ရက်စက်သောနတ်ဘုရားမ

အပိုင်း ၅၆

Unicode

-သူရဲကောင်း ဇာတ်ကရတာပေါ့

"ဖြေရှင်းဖို့လွယ်တယ်?" ယန်ရွှမ် သူမကို သံသယရော မပျော်ရွှင်မှုနဲ့ပါ ကြည့်လိုက်တယ်။ "ဒီလိုအချိန်မှာ ဘယ်လိုလုပ်‌ေဲရှင်းဖို့ လွယ်နေမှာလဲ?"

"နင် အရူးလား?!" လျိုကျီကျင်း သူ့ကို ပြန်အော်လိုက်တယ်။ "နင်က မိန်းကလေးမဟုတ်ဘူး ဒါကြောင့် နင် ဘာမှမသိတာ ဒါပေမယ့် ငါသိတယ်! စုန့်ကျားရန် ဒီလို အပြုအမူမျိုး ဖြစ်နေရင် ဆိုလိုတာက သူမက နင့်အပေါ် ခံစားချက်တွေ ရှိနေ‌ေသးလို့ဘဲ!"

"တကယ်လား?" ယန်ရွှမ် အရင်ကထက် ပိုတုန်လှုပ်ပြီး မေးလိုက်တယ်။

"သူမမှာ နင့်အတွက် ခံစားချက်မရှိရင် သူမက တစ်ယောက်ယောက်ကို နင့်ကို သင်ခန်းစာပေးဖို့ လွှတ်ပြီးနေလောက်ပြီ!" လျိုကျီကျင်း ရှင်းပြလိုက်တယ်။ "အဲ့တာကြောင့် အရာအားလုံး ပြန်လှည့်ဖို့ အခွင့်အရေး ရှိသေးတယ်!"

သူ သူမပြောတာ နားထောင်လိုက်တော့ ယန်ရွှမ် သတိပြန်လည်လာပြီး အံဩမှုတွေနဲ့ ပျော်ရွှင်နေတယ်။

"ဟုတ်တယ် နင်ပြောတာ အမှန်ဘဲ ဖြစ်ရမယ်!"

သူ စုန့်ကျားရန်ကို မကြိုက်ပေမယ့်လည်း သူမက အရမ်းဝပြီး အော်ဂလီဆန်တာကို တွေးကြည့်ပြီး သူ သူမရဲ့ စရိုက်ကို ဘာဘဲဖြစ်ဖြစ် နားလည်တယ်။ သူက သူမဟာ ကြင်နာတတ်တဲ့ နှလုံးသားရှိပြီး နူးညံ့တယ်ဆိုတာ သိတယ်။ တကယ်တော့ သူမက လူတွေ ပြောသလို ကြမ်းတမ်း ရက်စက်တဲ့သူမဟုတ်ဘူး။

ဒါကြောင့် သူ ဒါကို အခွင့်အရေးယူ လိုက်ရင် အကုန်လုံးက သူ့အတွက်ပြောင်းလဲ သွားလိမ့်မယ်။

"ဒါပေမယ့်....ငါက ဘာလုပ်ရမှာလဲ?" ယန်ရွှမ် ဒုက္ခရောက်စွာ မေးလိုက်ပြန်တယ်။

"ရိုးရှင်းပါတယ်!" လျိုကျီကျင်း ယုတ်မာတဲ့ အပြုံးနဲ့ ပြောလိုက်တယ်။ "ငါတို့ သူရဲကောင်း ဇာတ်ကရတော့မှာပေါ့!"

"သူရဲကောင်းဇာတ်?"

"ဟုတ်တယ်!" လျိုကျီကျင်း ပျော်မြူးသွားတယ်။ "နင် သူမကို သူမအန္တရာယ်ရောက်နေချိန် ကယ်လိုက်ရင် သူမက နင်နဲ့ ငရဲမှာတောင် တူတူလိုက်နေနိုင်လိမ့်မယ် သူမ နင့်ကို ပြန်ပြီး စွဲလမ်းသွားရင် သူမ ရှရှီပေ စကားတွေကို ထပ်ပြီး အလေးထားမှာ မဟုတ်တော့ဘူး!"