ငရဲမှလာသောသူ [ Chapter 201 to 400]

Chapter 223

ငရဲမှလာသောသူ
The Man from Hell
Author Autumn Wind 123
ဘာသာပြန် Han Shin

စာစဉ် (15) Chapter (223) ဝေးဝေးသွားမလား အသတ်ခံမလား

"မဟုတ်ဘူး … မဖြစ်နိုင်ဘူး …. သူက ဘယ်လိုလုပ် ဒီလောက် သန်မာနေရမှာလဲ"

အရှေ့တောင်အာရှသူ အပျိုပေါက်မလေးက မယုံသင်္ကာဖြစ်နေသော မျက်နှာထားဖြင့် စောဒက တက်လိုက်မိသည်။

သူမ မျက်လုံးထဲတွင် ယဲ့ဖန်သည် ဆရာသခင် တစ်ပိုင်းအဆင့်သာ ရှိသေးသည့် ပမွှားလေးတစ်ကောင်သာ ဖြစ်သည်။

ဘယ်လိုလုပ် သူက ဆရာသခင်အဆင့် ရှိသည့် သိုင်းပညာရှင် ဆယ်ယောက်ကျောက်ကို တစ်ယောက်တည်း သတ်နိုင်ပါမည်နည်း။

ထို့ပြင် ကြမ်းပြင်ပေါ် လဲကျနေသော ကိုယ်လက်အင်္ဂါ ဖြတ်တောက်ခြင်း ခံထားရသော အလောင်းများစွာကို ကြည့်ရင်း သူမ မျက်လုံးပြူးကာ ရေရွတ်လိုက်မိသည်။

"ဒါ…. ဒါ တောင်အမေရိကား လူမျိုးအဖွဲ့ရဲ့ လက်ထောက် ဥက္ကဋ္ဌ …. ဝူပီခို့ပဲ"

"သူက ဘယ်လိုလုပ် ဒီနေရာမှာ သေနေတာလဲ …သူ့အစ်ကို ဝူပီတက နံပါတ်တစ် ရွှေရောင် နံပါတ်ပြားကို ကိုင်ထားတာလေ ပြီးတော့ နတ်ဆိုးတောင်ကြားရဲ့ အရင်းအမြစ်တွေကို အမွေဆက်ခံနိုင်မယ့် ပထမဆုံးသူလို့ ထင်ကြေးပေးနေကြတာ"

"ပြီးတော့ သူ့ဘေးက ဂျပန်လေး … သူ … သူက ယွမ်ထျန့်ထျန်းရီရဲ့ ညီ …. ဂျပန်က ပါရမီရှင် ဆာမူရိုင်းလေးလေ"

"ယွမ်ထျန့်ထျန်းရီက နံပါတ်နှစ် ရွှေရောင်နံပါတ်ပြားကို ကိုင်ဆောင်ထားတာလေ … သူ့ညီ သေသွားတာကို သူ သိသွားရင်တော့ ဒေါသူပုန်ထသွားလောက်တယ်"

ဝူပီတနှင့် ယွမ်ထျန့်ထျန်းရီတို့သည် နတ်ဆိုးတောင်ကြား၏ သိုင်းပညာရှင်များ စာရင်းတွင် ထိပ်တန်းနံပါတ် နှစ်ခု ပိုင်ရှင် ဖြစ်သည်။

အရှေ့တောင်အာရှသူ အပျိုပေါက်မလေးက တောင်အမေရိကားလူမျိုးနှင့် ဂျပန်လူမျိုးတို့၏ အလောင်းကို ကြည့်နေရင်း သူမ ကြက်သီး တဖြန်းဖြန်း ထလာမိသည်။

အကယ်၍ သူတို့ ညီအစ်ကိုများ အသတ်ခံလိုက်ရသည်ကို နှစ်ယောက်လုံး သိသွားပါက ဝူပီတနှင့် ယွမ်ထျန့်ထျန်းရီတို့ နှစ်ယောက်လုံး ဒေါသူပုန်ထသွားလောက်သည်။