Unicode
အခန်း(၆၃) - စိတ်ရှုပ်စရာ
"ငါအဲ့ဒါကို နင့်ရဲ့အကြံလို့ပြောလိုက်တယ်" ကျင်းယွမ်က အပြစ်ရှိစွာနဲ့ ဝန်ခံသည်။
"မုကျင်းယွမ်!" ပင်ပန်းနွမ်းနယ်ပုံ ပေါက်နေသည့် ရွှယ်ချင်းက ဒေါသတကြီးအော်တော့၏။
"ကောင်စုတ်လေး! နင်တစ်ယောက်ပဲ ငါ့မောင်လေးရှေ့မှာ ပုံရိပ်ထိန်းသိမ်းဖို့ လိုတယ်လို့ထင်နေတာလား? ငါကဘာလို့ အဲ့ဒီလိုတုံးအတဲ့ အကြံအစည်ကို တွေးရမှာလဲ?"
"အကြံပေးတဲ့သူက နင်လေ" ကျင်းယွမ်ကပြောသည်။
သူမ အေးခဲသွားသည်။
"ကောင်းပြီ, ငါကအဲ့ဒီ ဆိုးဝါးတဲ့ အစီအစဉ်ကို ထုတ်ပြောခဲ့မိတဲ့သူဆိုတော့ ငါပဲအပြစ်ခံယူပါေ့တာ့မယ်" သူမက တိုးညှင်းစွာပြန်ပြောသည်။
ကျေနပ်အားရစွာဖြင့် ကျင်းယွမ်က မတ်တပ်ထရပ်ပြီး သတိထပ်ပေး၏။
"လုံးဝ စကားပြော မမှားစေနဲ့နော် အကယ်၍ သူသာသိသွားရင် အကျိုးဆက်တွေ ရှိလာလိမ့်မယ်"
"ငါနားလည်ပါတယ်" ရွှယ်ချင်းက လေးနက်စွာ တုန့်ပြန်၏။
"စိတ်လျော့ထား, အကယ်၍ ငါသရုပ်ဆောင်တာ အစစ်အမှန် ဖြစ်သွားပြီး ထျန်းယောင်နဲ့ ယူလိုက်ရရင်တောင် ငါဘာမှပြောမှာ မဟုတ်ဘူး"
ကျင်းယွမ်က တံခါးရှိရာကို လျှောက်သွားပြီးမှ ခဏရပ်တန့်လိုက်ပြီး ပြန်လှည့်ပြောလာသည်။
"ဒါက လောလောဆယ်အတွက် အစီအစဉ်ပဲ ရှိသေးတယ်, ဟန်ဟန်ပိုသက်သာလာတာနဲ့ ဘယ်သူ့ကို လက်ထပ်ချင်တယ်ဆိုတာက နင့်ရွေးချယ်မှုပဲ, ဒါပေမဲ့ သူ့ကိုလက်ထပ်လိုက်လို့လည်း နင့်အတွက် ဆုံးရှုံးစရာ မရှိပါဘူး, သူကနင့်ကို တကယ်ကြိုက်တာ, လူတိုင်းအဲ့ဒါကိုသိတယ်"
ရွှယ်ချင်းကသူ့ကို လက်သာဝှေ့ယမ်းပြလိုက်တော့သည်။
"မြန်မြန်လေးသာသွားပါတော့" သူမက အားလျော့စွာဖြင့် လှမ်းပြောသည်။
"နင့်ကိုမြင်ရတာနဲ့တင် ဒေါသထွက်တယ်"
"နင့်ကိုနင် သပ်သပ်ရပ်ရပ် ဖြစ်အောင်လုပ်လိုက်ဦး, ပိုပြီး သက်ဝင်လှုပ်ရှားမှုလေး ရှိသွားအောင်, ပြီးရင် ဟန်ဟန်ဆီသွားပြီး ငါတို့ဆက်ဆံရေးကို ရှင်းပြလိုက်" ကျင်းယွမ်က ဇွတ်တရွတ်ပြောပြီး အဆုံးသတ်သည်။
YOU ARE READING
(Completed) Reborn as a good child
Romanceအသံုးမက်ပဲဆိုးသြမ္းသည့္ကေလးတစ္ေယာက္အေနျဖင့္ေနာက္ဆံုးတြင္ပိုင္ရိဟန္ကသူ႔မိသားစုကိုအဆံုးသတ္ေစခဲ့သည္။ ျပန္လည္ေမြးဖြားၿပီးေနာက္သူသည္မိမိကိုယ္ကိုသန႔္ရွင္းေအာင္လုပ္ရန္ႏွင့္ကေလးေကာင္းတစ္ေယာက္ျဖစ္ရန္ႀကိဳးစားအားထုတ္ဖို႔ဆုံးျဖတ္ခဲ့သည္။ သို႔ေသာ္အရာမ်ားစြာကသူေမွ...
