စာစဉ်နာမည်- အကြီးဆုံးမမလေးက မူမမှန်
ဘာသာပြန်သူ-Yuuki
အပိုင်း (၁၃၃) အကြီးက အငယ်ကို ဆုံးမနေတာ
မုရွှမ်ချင်သည် မျက်ခုံးတစ်ဖက်ပင် မပင့်ချေ။
“ သူ အဲလိုလုပ်ရဲမှတော့ တန်ကြေးပြန်ပေးရမှာ သဘာဝပဲလေ၊ ဒါက သူ့အတွက် အလွတ်သင်ခန်းစာပဲ”
ချန်ရန် ထိုစကားကို ကြားလိုက်ချိန်၌ မရယ်ဘဲ မနေနိုင်တော့ချေ။
“ ဆရာ အလကား မဟုတ်ဘူးနော်၊ မိန်းကလေးကုက မိန်းကလေးမုအိုက် အဲဒီကောင်တွေကို လွှဲပေးထားတာ ငွေအားလုံးကို သူ့အကောင့်ထဲ လွှဲထည့်လိုက်ပြီးပြီ”
“ ဪ တစ်သက်တာသင်ရိုးအတွက် ယွမ်တစ်သောင်းလောက်လေးကို တန်ပါတယ်”
မုရွှမ်ချင် ဘာမှ မဖြစ်သလို ပြောလိုက်လေသည်။
“ ဆရာ မိန်းကလေးကု ဘယ်လိုများသိသွားတာလဲ၊ ဆရာမသိချင်ဘူးလား”
မုရွှမ်ချင် သိချင်ပါသည်။ သို့သော်...
သူ သိချင်လျှင်တောင် လက်ရှိအချိန်၌ သူတို့ အဖြေရှာနိုင်အုံးမည် မဟုတ်ချေ။
နောက်ဆုံး... သူမသည် ထူးခြားကာ ထူးထူးခြားခြားနည်းလမ်းများကို သုံးတတ်လေသည်။
“ အရေးမကြီးပါဘူး” မုရွှမ်ချင် ပြန်ဖြေလိုက်၏။
ကုချင်းယွီ၏ ထူးခြားမှုကို သူယုံကြည်ရသည့် ချန်ရန် ပင်ဖြစ်စေ မည်သူတစ်ဦးကိုမှ မသိစေချင်သဖြင့် အမှတ်တမဲ့ ဖုံးကွယ်ထားပေးချင်သွားတော့သည်။
ဖုန်းကိုင်လိုက်ချိန်၌ ကုချင်းယွီ၏ နူးညံ့ချိုသာသည့် အသံလေးကို ကြားလိုက်ရတော့သည်။
“ဆရာ မအိပ်သေးဘူးလား”
“ အင်း”
သူသည် ဖုန်းထဲတွင် စကားအလွန်နည်းသော်လည်း သူ့ဘေးက ချန်ရန်ကတော့ဖြင့် ထိုအေးစက်စက် ကျောက်တုံးက ချက်ချင်း အရည်ပျော်သွားသည်ကို မြင်နေရလေသည်။ မိန်းကလေးကုသည် ထိုစကားကို ကြားနိုင်လောက်မည်မထင်။ သို့သော် ဆရာက သူ့မိသားစုအပါအဝင် ဘယ်မိန်းမကိုမှ ဤသို့သော အမူအရာလေသံမျိုးဖြင့် မပြောခဲ့ဖူးကြောင်း ချန်ရန် ကောင်းကောင်းသိလေသည်။
YOU ARE READING
အကြီးဆုံးမမလေးက မူမမှန်
Fantasyလူတွေရဲ့အမြင်မှာတော့ သတို့သားလောင်းရဲ့ဖယ်ကြဉ်စွန့်ပစ်ခံလိုက်ရတဲ့ ကုမိသားစုရဲ့ အလိုလိုက်ခံ အငိုသန်သမီးလေးက အလွန်စိတ်ပျက်စရာကောင်းတဲ့ဘဝနဲ့နေထိုင်သွားသင့်တာတဲ့။ ဒါပေမဲ့ သူတို့မထင်ထားတာက..... သူဌေးကြီး : ချင်းယွီ မင်းနဲ့ ညစာအတူတူစားခွင့်ရတာ ဂုဏ်ယူလိုက်တ...
