ငရဲမှလာသောသူ [ Chapter 201 to 400]

Chapter 209

ငရဲမှလာသောသူ
ဘာသာပြန် Han Shin
The Man from Hell
Author Autumn Wind 123

စာစဉ် (14) Chapter (209) ရှုံးတဲ့လူ သေမယ်

*ခင်ဗျားကို ပိုးပန်းဖို့နဲ့ ဟွာရှနိုင်ငံက သိုင်းပညာရှင်တိုင်းကို ထိထိ ရောက်ရောက် ဖြိုခွင်းချင်လို့ပဲ*

ထိုစကားကြောင့် သူတို့အဖွဲ့ ထိတ်လန့်မှုများနှင့် ပြည့်နှက်လို့သွားသည်။

မောက်မာလွန်းတယ်။ ရဲတင်းလွန်းတယ်။

ကိုရီးယားလူမျိုး သိုင်းပညာရှင်က သည်လောက် ရိုင်းစိုင်းစွာ ပြုမူရဲလိမ့်မည်ဟု မည်သူမှ ထင်မှတ်မထားမိပါ။

*သူက ဟွာရှနိုင်ငံက သိုင်းပညာရှင်တိုင်းကို ထိထိရောက်ရောက် ဖြိုခွင်း ချင်တယ်ပေါ့လေ*

သူတို့ လေးယောက်အဖွဲ့သာမက ဘေးနားမှ ဟွာရှ သိုင်းပညာရှင်များလည်း ကြားသွားကြသည်။

ချက်ချင်းဆိုသလိုပင် သူတို့အားလုံးတွင် ဖြောင့်မတ်၍ မခံမရပ်နိုင်သော စိတ်များဖြင့် ပြည့်နှက်လာကြသည်။

သို့သော် ဖျောင်ကျိုးယိုက သူတို့၏ အပြုအမူများကို လျစ်လျူရှူထားသည်။ ထိုအစား သူက ပိုင်ယီ၏ မျက်ဝန်းအား ရူးမတတ် စိုက်ကြည့်ကာ ပြောနေသည်။

"မမလေး ပိုင်ယီ ကျုပ် ရိုင်းတယ်လို့ ခင်ဗျား ထင်ကောင်း ထင်နိုင်တယ်၊ ဒါပေမယ့် ဒါ အမှန်တရားပဲ"

"အင်အားကြီးတဲ့သူတွေက အားနည်းတဲ့သူတွေအပေါ် ယဉ်ကျေးနေစရာ မလိုဘူးလေ"

"ကျုပ် တစ်ခဏအတွင်း ဒါကို ကျုပ် လက်သီးချက်နဲ့ ခင်ဗျားကို သက်သေထူပြမယ်"

"ကျုပ်လို ကိုရီးယား လူမျိုးတွေကသာ ခင်ဗျားအတွက် အသင့်တော်ဆုံး ရွေးချယ်ရမယ့် သူပဲ"

ထိုသို့ပြောပြီး ဖျောင်ကျိုးယိုက ပိုင်ယီအား တစ်ချက် စိုက်ကြည့်ပြီး ကွမ်ဖေးနှင့်အတူ စင်မြင့်ဘက်သို့ ထွက်သွားသည်။

"ခွေးမသား"

ရွှယ်ထောင်က အလွန် မုန်းတီးစိတ်ဖြင့် ဆဲရေး တိုင်းထွာလိုက်မိသည်။

ကျိုးဖျောင်ယိုသာ ဆရာသခင်အဆင့် မဟုတ်ပါက ရွှယ်ထောင် သူနဲ့ တိုက်ခိုက်မိမည် ဖြစ်သည်။ မာစတာရွှယ်တောင်မှ ဒေါသထွက်နေ၏။