စာစဉ်နာမည်- အကြီးဆုံးမမလေးက မူမမှန်
ဘာသာပြန်သူ-Yuuki
အပိုင်း (၅၀) မင်းက ဒီအတိုင်း လက်လျှော့လိုက်တော့မလို့လား
“တွမ့်မိသားစုက ရှင်းယွမ်အတွက် ကြင်ဖက်တွေ့ဖို့ စီစဥ်ထားပြီးပြီ”
အဘိုးတွမ့်ကပြောလိုက်၏။
ကုချင်းယွီသည် မတ်တတ် ထရပ်လိုက်လေသည်။ သို့သော် သူမ ထွက်သွားတော့မည်ပြင်လိုက်စဥ် အဘိုးတွမ့်သည် သူ့မျက်ခုံးများကို ပင့်လိုက်ပြီး
“ မင်း ဘယ်လို နားလည်သလဲ”
“ ဒီလိုပါပဲ၊ အဘိုး ကျွန်မကို ဒီကို ဘာလို့လာခိုင်းလဲဆိုတာ နားလည်ပါတယ်”
ကုချင်းယွီသည် ပြောစကားကို ရပ်ထားလိုက်ပြီး သူ့ကို အသာအယာပြုံးကာ ကြည့်လိုက်လေပြီး
“ မစိုးရိမ်ပါနဲ့ သခင်ကြီး ဒီနေ့ကစပြီး ကျွန်မရဲ့ စေ့စပ်ပွဲကို တရားဝင်ဖျက်သိမ်းပြီး တွမ့်ရှင်းယွမ်နဲ့ ရှင်းရှင်းလင်းလင်း စည်းခြားထားလိုက်ပါမယ်၊ ပြီးတော့ နောက်ပိုင်းကျရင်လည်း သူ ကျွန်မကို လာရှာရင်တောင် ကျွန်မ သူနဲ့ ပတ်သက်စရာ ဘာအကြောင်းမှ မရှိတော့ပါဘူး၊ ဒါပေမဲ့ သူ ကျွန်မဆီ လာနေတာကိုတော့ ကျွန်မလည်း ထိန်းချုပ်လို့မရဘူး၊ ဆိုတော့ကာ အခု အဘိုးက ဆုံးဖြတ်ချပြီးပြီဆိုတော့ နောက်ဆိုရင် အဘိုးရဲ့ မြေးလိမ္မာလေးကို စည်းကမ်းတင်းကြပ်ဖို့ သတိရပေးပေါ့နော်”
‘မြေးလိမ္မာလေး’ ဟူသည့်စကားလုံးသည် တမင် သရော်ကာ ပြောလိုက်သည့်စကားပင်။
အဘိုးတွမ့်သည် သူမက ဤသို့ တုံ့ပြန်လာမည်ကို မျှော်လင့်မထားခဲ့ချေ။ သူမသည် ငိုယိုကာ သူတို့နှစ်ယောက်ကို မခွဲဖို့ သူ့အား တောင်းဆိုတာ မဟုတ်လျှင် တွမ့်ရှင်းယွမ်ကို ရှာကာ ဒေါသဖြေမည်ဟုသာ သူ မျှော်လင့်ထား ခဲ့လေသည်။ သို့သော် သူမသည် တစ်စက်ကလေးမှ ဆန့်ကျင်ရန် မရည်ရွယ်ဘဲ စေ့စပ်ပွဲကို အလွန်ရိုးရှင်းစွာ ဖျက်သိမ်းကြောင်း ပြောလိမ့်မည်ကိုတော့ သူမျှော်လင့်မထားခဲ့ချေ။
“ မင်း ဒီအတိုင်းပဲ လက်လျှော့လိုက်တော့မလို့လား”
အဘိုးတွမ့်သည် သူ့မျက်လုံးများကို ကျဥ်းမြောင်းထား၏။
ВЫ ЧИТАЕТЕ
အကြီးဆုံးမမလေးက မူမမှန်
Фэнтезиလူတွေရဲ့အမြင်မှာတော့ သတို့သားလောင်းရဲ့ဖယ်ကြဉ်စွန့်ပစ်ခံလိုက်ရတဲ့ ကုမိသားစုရဲ့ အလိုလိုက်ခံ အငိုသန်သမီးလေးက အလွန်စိတ်ပျက်စရာကောင်းတဲ့ဘဝနဲ့နေထိုင်သွားသင့်တာတဲ့။ ဒါပေမဲ့ သူတို့မထင်ထားတာက..... သူဌေးကြီး : ချင်းယွီ မင်းနဲ့ ညစာအတူတူစားခွင့်ရတာ ဂုဏ်ယူလိုက်တ...
