ငရဲမှလာသောသူ [ Chapter 201 to 400]

Chapter 228

ငရဲမှလာသောသူ
The Man from Hell
Author Autumn Wind 123
ဘာသာပြန် Han Shin

စာစဉ် (16) Chapter (228) ငါတို့က မိသားစုဆိုတာကို အမြဲ မှတ်ထားပါ

ထိုအချိန်တွင် များစွာသော ထိပ်တန်း သိုင်းပညာရှင်များက ယဲ့ဖန်အား သူတို့ သခင်ကြီးအဖြစ် သတ်မှတ်လိုက်သည်ကို ကြည့်ပြီး ဝူပီတနှင့် အခြားသူများ သေမတတ် ကြောက်လန့်သွားကြသည်။

"ပြေး"

ဝူပီတနှင့် ယွမ်ထျန့်ထျန်းရီတို့ သူတို့ တတ်နိုင်သမျှ လျင်မြန်စွာ ထွက်ပြေးနေကြသည်။

မြန်မြန်…မြန်မြန်…မြန်မြန်…

ဤမျှ ကြောက်မက်ဖွယ် ကောင်းသည့် အရာမျိုးကို တစ်ခါမှ မမြင်ဖူးသဖြင့် သူတို့ တစ်ကိုယ်လုံး ကြက်သီး တဖြန်းဖြန်း ထလာကြသည်။

သူတို့၏ ရည်မှန်းချက်က နတ်ဆိုးတောင်ကြားမှ ထွက်ပြေးပြီး ယဲ့ဖန်လက်မှ မြန်နိုင်သမျှ မြန်မြန် လွတ်မြောက်ရန် ဖြစ်သည်။

ထိပ်ဆုံး ရွှေရောင် နံပါတ်ပြား နှစ်ခုကို ကိုင်ဆောင်ထားသည့် ပါရမီရှင် နှစ်ယောက်က သူတို့ မြန်နိုင်သမျှ မြန်မြန် ထွက်ပြေးနေကြသည်။

သို့သော် ထိုအချိန်တွင် သူတို့သည် တင်းမာသော အသံတစ်သံက ပဲ့တင်ထပ်လာသည်။

"ပုရွက်ဆိတ်လိုကောင်တွေ … မင်းတို့ ငါ့သခင်ကြီးကို သတ်ဖို့ ကြိုးစားရဲတယ်ပေါ့လေ … မင်းတို့ သေချင်နေပြီပဲ"

ဒဏ္ဍာရီအဆင့် သိုင်းပညာရှင်တစ်ယောက်က တိုက်ကွက် ထုတ်ဖော်လာသည်။
လေတိုးသံနှင့်အတူ ဒဏ္ဍာရီအဆင့် သိုင်းပညာရှင်သည် ဝူပီတနှင့် ယွမ်ထျန့်ထျန်းရီတို့အား အားနှင့် ထိုးခွင်းလိုက်သည်။

"မဖြစ်ဘူး"

နှစ်ယောက်လုံး ထိတ်လန့်တကြား အော်ဟစ်လိုက်မိသည်။

ဝုန်း!

သူတို့ ခန္ဓာကိုယ်များက သွေးမြူခိုးများအဖြစ်သို့ ပြောင်းသွားကာ သွေးကွက်မှလွဲ၍ တစ်ခြား မည်သည့်အရာမှ ရှိမနေပါ။

ကြောက်မက်ဖွယ် ကောင်းလှပါဘိ။

ရွမ်ဟုန်သည်လည်း အလွန် ကြောက်လန့်နေသဖြင့် သူမ ဘောင်းဘီထဲ သေးထွက်ကြမတတ် ဖြစ်နေသည်။