Unicode
- ဆယ်ယွမ် လမ်းဘေးဆိုင်ပစ္စည်း
ရှရှီပေ ဒီစကားတွေကို ပြောလိုက်တော့ ချက်ချင်း တိတ်ဆိတ်သွားတယ်။
အကုန်လုံး ဘာလုပ်ရမှန်းမသိဖြစ်ကုန်တယ်။ ဒါဘာကို ဆိုလိုတာလဲ?
ထောင်ယွယ်ယင်းနဲ့ အကုန်လုံး နှလုံးခုန်မြန်လာသလို ခံစားလိုက်ရပြီး သူမလက်ထဲက ချိန်းကြိုးကို ချက်ချင်း ကြည့်လိုက်ကြတယ်။
"ဘာ..ဘာပြောလိုက်တာလဲ?" ထောင်ယွယ်ယင်း အမူအရာက ပြောင်းသွားတယ်။
ရှရှီပေပြောတာကြားပြီး သူမလက်ထဲက လက်ကောက်အလေးချိန်က တစ်ခုခုလွဲနေတယ်ဆိုတာ သူမ သတိထားမိလိုက်တယ်။
"ငါ ဒါ ကို လမ်း ဘေး ဆိုင် က နေ ဆယ် ယွမ် နဲ့ ဝယ် လာ တာ!"
ရှရှီပေ စကားလုံးတစ်လုံးချင်းစီကို တည်ငြိမ်စွာနဲ့ ပြန်ပြောလိုက်တယ်။
ဒါပေမယ့် အခြားလူတွေကတော့ သူတို့ကိုယ်သူတို့ သွေးလေချောက်ခြားတယ်ထင်ကုန်ကြတယ်။
ဆယ်ယွမ်နဲ့ ဝယ်ခဲ့တာ!
"နင် နင် မဟုတ်တာတွေ လျှောက်ပြောနေတာ!" ထောင်ယွယ်ယင်း သတိပြန်ဝင်လာပြီး ခြေထောက် ဆောင့်လိုက်တယ်။ "ဒါက ငါ့လက်ကောက်ဘဲကို!"
"နင်သေချာလား?" ရှရှီပေ ပြုံးလိုက်ကာ အရှေ့တိုးလာပြီး သူမလက်ထဲက ချိန်းကြိုးကို ယူလိုက်တယ်။
ထောင်ယွယ်ယင်း သတိမမူခင်မှာဘဲ လက်ကောက်က အယူခံလိုက်ရတယ်။
သူမ သတိပြန်ဝင်လာတော့ သူမကို ရှော့ရစေတဲ့ မြင်ကွင်းကို တွေ့လိုက်ရတယ်။
ရှရှီပေက လက်ကောက်ကို ဆွဲဖြဲနေတာ!
"မလုပ်နဲ့!"
အခြားသူတွေလည်း ဖျော့တော့ကုန်ကာ တစ်ယောက်ပြီးတစ်ယောက် အော်ကုန်တယ်။
ဒီလက်ကောက်က ယွမ်တစ်သောင်းကျော်တယ်! သူမ ရူးနေလား?!
နောက်ခဏကြာတော့ အကုန်လုံး ကြောင်အသွားကြတယ်။
သူမ စာရွက်ကို ဖြဲသလို ရှရှီပေ ဟန်းချိန်းကို ယူပြီး တစ်ဝက်ဖြဲလိုက်တယ်။
YOU ARE READING
ရက်စက်သောနတ်ဘုရားမ
ActionThis story is not my own. All credit to original author and english translator. Original novel: The reincarnated goddess is fierce Original author: Qingkong Xilan English Translator: Dragon Boat အရင်ဘဝ, သူမရဲ့ အဆင့် အတန်း, ရုပ်ရည်, ဂုဏ်သိက္ခာ အကုန...
