စာစဉ်နာမည်- အကြီးဆုံးမမလေးက မူမမှန်
ဘာသာပြန်သူ-Yuuki
အပိုင်း ( ၅၇) ငါ့နောက်ဆက်လိုက်နေရင် ငါ့လူဖြစ်အောင် လုပ်ပစ်လိုက်မယ်
အဲလိုဆိုတော့ မေးစရာက ရှိလာပြန်ပြီလေ။ သူ့သွေးကို သောက်ပြီးသွားတာတောင် ပေါက်ကွဲပြီး မသေရုံတင် မဟုတ်ဘူး သူမခန္ဓာကိုယ်ထဲမှာ မူမမှန်တာ တစ်ခုလေးတောင် မရှိဘူးတဲ့လား။
ကုချင်းယွီသည် မျက်တောင်လေး ပုတ်ခတ်ပုတ်ခတ်လုပ်ကာ သူ့ကို ကြည့်နေလေသည်။
“ ရှင် ထပ်လိုချင်သေးလို့လား”
ငါလေး သူ့သွေးကို စုပ်လိုက်တာနဲ့ယှဥ်ရင် သူ ငါလေးဆီက စုပ်လိုက်တဲ့ပထမဏက အများကြီး နည်းသေးတယ် ထင်ပါတယ်။
မုရွှမ်ချင်သည် ခပ်ယဲ့ယဲ့ ပြုံးလိုက်ပြီး
“ မလိုတော့ဘူး”
သူ သိချင်တဲ့ဟာကို သိလိုက်ရပြီးပြီလေ။
သူသည် ပြောရင်းဆိုရင် ရှေ့သို့ ဆက်သွားလိုက်တော့သည်။
သို့သော် သူခြေတစ်လှမ်း လှမ်းလိုက်တိုင်း သူ့ဘေးက ကုချင်းယွီသည် ရဲတင်းစွာ လိုက်ပါလာ၏။
သူသည် လျှောက်နေရာမှ ရပ်လိုက်ပြီး
“ မင်း ငါ့နောက်လိုက်ချင်လို့လား”
“ လိုက်လို့ရလား”
ကုချင်းယွီ မျက်တောင်ခတ်လိုက်ပြန်သည်။
“ရပါတယ်”
သူက ပြောလိုက်၏။
“ ဒါပေမဲ့ မင်း ငါ့နောက်လိုက်ခဲ့ရင်တော့ မင်း ငါ့လူဖြစ်လာလိမ့်မယ် နားလည်လား”
သူ့လူတဲ့လား။
သဘောက သူက ငါလေးကို ကျွေးမွေးဖို့ တာဝန်ယူမယ်လို့ ပြောလိုက်တာလား။
ကုချင်းယွီ၏မျက်လုံးများသည် တောက်ပသွားပြီး အားရဝမ်းသာ ခေါင်းညိတ်ပြလိုက်လေသည်။
“ နားလည်ပြီ။ ကျွန်မ ရှင့်နောက်လိုက်ခဲ့ပြီး ရှင့်လူလုပ်မယ်”
“....”
ချန်ရန်သည် တံတွေးနင်သွားတော့သည်။
YOU ARE READING
အကြီးဆုံးမမလေးက မူမမှန်
Fantasyလူတွေရဲ့အမြင်မှာတော့ သတို့သားလောင်းရဲ့ဖယ်ကြဉ်စွန့်ပစ်ခံလိုက်ရတဲ့ ကုမိသားစုရဲ့ အလိုလိုက်ခံ အငိုသန်သမီးလေးက အလွန်စိတ်ပျက်စရာကောင်းတဲ့ဘဝနဲ့နေထိုင်သွားသင့်တာတဲ့။ ဒါပေမဲ့ သူတို့မထင်ထားတာက..... သူဌေးကြီး : ချင်းယွီ မင်းနဲ့ ညစာအတူတူစားခွင့်ရတာ ဂုဏ်ယူလိုက်တ...
