Unicode
- ဘယ်သူက တကယ့် ဂြိုလ်ဆိုးလဲ
"ငါ့ကို ဂြိုလ်ဆိုး အဖြစ်ပြောနေတာအတွက် နင့်စကားကို နင့်ကို ပြန်ပေးမယ်!"
ရှရှီပေ အပြုံးက နဂိုမူမပျက်ရှိနေတယ်။ သူမ ရှေ့တစ်လှမ်းတိုးလိုက်တော့ လျိုကျီကျင်းကို ကြောက်စိတ်ကြောင့် ရွံ့သွားစေတယ်။
ရှချင်းဟန်နဲ့ ထောင်ယွယ်ယင်းကလည်း သူမနဲ့ အတူ နောက်ဆုန်သွားကြတယ်။
"ဖူး-!"
ဘေးတစ်ဖက်မှာတော့ စုန့်ကျားရန် မနေနိုင်မထိုင်နိုင် ရယ်ချပစ်လိုက်တယ်။
သူမ အသိပြန်ဝင်တော့ ရှချင်းဟန် ဒေါသထွက်လာပြီး စိတ်ပျက်နေတယ်။ သူမက ဘယ်လိုလုပ် ရှရှီပေကြောင့် ကြောက်လန့်သွားရတာလဲ?!
"နင်က ဂြိုလ်ဆိုး!" လျိုကျီကျင်း လည်ပင်းကို တောင့်တောင့်ကြီးမတ်ထားပြီး ဆဲဆိုလိုက်သည်မှာ သူမမျက်နှာတွေပါ ရဲလာတယ်။ "နင်ကမှ ဂြိုလ်ဆိုး!"
"ငါက ဂြိုလ်ဆိုး? ငါဘယ်သူ့အပေါ်တွေများ သက်ရောက်နေလို့လဲ?" ရှရှီပေ မေးလိုက်ကာ သူမနှုတ်ခမ်းတွေက ကွေးတက်သွားပြီး အပြုံးလေး ပေါ်လာတယ်။
"နင့်ရဲ့ မိဘတွေက ကွာရှင်းပြီးမှ ချမ်းသာလာကြတာ နင်က သူတို့ကို အရင်တုန်းက ကံမကောင်းခြင်းတွေ ယူဆောင်ပေးတဲ့သူဘဲ!" လျိုကျီကျင်း အသံကျယ်ကြီးဖြင့် ကြော်ငြာလိုက်တယ်။
ဒါပေမယ့် ရှရှီပေက သူမ စကားလုံးတွေကြောင့် အူမြူးသွားတယ်။
"ဟားဟားဟား....နင်က ငါထင်ထားတာထက် ပိုရူးတာဘဲ!" သူမ ရယ်လိုက်တယ်။ "သူတို့ ကွာရှင်းပြီးလို့ ချမ်းသာတာက သူတို့က တူတူနေရဖို့ ကံမပါလာလို့လေ သူတို့ ချမ်းသာတာ မချမ်းသာတာက ငါ့လို သနားစရာ ကလေးတစ်ယောက်နဲ့ ဘာဆိုင်လို့လဲ? နင်ပြောတာ မှန်တယ် ဆိုရင်တောင်မှ နင်က ငါ့ထက်ပိုဆိုးတဲ့ ဂြိုလ်ဆိုးမဟုတ်ဘူးလား? နင့်မိဘတွေကလည်း ချမ်းသာတာမှမဟုတ်တာ"
စုန့်ကျားရန် ရှရှီပေ စကားတွေကြားပြီး ရယ်လိုက်တယ်။ "ဒီလိုစကားမျိုး ငါ ဒါပထမဆုံး ကြားဖူးတာဘဲ! မိဘတွေ မချမ်းသာရင် သူတို့ကလေးတွေက ကံဆိုးမှုတွေ သယ်ဆောင်လာတယ်ဟုတ်လား! အဲ့လိုသာဆိုရင် မြန်မြန်ချမ်းသာဖို့နည်းက ကလေးမယူဖို့ဘဲ ရှိတော့တယ်!"
YOU ARE READING
ရက်စက်သောနတ်ဘုရားမ
ActionThis story is not my own. All credit to original author and english translator. Original novel: The reincarnated goddess is fierce Original author: Qingkong Xilan English Translator: Dragon Boat အရင်ဘဝ, သူမရဲ့ အဆင့် အတန်း, ရုပ်ရည်, ဂုဏ်သိက္ခာ အကုန...
