အပိုင်း (၃၄၈) Supremeအသင်း ရှုံးတော့မှာလား
လမ်းကြောင်းသုံးခု ရှိ၏။
ဘယ်ဖက်လမ်း၊ အလယ်လမ်းနှင့် ညာဖက်လမ်းတို့ ဖြစ်၏။
ကစားသမားငါးယောက်တွင် ရွှယ်ယောင်ယောင်ကလွဲလျှင် ကျန်သူများမှာ ပညာရှင်များဖြစ်ကြ၏။
တစ်ဖက်အသင်း၏ stun spell ခံရသည်မှာ မဆန်းချေ။
“မိုက်တယ်”
“ အရှိန်က အံ့ဩစရာကောင်းချက်”
“ဆာကူရာအသင်းက နိုင်မှာ သေချာတယ်”
သတင်းထောက်များသာမက ပရိသတ်များအားလုံးသည် ဤသို့ပင် တွေးနေကြလေသည်။
စခရင်ကို ကြည့်ရုံနှင့်ပင် အလွယ်ပြောနိုင်၏။ ဆာကူရာအသင်းသည် လျင်မြန်စွာ လှုပ်ရှားနေပြီး သူတို့ထဲမှ သုံးယောက်က အလယ်လမ်းတွင် တိုက်နေကြ၏။
အားပြင်းသည့်ရိုက်ချက် သုံးလေးချက်နှင့် သူတို့သည် မြို့ကိုကာကွယ်ထားသည့် ဖန်သားရောင်တာဝါအနားသို့ ရောက်လုနီးပါးဖြစ်နေပြီး အလွန်ကြောက်စရာကောင်းသည့် မီးပါဝါ ဖြစ်၏။
“ ဖြိုနေပြီ၊ တာဝါကို ဖြိုနေပြီ”
တကယ်ကြီး ဖြိုချနေတာလား။
လူများသည် တစ်စုံတစ်ယောက်က ရုတ်တရက်အရှိန်မြင့်ပြီး ထိုနေရာဆီသို့ တန်းတန်းမတ်မတ် ပြေးလာသည်ကို တွေ့လိုက်လေသည်။
ထို ဆာကူရာအသင်းသားသုံးယောက်သည် လုံးဝ လန့်မသွားပေ။
သူတို့သည် ထိုမျက်စိကျိန်းလောက်သည့် stun က ရုတ်တရက် ပေါ်ထွက်လာမည်ကိုတော့ မျှော်လင့်မထားခဲ့ချေ။
သူတို့သုံးယောက်သည် ထိုနေရာတွင် ပိတ်မိသွားတော့သည်။
ထိုလူသည် သူ့ မီးပါဝါအားလုံးကို စုစည်းလိုက်ပြီး ပြင်းထန်သည့် headshotတစ်ခုနှင့်အတူ တစ်ယောက်ကို တစ်ချက်ထဲနှင့် သတ်လိုက်လေသည်။
တိမ်ကျား နှစ်ယောက်ဆက်သတ်ပြီး။
“ -ျီး အဲဒါဘယ်သူလဲ ကြောက်ဖို့ကောင်းလိုက်တာ”
ပရိသတ်များသည် အ-ေသလန့်သွားကြတော့သည်။
သို့သော် ထိုမျက်စိကျိန်းလောက်သည့် stun နောက်က ဒုတိယတိုက်ကွက်ကို ဘယ်သူသုံးသွားမှန်း မည်သူမှ မသိလိုက်ချေ။
YOU ARE READING
ကျောင်းတော်ရဲ့ မင်းသားလေးက မိန်းကလေးတဲ့ Book 2
Romancebook 1 ကို ဒီအကောင့်မှာ ရှာဖတ်လို့ရပါတယ်