Unicode
အခန်း(၁၇၆) - လှပတဲ့ နားလည်မှု လွဲမှားခြင်း
ယိုရန်က ထိတ်လန့်သွားပြီး ဘာဆက်လုပ်ရမှန်းလည်း မသိတော့။ သူက တစ်ဖက်လူအပေါ် တင်ထားသည့် သူ့ခြေလက်များအား အလိုလို ရုတ်လိုက်မိတာကြောင့် ၎င်းသည် ယန်ရန်အား နိုးသွားစေသည်။
ယန်ရန်၏ နှဖူးက ခပ်ဖျော့ဖျော့လေး မျက်မှောင်ကြုတ်လာပြီး သူ့မျက်လုံးများက ဖြည်းညှင်းစွာ ပွင့်လာခဲ့သည်။ ယိုရန်ကတော့ မထိန်းချုပ်နိုင်စွာပင် အသက်ရှုအောင့်မိလေသည်။ သူဘာပြောရမလဲ ဆိုတာကိုလည်း မသိသလို ဒီမြင်ကွင်းကို ဘယ်လိုရှင်းပြသင့်လဲ ဆိုတာကိုလည်း မသိဘူး။
ယန်ရန်မျက်လုံး ဖွင့်ကြည့်လိုက်တဲ့အချိန်မှာ သူ့ကိုမျက်လုံးပြုးလေးများနဲ့ ကြည့်နေသည့် ယိုရန်အား မြင်လိုက်ရသည်။
"နိုးလာပြီလား ယိုရန်?" ယန်ရန်က အက်ရှရှအသံနဲ့ မေးလာသည်။
ယိုရန်က တောင့်တင်းစွာ ခေါင်းညိတ်ပြလေသည်။
ယန်ရန်က ကိုက်ရာများ ဖုန်းလွှမ်းနေသည့် သူ့လက်မောင်းများကို မြှောက်လိုက်ပြီး နှဖူးပေါ် တင်လိုက်သည်။
"ငါဘယ်လို အိပ်ပျော်သွားပါလိမ့်?" သူက တိုးတိုးလေး ရေရွတ်သည်။
ယန်ရန်သည် သူ့လက်မောင်းများကို ဖုံးလွှမ်းနေသည့်သွားရာများအား မြင်လိုက်ရလေသည်။ ထို့ကြောင့် သူ့ခန္တာကိုယ်အခြေအနေအား အမှတ်ရသွားရသည်။ ရှက်ရွံ့အနေခက်စွာဖြင့် ယန်ရန်က ထထိုင်မိ၏။
သူ့ကိုယ်ပေါ်က တစ်ခုတည်းသော သဘက်လည်း မရှိတော့ဘူး! သူ့အိုင်ဒေါကို ဒိလိုကြီး မီးမောင်းထိုးပြ မိသွားတာလား? ဘုရားရေ! ဒါက သေချာပေါက် မဖြစ်သင့်ဘူးလေ! နတ်ဘုရားတွေက သူ့ကိုသတ်ဖို့ ကြိုးစားနေတာလား?
ယန်ရန်က တတ်နိုင်သမျှ မသိသာအောင် အိပ်ယာဘေးပတ်ဝန်းကျင်ကို လိုက်ရှာမိလေသည်။ နောက်ဆုံးတော့ သဘက်က အိပ်ယာထောင့်စွန်းနားလေးမှာ ပုန်းနေသည်အား မြင်လိုက်ရ၏။ ထိုအချိန်မှသာ သူထိန်းထားမိသည့် အသက်ကို ရှုထုတ်မိသည်။ သူက သဘက်အား သူ့ခါးမှာ ပြန်ပတ်လိုက်ပြီး အိပ်ယာပေါ်က ထလိုက်သည်။
YOU ARE READING
(Completed) Reborn as a good child
Romanceအသံုးမက်ပဲဆိုးသြမ္းသည့္ကေလးတစ္ေယာက္အေနျဖင့္ေနာက္ဆံုးတြင္ပိုင္ရိဟန္ကသူ႔မိသားစုကိုအဆံုးသတ္ေစခဲ့သည္။ ျပန္လည္ေမြးဖြားၿပီးေနာက္သူသည္မိမိကိုယ္ကိုသန႔္ရွင္းေအာင္လုပ္ရန္ႏွင့္ကေလးေကာင္းတစ္ေယာက္ျဖစ္ရန္ႀကိဳးစားအားထုတ္ဖို႔ဆုံးျဖတ္ခဲ့သည္။ သို႔ေသာ္အရာမ်ားစြာကသူေမွ...
