Unicode
- အိမ်ပြန်ပို့ခြင်း
ကားထဲ ဝင်ပြီး ရှရှီပေ အခြားတစ်ဖက်စွန်းတွင်ဝင်ထိုင်ကာ သူတို့ကြားက အကွာအဝေးကို တိုးလိုက်သည်။
သူတို့ကြားက အကွာအဝေးကို ကြည့်ပြီး ချောင်ရန်ကျွယ်မျက်လုံးများ မည်းမှောင်သွားသည်။ သို့ပေမယ့် သူ သူမ၏ ခပ်တန်းတန်းနေမှုကို မမြင်သကဲ့သို့ ဘာမှမပြော။
ကားစထွက်တော့ ရှရှီပေ ပြတင်းပေါက် အပြင်ဘက်ကို ကြည့်လိုက်သည်။
မြို့ကို ဆောက်လုပ်ထားပြီး မကြာခင်မှာပင် ဆောက်လုပ်ရေး လုပ်ဆဲနေဖြစ်သည့် အိမ်ခြံမြေနေရာတွေကို ဖြတ်သွားသည်။
မြန်မြန်ဆန်ဆန်ဖွံ့ဖြိုးတိုးတက်နေသော ခေတ်ရောက်နေပြီ။ အခွင့်အရေးကိုသာ ဖမ်းချုပ်နိုင်မယ်ဆိုရင် မမျှော်လင့်ထားနိုင်သော အကျိုးရလဒ်များကို ရနိုင်သည်။
ခမ်းနားသော နီယွန်မီလုံးများကို ကြည့်ပြီး ရှရှီပေ စိတ်ထဲတွင် အများကြီးရှိနေသည်။
ချောင်ရန်ကျွယ် သူမခေါင်းနောက်ကျောဘက်ကို ကြည့်ပြီး သူမအကြောင်းကို ပိုပိုပြီး စိတ်ဝင်စားလာသည်။
ဒီကောင်မလေးက ငယ်ပေမယ့် သူမအသက်အရွယ်ရှိသည့် သာမန်မိန်းကလေးများနှင့် လုံးဝ စိတ်ထားမတူ။
ပြီးတော့ သူ အရင်တုန်းက ဒီလိုမျိုး ဘယ်သူ့ကိုမှ အလျှော့မပေးဖူးဘူး။
အခြားလူတွေသာ သူ့ရှေ့ အဲ့လို ပြုမူရဲရင် သူ သူတို့ကို ဟိုးအရင်ကတည်းက ကန်ထုတ်ပြီးနေပြီ။
သို့ပေမယ့် ဒီနေ့တော့ သူ တကယ်ဘဲ လျှော့ချလိုက်သည်။
ဟော်ဇီကျွင်းနှင့် အခြားသူတွေဘဲ ရှော့ရတာမဟုတ်။
သူလည်း ထူးဆန်းနေသည်။
သို့ပေမယ့် သူ့ အသိဉာဏ်က သူ့ကို သူ ရှရှီပေကို သူများတွေကို ဆက်ဆံသလို ပုံစံမှန်း ဆက်ဆံရဲရင် ရလဒ်ကကောင်းမှာ မဟုတ်ဟု ပြောနေသည်။
ပြီးတော့ သူ အနည်းငယ် ရှက်ကိုးရှက်ကန်းဖြစ်နေသည်။
သူက ကျေးဇူးမသိတတ်သောသူမဟုတ်။ ရှရှီပေကို သူ့ပြဿနာထဲ နှစ်ကြိမ်နှစ်ခါ ပါဝင်စေခဲ့ပြီးမှတော့ သူ အခြားလူတွေကို ဆက်ဆံသလိုမျိုး သူမကို ဆက်ဆံလို့မရ။
YOU ARE READING
ရက်စက်သောနတ်ဘုရားမ
ActionThis story is not my own. All credit to original author and english translator. Original novel: The reincarnated goddess is fierce Original author: Qingkong Xilan English Translator: Dragon Boat အရင်ဘဝ, သူမရဲ့ အဆင့် အတန်း, ရုပ်ရည်, ဂုဏ်သိက္ခာ အကုန...
