကို နာကျင်အောင်လုပ်တော့မယ်ဆိုပြီး ခြိမ်းခြောက်ထားတာကို သတိရသွားသည်။
ပြီးတော့ ဒီနေ့ သူမ သူ့ကလေးနှစ်ယောက် စာသင်တဲ့ ကျောင်းကို သွားတယ်ဆိုတော့ ....သူမရူးနေပြီ!
ရှရှဟိုင် သူမ၏ အေးစက်တည်ငြိမ်သော အပြုံးကို မြင်တော့ တုန်ရီသွားသည်။
"နင်____နင်ရူးနေလား?!"
သူ ရှရှီပေ ဒီလို ဘာလို့ဖြစ်လာမှန်းမသိေတာ့ဘူး။
သူမက စောစောလောက်တုန်းက နူးညံ့ပျော့ပျောင်းသော မိန်းကလေးဖြစ်ပေမယ့် အခုတော့ သူမက အရူးမဖြစ်နေပြီ!
ရှရှီပေ ညင်သာစွာ ပြုံးလိုက်သည်။ "ကျွန်မမရူးပါဘူး ဒါပေမယ့် ရှင်သာ တစ်ခုခုလုပ်ဖို့ ကြိုးစားနေဦးမယ်ဆိုရင် ကျွန်မ မရူးသွားဘူးလို့ အာမမခံနိုင်ဘူး"
သူမ ကိုယ်က ရှေ့ကို နည်းနည်းကိုင်းလာပြီး သူမ နှုတ်ခမ်းတို့က ပြုံးနေပေမယ့် သူမပါးစပ်က ထွက်သော စကားလုံးတိုင်းက ကျောရိုးကို စိမ့်သွားစေသည်။
"ကျွန်မတို့ တစ်ယောက်လမ်းကိုတစ်ယောက် ဝင်မရှုပ်ရင် ကမ္ဘာကြီးက နေရတာ ပျော်စရာကြီးပါ ဒါပေမယ့် ရှင်သာ ကျွန်မကို မပျော်ရွှင်အောင်လုပ်မယ်ဆိုရင်.... ကျွန်မ တောင်းပန်ပါရစေ ဒါပေမယ့် ကျွန်မက စိတ်ကောင်းမရှိဘူး ကျွန်မတန်ပြန်အနေနဲ့ ဘာလုပ်မိမယ်မှန်းမသိဘူး"
သူမ၏ မည်းမှောင်နက်နဲသိမ်မွေ့သော မျက်လုံးများနှင့် အကြည့်ချင်းဆုံပြီး ရှရှဟိုင် ကျောရိုးစိမ့်ကာ ခြေဖျားလက်ဖျားများအေးစက်ကုန်သည်။
သူ ရှရှီပေ တကယ်ပြောနေမှန်းသိသည်။
သူမရူးသွားပြီ!
ထိုခြိမ်းခြောက်စကားများကို ပြောပြီးနောက် ရှရှီပေ နောက်ပြန်ဆုတ်လိုက်သည်။ "ကျွန်မ မောင်လေးနဲ့ ညီမလေးကို ကောင်းကောင်းမတွေ့ရပေမယ့်လည်း သူတို့ ကောင်းကောင်းကြီးပြင်းလာဖို့ ကျွန်မမျှော်လင့်တယ်"
YOU ARE READING
ရက်စက်သောနတ်ဘုရားမ
אקשןThis story is not my own. All credit to original author and english translator. Original novel: The reincarnated goddess is fierce Original author: Qingkong Xilan English Translator: Dragon Boat အရင်ဘဝ, သူမရဲ့ အဆင့် အတန်း, ရုပ်ရည်, ဂုဏ်သိက္ခာ အကုန...
