Unicode
အခန်း(၁၇၄) - မင်းနာမည်ကတောင် အလိမ်အညာပဲ
ပွင့်ပွင့်လင်းလင်း ပြောရရင်တော့ ယိုရန်က ကျင်းယွမ်ကို ပထမဆုံးတွေ့တုန်းကတည်းက တစ်ဖက်လူက သာမာန်လူတစ်ယောက် မဖြစ်နိုင်တာအား သူခံစားလို့ ရနိုင်ခဲ့သည်။ တစ်ဖက်လူနဲ့ ပိုပြီးရင်းနှီးလာတာကြောင့်သာ နောက်ပိုင်းမှာ သူသိပ် မစဉ်းစားခဲ့ခြင်းပင်။ ဒါ့အပြင် ကျင်းယွမ်က ရံဖန်ရံခါ အိမ်မှုကိစ္စများလည်း လုပ်တတ်သည်လေ။
ဥပမာအားဖြင့် ရိဟန်က သစ်သီးစားရတာ နှစ်သက်တာကြောင့် ကျင်းယွမ်က ခွာဖို့လိုအပ်တာကို ခွာပြီး ခွာဖို့ မလိုအပ်ဘူးဆိုရင် အရင်ဆုံးဆေးကြောပြီး လှီးချွတ်ပေးလိမ့်မည်။ အလုပ်တွေအားလုံးက ကျင်းယွမ်ရဲ့ လက်နှစ်ဖက်နဲ့တင် ပြီးမြောက်ကုန်သည်ချည်းသာ။ တစ်ခါတစ်လေဆိုရင် သူက ရိဟန်ရဲ့ အမိန့်များအတိုင်း လှည်ပတ်သွားလာနေတတ်ပြန်သည်။ သူတို့က ကမ္ဘာပေါ်က ချစ်ခင်ကြင်နာကြတဲ့ စုံတွဲတိုင်းလိုမျိုးသာ လုပ်ဆောင်ကြသည်။ ဒါပေမဲ့ ကျင်းယွမ်က ပိုင်မိသားစုက အငယ်ဆုံးသားရဲ့ အိမ်ထောင်ဖက် ဆိုမှတော့ ထိုလူက မုမိသားစုရဲ့ ခေါင်းဆောင် ဖြစ်လိမ့်မည်လေ။
သူတို့ရဲ့ စေ့စပ်ကြောင်းလမ်းမှုကို ကြေညာတုန်းက တစ်မြို့လုံးနီးပါး ငလျှင်လှုပ်သလိုမျိုး လှုပ်ခတ်သွားခဲ့တာ။ အင်တာနက်ပေါ်က လူတိုင်းလည်း အဲ့ဒီအကြောင်းကို ပြောဆိုခဲ့ကြသည်ပဲ။ ယိုရန်က ဒီလိုကိစ္စမျိုးကို သိပ်ပြီး စိတ်မဝင်စားတတ်ပဲ တစ်ခဏလောက်သာ အကြမ်းဖျင်း ကြည့်ခဲ့တာပင်။ သူသိတာက ဒီလက်ထပ်ပွဲဟာ ပိုင်နဲ့မုမိသားစုတွေ အတူတကွ ပေါင်းစည်းခြင်းဆိုတာကိုသာ။
ဒါက စီးပွားရေးအရ လုပ်တဲ့ သာမာန်လက်ထပ်ခြင်း တစ်ခုပဲလို့သာ သူတွေးခဲ့သည်။ ဒါပေမဲ့ ဒီလင်လင် နှစ်ယောက်က သူ့ဘေးမှာ ပေါ်လာပြီး တစ်ယောက်နဲ့တစ်ယောက် ဒီလောက် စိတ်အားထက်သန်စွာနဲ့ ပြုမူဆက်ဆံကြလိမ့်မယ်လို့ ဘယ်တုန်းကမှ မထင်ခဲ့မိဘူး
ရိဟန်နဲ့ ကျင်းယွမ်တို့က အချင်းချင်း နွေးထွေးပြီး သဘာဝကျကျ ဆက်ဆံကြသည်။ သူတို့အချစ်တွေက တောက်လောင်နေခဲ့သည်လေ။ နှစ်ယောက်သားက သူတို့ရဲ့ ကိုယ်ပိုင်ကမ္ဘာငယ်လေးထဲမှာ သူတို့တွေ ဖြတ်ချင်ရင်တောင် ဖြတ်လို့ မရနိုင်တဲ့ မမြင်နိုင်သော ကြိုးတစ်ချောင်းနဲ့ ဆက်သွယ်ထားကြသည်။
YOU ARE READING
(Completed) Reborn as a good child
Romanceအသံုးမက်ပဲဆိုးသြမ္းသည့္ကေလးတစ္ေယာက္အေနျဖင့္ေနာက္ဆံုးတြင္ပိုင္ရိဟန္ကသူ႔မိသားစုကိုအဆံုးသတ္ေစခဲ့သည္။ ျပန္လည္ေမြးဖြားၿပီးေနာက္သူသည္မိမိကိုယ္ကိုသန႔္ရွင္းေအာင္လုပ္ရန္ႏွင့္ကေလးေကာင္းတစ္ေယာက္ျဖစ္ရန္ႀကိဳးစားအားထုတ္ဖို႔ဆုံးျဖတ္ခဲ့သည္။ သို႔ေသာ္အရာမ်ားစြာကသူေမွ...
