ကျောင်းတော်ရဲ့ မင်းသားလေးက မိန်းကလေးတဲ့ Book 2

အပိုင်း ၂၀၁။

အပိုင်း (၂၀၁)  ချိုချဥ်ဝယ်ကျွေးတာက ထောင်ချောက်တစ်ခုများလား

ဖူကျို့သည် ဤနတ်ဘုရား ဝိုင်သောက်ထားမှန်း သိလိုက်သည်။ အကြောင်းမှာ ချင်မော့က သူမအနားကပ်လာသည့်ခဏတွင် သူ့  ရှူထုတ်လိုက်သောလေသည် သူမမျက်နှာကိုလာရိုက်ကာ တဆက်ထဲတွင် ဝိုင်နံ့သင်းသင်းကို ရလိုက်သောကြောင့်ဖြစ်သည်။ သူသည် ထူးထူးဆန်းဆန်း စာတစ်ကြောင်းကို ရွတ်လိုက်လေသည်။

“ အကောင်းဆုံးဖုန်းတစ်လုံးတောင်မှ မင်းလက်ထဲတစ်ခါရောက်သွားရင် အဆင်တန်ဆာတစ်ခုသာသာပဲရှိတော့တယ်”

ဖူကျို့သည် ပဟေဠိဆန်သောအမူအရာဖြင့် ကြည့်လိုက်မိသည်။

“ ဟင်”

မူလရည်ရွယ်ချက်မှာ ချင်မော့သည် ထိုကောင်လေးကို ထိန်းကွပ်ရန် နည်းလမ်းတစ်ခုပြင်ထားရာ ဖူကျို့မျက်နှာကို မြင်လိုက်ရပြီးနောက် သူ့ဆုံးဖြတ်ချက်မှာ ပို၍အားနည်းသွားလေသည်။

သူက အသိဉာဏ်ပညာနဲ့ပြည့်စုံတဲ့အစ်ကိုကြီးတစ်ယောက်လေ။

ဒီကောင်ကကျတော့ ဆန့်ကျန်အာခံတတ်တဲ့ မြီးကောင်ပေါက်အရွယ်မှာ အထူးဂရုစိုက်ပေးဖို့လိုနေတာ။

တစ်နေ့ထဲမှာ သူ့အမှားတွေကို အပြစ်ထပ်ပြောနေတာလဲ သေချာပေါက် မသင့်တော်လှဘူး

ထိုသို့တွေးပြီး ချင်မော့သည် သူ့အကြည့်ကို ရုပ်သိမ်းလိုက်ကာ ဒရိုင်ဘာကို အမိန့်ပေးလိုက်လေသည်။

“ နဂါးငွေ့တန်း SOHO ကို”

နဂါးငွေ့တန်း SOHOတဲ့လား

စျေးဝယ်စင်တာ ကိုလား

သူတို့အဲကိုဘာသွားလုပ်မှာလဲ

ဖူကျို့သည် လူကြီး၏အတွေးရထားကို နည်းနည်းကလေးမှ လိုက်မမှီနိုင်ဖြစ်နေလေသည်။

ဒီနတ်ဘုရားက သူမကို စျေးဝယ်ထွက်စေချင်လို့လား

ဒီနတ်ဘုရားရဲ့ ဝါသနာတွေထဲမှာ ဘယ်တုန်းက စျေဝယ်ထွက်တာပါ ပြောင်းသွားတာလဲ

ဖူကျို့သည် နဂါးငွေ့တန်းSOHO သို့ သံသယများ ရင်၌အပြည့်ပိုက်ကာ ရောက်သွားတော့သည်။