ငရဲမှလာသောသူ [ Chapter 201 to 400]

Chapter 234

ငရဲမှလာသောသူ
The Man from Hell
Author Autumn Wind 123
ဘာသာပြန် Han Shin

စာစဉ် (16) Chapter (234) ပထမဆုံးတစ်ယောက်

"ငါ မင်းကို တစ်စစီဖြစ်အောင် လုပ်ပစ်မယ်"

ယဲ့ဖန်၏ စကားကြောင့် ကုန်းကျန့်ထျန်း ဒေါသမီးတို့ တောက်လောင်လာရသည်။

ရဲတင်းလိုက်တာ။

ဒဏ္ဍာရီအဆင့်ဖြစ်သည့် သူတို့ သုံးယောက်လုံး သည်လောက် ရဲတင်းလွန်းသည့် လူငယ်မျိုးကို သူတို့ တစ်ခါမှ မမြင်ခဲ့ဖူးပါ၊ အထူးသဖြင့် ဆရာသခင်အဆင့်အောက်မှာသာ ရှိသည့် ရဲတင်းလှသော လူငယ်မျိုးကို ပို၍ မမြင်ဖူးပါ။
ဒါက သူတို့အတွက် လုံးဝကို ရှက်ဖွယ်အတိပင် ဖြစ်သည်။

ကုန်းကျန့်ထျန်းနှင့် ကျန် ဒဏ္ဍာရီအဆင့် သိုင်းပညာရှင် နှစ်ယောက်၏ မျက်လုံးများက တောက်ပလာကာ ခက်ထန်သော မျက်နှာထားတို့ဖြင့် လက်သီးကို ကျစ်ကျစ်ပါအောင် ဆုပ်ထားမိကြသည်။

ထို့နောက် ကုန်းကျန့်ထျန်းက အော်ပြောလိုက်သည်။

"ငါတို့ သူ့ကို ဝိုင်းဖမ်းမှ ဖြစ်မယ်၊ ငါတို့ သူ့ကို ဖမ်းမိတာနဲ့ ငါတို့မှာ အသက်ရှင်ဖို့ အခွင့်အရေး ရှိသေးတယ်"

ကုန်းကျန့်ထျန်းက ကျန် ဒဏ္ဍာရီအဆင့် သိုင်းပညာရှင် နှစ်ယောက်နှင့် အပြန်အလှန်ကြည့်ရင်း ကြောက်မက်ဖွယ်ကောင်းသည့် အပြုံးမျိုး ပြုံးလိုက်သည်။

ထိုစဉ် ယဲ့ဖန်က ရှေ့သို့ တစ်လှမ်းတိုးလာရင်း ကြုံးဝါးလိုက်သည်။

"မလောက်လေး မလောက်စားတွေ … သေဖို့ စောင့်နေလိုက်တော့"

ယဲ့ဖန်၏ စကားကြောင့် ကုန်းကျန့်ထျန်း၏ ဒေါသက ထောင်းခနဲ ပေါက်ကွဲလာသည်။

*မလောက်လေးမလောက်စားတွေ ဟုတ်လား*

*ခွေးမသားလေးက ဒဏ္ဍာရီအဆင့် သိုင်းပညာရှင်ကို မလောက်လေး မလောက်စားလို့‌ ခေါ်နေတာလား*

*ီးပဲ*

*မြေနိုးလေး … မင်းတော့ သေချင်နေတာပဲ*

ကုန်းကျန့်ထျန်းနှင့် အခြား ဒဏ္ဍာရီအဆင့် သိုင်းပညာရှင်နှစ်ယောက်က တစ္ဆေကောင်ကဲ့သို့ လှစ်ခနဲ လှုပ်ရှားကာ ယဲ့ဖန်အား သူတို့၏ သံမဏိကဲ့သို့ မာကြောသော လက်သီးများဖြင့် ထိုးနှက်လိုက်သည်။