ငရဲမှလာသောသူ
The Man from Hell
Author Autumn Wind 123
ဘာသာပြန် Han Shinစာစဉ် (16) Chapter (229) ခင်ဗျားအသက်နဲ့ ပြန်ပေးဆပ်ဖို့ အချိန်ကျလာပြီ
လူများစွာပါသော အဖွဲ့တစ်ဖွဲ့က နတ်ဆိုးတောင်ကြား၏ အပြင်ဘက်၌ ငြိမ်၍ စောင့်နေကြသည်။
သူတို့အားလုံးသည် နတ်ဆိုးတောင်ကြား၏ သံသရာ စက်ဝန်း၌ ပါဝင်ရန် စောင့်နေကြခြင်း ဖြစ်သည်။
ထိုအဖွဲ့တွင် တစ်ကမ္ဘာလုံးမှ အရည်အချင်း ရှိသောသူများနှင့် ပြည့်နှက်လို့နေ၏။
သို့သော် ယခုအချိန်တွင် သူတို့အားလုံး၏ မျက်နှာ၌ သံသယများနှင့် စိုးရိမ်ကြောင့်ကြနေဟန်များဖြင့် ပြည့်နှက်လို့နေ၏။
"ဘာဖြစ်နေတာလဲ … နတ်ဆိုးတောင်ကြားက ဘာလို့ လူဆယ်ယောက်အတွက် ပွင့်မလာတာလဲ … ငါတို့ ဒီမှာ လူတစ်ရာနီးပါး ရှိနေပြီလေ။ ဘာလို့ အခုထိ ပိတ်နေသေးတာလဲ"
"ဒါအစောပိုင်းအဖွဲ့တွေက နတ်ဆိုးတောင်ကြားရဲ့ အမွေတွေကို ဆက်ခံရပြီးသွားပြီဆိုတဲ့ သဘောလား"
"မဖြစ်နိုင်ဘူး … နတ်ဆိုးတောင်ကြားရဲ့ အမွေဆက်ခံခြင်းက သံသရာစက်ဝန်းရဲ့ နောက်ဆုံး အချိန် မရောက်မချင်း ပေါ်လာမှာ မဟုတ်ဘူး … လူတိုင်း မဝင်ရသေးမချင်း သူတို့ ရနိုင်ဖို့ မဖြစ်နိုင်ဘူး"
လူငယ်များစွာက စိတ်မရှည်နိုင်တော့ဘဲ ဆွေးနွေး ပြောဆိုလာကြသည်။
ထိုစည် နတ်ဆိုးတောင်ကြား၏ အဝင်ဝမှ ရွှေအိုရောင် အလင်းတန်းတစ်ချက် ထွက်ပေါ်လာသည်။
"ကြည့်ကြစမ်း"
သူတို့ ဝင်ပေါက်အား စူးစိုက်ကြည့်နေစဉ်တွင် ပိန်ပါးပါး လူငယ်တစ်ယောက် အေးအေးဆေးဆေး ထွက်လာသည်။
လူတိုင်း မှင်တက်အံ့ဩသွားကြသည်။
*အမ်*
နတ်ဆိုးတောင်ကြား၏ သံသရာစက်ဝန်း မပြီးသေးခင် တစ်စုံတစ်ယောက်အား ထွက်ခွာခွင့် ပေးလိမ့်မည်ဟု မည်သူမျှ ထင်မှတ်မထားမိပါ။
*ဒါ လုံးဝ မဖြစ်နိုင်ဘူး*
ထိုလူငယ်လေးက ဆရာသခင် ဖြစ်ခါနီးအဆင့်သာ ရှိသည်ကို သတိထားလိုက်မိသည်နှင့် သူတို့ကြား ချက်ချင်း ပွက်လောရိုက်လာသည်။
YOU ARE READING
ငရဲမှလာသောသူ [ Chapter 201 to 400]
ActionChapter 201 to 400 Author Autumn Wind 123 ၏ The Man from Hell ကို ဘာသာပြန်ဆိုထားခြင်း ဖြစ်ပါသည်။