Unicode
အခန်း(၁၄၃) - "ပျော်ရွှင်စွာ" ဆက်နေမယ်
ဒါဆို ရွှယ်ချင်းကရော? သူမကရော တကယ်ပဲ ချန်ထျန်းယောင်နဲ့ ချစ်နေတာ ဟုတ်ရဲ့လား? သူမတကယ်ရော.....ပျော်ရွှင်ရရဲ့လား?
အားးးးး!
ဘာလို့ကိစ္စတွေက ဒီလိုဖြစ်လာရတာလဲ? သူ့တစ်သက်တာလုံးမှာ ပျော်ရွှင်မှုက အရမ်းကို မြန်မြန်ရောက်လာလို့ အရာအားလုံးက သူ့အတွက် အိမ်မက်လိုပဲ ခံစားခဲ့ရတာ။ တကယ်တော့ သူမှားယွင်းနေတာလည်း မဟုတ်သလို အကြောက်လွန်နေတာလည်း မဟုတ်ဘူး။ အရာအားလုံးက အတုအယောင် ဖြစ်နေတာမို့လို့ပဲ။ သူ့ပျော်ရွှင်မှုက သူ့မိသားစုရဲ့ အနစ်နာခံမှုကနေ ရောက်လာတာ။
ရိဟန်က သူ့ခေါင်းလေးအား လက်ဖြင့်အုပ်ထားမိသည်။
သူခံစားခဲ့ရတဲ့ ပျော်ရွှင်မှုတွေ၊ ခေါင်းမာမာနဲ့ ကျင်းယွမ်ကို တွယ်ကပ်ခဲ့မိတာတွေကို သူပြန်စဉ်းစားမိတယ်။ အထူးသဖြင့် သူတစ်ချိန်တုန်းက ခံစားခဲ့ရတဲ့ အထူးတလှယ် ချိုမြိန်မှုတွေ၊ သူ့ကို ရှက်သွေးဖြာလာစေပြီး နှလုံးခုန်နှုန်း မြန်ဆန်လာစေခဲ့တဲ့ အချစ်ကိစ္စတွေကို ပြန်စဉ်းစားမိတော့ စဉ်းစားမိတာနဲ့တင် အရှက်ကွဲပြီး အနေခက်ရှက်ရွံ့သလို ခံစားလာရတယ်လေ။
အိပ်ယာပေါ်က သူ့ရဲ့အလိုဆန္ဒတွေ၊ သူဘယ်လိုမျိုး ကျင်းယွမ်ကို စေ့စေ့စပ်စပ် ရှာဖွေခဲ့ပုံတွေ၊ သူဘယ်လိုမျိုး သာယာခဲ့ပုံတွေနဲ့ သူဘယ်လိုမျိုး ကျင်းယွမ်ရဲ့ လုပ်ရပ်တိုင်းကို လိုက်နာခဲ့ပုံတွေ – အခုတော့ အဲ့ဒီအရာတွေ အားလုံးက သူ့မျက်နှာကို အရှက်တရားများနဲ့သာ နီမြန်းလာစေသည်။ အခုချိန်မှာ နတ်ဘုရားတွေက သူ့ကို အပေါက်တစ်ခု ဖောက်ပေးပြီး သူအဲ့ဒီထဲမှာ သူ့ကိုယ်သူ မြှုပ်နှံလိုက်ရင်း ဘယ်တော့မှ ထွက်မလာချင်တော့ဘူး။
သူအခု ပြန်လည်မွေးဖွားလာတဲ့ အချိန်ပိုင်းလေးကို ပြန်ရောက်သွားချင်တယ်။ ဒါဆို အဲ့ဒီ ပထမဆုံး ရတဲ့ အခွင့်အရေးမှာ သူ့မိသားစုနဲ့ ဝေးရာမှာ ပုန်းအောင်းနေမယ်။ မတော်တဆမှုတစ်ခုခုကြောင့် သူသေသွားပြီလို့ သူတို့ကို ထင်မြင်စေတာကတောင် ပိုကောင်းဦးမယ်။ သူတို့တွေ အချိန်ခဏလေးပဲ နာကျင်ရပြီး သူကတော့ အရိပ်ထဲမှာ ပုန်းအောင်းရင်း သူနောင်တရမိတဲ့ အရာအားလုံးကို ပြောင်းလဲဖို့ အကောင်းဆုံး ကြိုးစားနေတဲ့အချိန်မှာ သူတို့တွေ ဘဝသစ် စနိုင်လိမ့်မယ်။
YOU ARE READING
(Completed) Reborn as a good child
Romanceအသံုးမက်ပဲဆိုးသြမ္းသည့္ကေလးတစ္ေယာက္အေနျဖင့္ေနာက္ဆံုးတြင္ပိုင္ရိဟန္ကသူ႔မိသားစုကိုအဆံုးသတ္ေစခဲ့သည္။ ျပန္လည္ေမြးဖြားၿပီးေနာက္သူသည္မိမိကိုယ္ကိုသန႔္ရွင္းေအာင္လုပ္ရန္ႏွင့္ကေလးေကာင္းတစ္ေယာက္ျဖစ္ရန္ႀကိဳးစားအားထုတ္ဖို႔ဆုံးျဖတ္ခဲ့သည္။ သို႔ေသာ္အရာမ်ားစြာကသူေမွ...
