ကျောင်းတော်ရဲ့ မင်းသားလေးက မိန်းကလေးတဲ့ Book 2

အပိုင်း (၃၉၁) ကယ်တင်ခြင်း

အပိုင်း (၃၉၁) ကယ်တင်ခြင်း

သိပ်မကြာခင်က မီးခိုးငွေးများ ထူထပ်နေတာကြောင့် ကျန်းမြို့ရှိ မူလတန်းကျောင်း ၊ အလယ်တန်းကျောင်းနှင့် အထက်တန်ကျောင်းများအားလုံးကို နှစ်ရက်တာ ဆိုင်းငံ့ထားလိုက်ရပြီး ထိုအရာက ဖူကျို့၏ ဇီဝနာရီကို လွဲမှားသွားစေတော့သည်။

သူမသည် ထထိုင်လိုက်ပြီး ပျင်းရိစွာ သမ်းဝေလိုက်၏။ သူမသည် လှည့်ကြည့်လိုက်ချိန်တွင်တော့  ၈နာရီ ၁၀မိနစ်ရှိနေပြီ ဖြစ်လေသည်။

သူတို့၏ ပထမဆုံးအချိန်သည် ၈နာရီခွဲတင် စ၏။

ထို့အပြင် ဤစိတ်ပျက်ဖွယ် အမှတ် (၁)အလယ်တန်းကျောင်း၌ တစ်စုံတစ်ယောက်သည် ကျောင်းနောက်ကျခဲ့သည်ရှိသော် ကျောင်းစောင့်ဦးလေးကြီးက သူတို့၏နာမည်များကို မှတ်ထားတတ်၏။

နိုင်ငံ့တံခွန်စိုက်ပြိုင်ပွဲမှာ ၃ရက်သာလိုတော့သည်။

ထို့ကြောင့် သူမသည် ထိုအသေးအဖွဲကိစ္စကြောင့် အရည်အချင်းမပြည့်မီပါဟုတော့ အဖြစ်မခံလိုပေ။

ဖူကျို့သည် မိန်းကလေးတစ်ယောက်နှင့် လုံးဝမတူသည့် သူမ၏မျက်နှာကို မြန်မြန်ဆန်ဆန် သစ်လိုက်၏။ သူမသည် ကျောင်းယူနီဖောင်းကို လျင်လျင်မြန်မြန်ကောက်ဝတ်လိုက်၏။ သူမ၏စကိတ်ဘုတ်ကို စီးကာ လူအုပ်များနှင့် ယာဥ်ကြောကို မြန်မြန်သွက်သွက် ဖြတ်သွားလိုက်တော့သည်။

၁၀မိနစ်သာ ကျန်တော့သည်။

အချိန်ကို မှတ်ထားလိုက်ပြီး ဖူကျို့သည် စကိတ်ကို ရုတ်တရက် ရပ်လိုက်ကာ ကျောင်းရှိရာဘက်ကို လှမ်းကြည့်လိုက်၏။

အလွန်ဝေးသည့် အကွာအဝေးဖြစ်လေသည်။

သူမသည် ဖြတ်လမ်းမှ သွားရပေတော့မည်။

စက်ဘီးနှင့် ကျောင်းသွားနေသည့် အလယ်တန်းကျောင်းသားတစ်ယောက်လဲ ဆင်တူယူနီဖောင်း ဝတ်ထားသည့် ကောင်လေးတစ်ယောက်က သူ့ရှေ့မှာပင် ရုတ်တရက် ပြန်လှည့်ပြီး တခြားလမ်းကို သွားလိုက်သည်ကို မြင်လိုက်ရာ ဇဝေဇဝါဖြစ်သွားတော့သည်။

အတန်းစတော့မှာလေ။

ဒီကောင်က ဘယ်သွားမလို့လဲ။