ရက်စက်သောနတ်ဘုရားမ

အပိုင်း ၁၁၀

Unicode

-သွားစရာမလိုတော့ဘူး

ထောင်ယွယ်ယင်း စကားတွေက ရှချင်းဟန်ကို အနည်းငယ် အေးခဲစေသည်။

သူမ ထောင်ယွယ်ယင်းစိတ်ထဲ ထိုကဲ့သို့ အစီအစဉ်မျိုး ရှိမယ် ထင်မထားဘူး!

ရှချင်းဟန် ရင်ဘတ်ထဲ ‌အေးစက်စွာ နှာမှုတ်လိုက်သည်။ ထောင်မိသားစုက ထောင်ဖန်ချင်းလုပ်လို့ ဒီလို ကျဥ်းထဲကျပ်ထဲရောက်တာမဟုတ်ဘူးလား? အဲ့တာက သူမနဲ့ ဘာဆိုင်လို့လဲ?

ထောင်ယွယ်ယင်း ဘာမှသေသေချာချာ မရှင်းပြပေမယ့်လည်း သူမ ဒီကိစ္စက အဲ့လောက်မရိုးရှင်းမှန်းသိသည်။

မန်နေဂျာ‌တစ်ယောက်က သူ့အကြီးအကဲ၏ သံသယဝင်ခြင်းခံရတယ်ဆိုရင် ညစ်ပတ်သည့်ကိစ္စတွေမှာ ပါဝင်လို့ဘဲ ဖြစ်ရမည်။

ရှချင်းဟန် ရှော့ပင်းမော ကိစ္စတွေကို သိပ်မသိပေမယ့်လည်း သူမက အရူးလိုတော့ မ အဘူး။

ထောင်ဖန်ချင်းသာ ရှမိသားစုလက်အောက်က ရှော့ပင်းမောမှာသာ အလုပ်လုပ်ရင် သူ ပြဿနာတွေ သယ်မလာဘူးလို့ ဘယ်သူ အာမခံနိုင်လဲ?

သို့ပေမယ့် ရှချင်းဟန် ထောင်ယွယ်ယင်း ဘယ်လောက်တောင် မျှော်လင့်နေမှန်းတွေ့ရတော့ သူမနှုတ်ဖျားကြားက အဆဲအဆိုတို့ကို မျိုသိပ်လိုက်ရသည်။ သူမက အသုံးဝင်နေသေးတာဘဲ။

ပြီးတော့ သူတို့သာ မတည့်ကျတော့ရင် လူတွေက သူတို့ကို ရယ်ပြီး ကိစ္စတွေက အလွယ်လေး ပြောင်းပြန်တွေ ဖြစ်ကုန်ပေမည်။

သူမတွေးကြည့်မိတော့ ရှချင်းဟန် အပြုံးလေးနှင့်‌ ခေါင်းငြိမ့်လိုက်သည်။ "ကိစ္စမရှိဘူး! ငါ ငါ့အဖေကို အရင်ပြောကြည့်ပေးမယ် ဒါပေမယ့် ငါ အရင်ရှင်းအောင်ပြောရဦးမယ် ငါ့အဖေ လက်ခံမယ်ဆိုတာ‌ကိုတော့ ငါ အာမမခံနိုင်ဘူး"

"နင် လုပ်နိုင်မှန်း ငါယုံတယ်!" ထောင်ယွယ်ယင်း ချက်ချင်း ပြုံးပျော်သွားသည်။ "နင့်အဖေက နင့်ကို အချစ်ဆုံးဘဲဟာ သူ လက်ခံမှာပေါ့!"

ရှချင်းဟန် အပြုံးက နည်းနည်း တောင့်တင်းသွားသည်။ ‌သူမ ထောင်ယွယ်ယင်းကို သူမအား စကားများနှင့် ဖိအားပေးမည် ထင်မထား။ သူမက အရူးမဟုတ်ဘူးလေ။