အပိုင်း ( ၃၇၈) ကြီးမြတ်လှတဲ့သခင်လေးကို အိမ်ခေါ်ပြီး သိပ်လိုက်တယ်
သူတို့သည် နောက်ဆုံး၌ အပြင်မှာဖြစ်နေရာ ဖူကျို့သည် အချိန်ကြာကြာ မရယ်လိုက်ပေ။ သူမသည် စားသောက်ရန်လိုပေသေးသည်။
ထို့နောက်တွင် ပိုင်ရှင်အမျိုးသမီးသည် အသားကင်များကို အရသာသွင်းနေရင်း ‘ ငါ မင်းကို စောင့်ကြည့်နေတယ်နော်၊ မင်း ညီလေးကို ကောင်းကောင်းဆက်ဆံရင်ပိုကောင်းမယ်’ ဟုပြောနေသယောင် ချင်မော့ကို အချိန်တိုင်း ကြည့်နေလေသည်။ ဖူကျို့သည် ထိုအရာအားလုံးဆီမှာ ကျေနပ်မှုကို ခံစားနေတော့သည်။
ထိုအင်တာနက်ရူးကောင်လေးများသည်လည်း ကြည့်ကာ မူးလာပြီးနောက် ပိုသဘောကျနေတော့သည်။
သောက်ကျိုးနည်း လူချောတွေက ဘာလို့များ ဘာလုပ်လုပ် အဲလောက်ကြည့်ကောင်းနေရတာလဲ။
သူတို့သည် ထိုနှစ်ယောက်ကို သူငယ်ချင်းဟုသာ လုံးဝမယုံကြည်ကြပေ။
သို့သော် လက်ရှိအချိန်၌ဒါသည် အဓိကအကြောင်းအရာမဟုတ်ပေ။
သူတို့ထဲမှ တစ်ယောက်၏ဖုန်းသည် “ မင်းတို့မလာရဲဘူးလား” ဟူသည့် စာတစ်စောင် ဝင်လာသည်နှင့်အတူ တုန်ခါသွားလေသည်။
ထိုလူသည် သူ့စာကို သူ့ဘော်ဒါများကို ပြလိုက်၏။
“သောက်ကျိုးနည်း သူတို့ကို ပြောလိုက်စမ်းပါ ငါတို့ သူ့တစ်သင်းလုံးကို အပြတ်ရှင်းပြမယ်လို့၊ သူ သေချင်နေတာလား”
သို့သော် သူတို့သည် 5v5ပြိုင်ပွဲအတွက် လူတစ်ယောက်လိုနေသည်ကို သတိထားမိသွားတော့သည်။
ထိုသူလေးယောက်သည် အကြည့်ချင်းဖလှယ်လိုက်ပြီး ထိုလူ အခုလေးတင် ပြောခဲ့သည့်စကားကို သတိရသွားတော့သည်။ သူတို့ထဲမှတစ်ယောက်သည် မတ်တတ်ရပ်ကာ ဖူကျို့၏စားပွဲသို့ တန်းတန်းမတ်မတ် လျှောက်လာလိုက်၏။
“ ဟေ့ ဘရို ၊ နားထောင်၊ မင်း အွန်လိုင်းဂိမ်းကစားတာ တော်တယ်လို့ မင်းပြောခဲ့တယ်နော် ဟုတ်တယ်မလား”
စကားပြောနေသည့်လူသည် ပါးစပ်တွင် စီးကရက်တစ်ခုကို ကိုက်ထားပြီး ထိုပုံစံက သူ့ကိုယ်သူ မိမိုက်နေသည်ဟု တွေးနေ၏။ လူတစ်ယောက်ကို ရုပ်ရည်ကြည့်ပြီး မဆုံးဖြတ်သင့်သည်မှန်သော်လည်း တစ်ခါတစ်ရံတွင် .. သူ့အမူအရာဖြင့် ဆုံးဖြတ်နိုင်ပေသည်။ ချင်မော့သည် မော့ကြည့်လိုက်ချိန်တွင်တော့ သူ့စိတ်နှလုံးသည် အကြောင်းအရင်းမရှိဘဲ အစိတ်စိတ်အမြွှာမြွှာ ကွဲထွက်သွားတော့သည်။ သူ့သည် လည်ချောင်းထဲတွင် တစ်ခုခုခံနေသည့်နှယ် ကျယ်လောင်စွာ ချောင်းဆိုးပြလိုက်ပြီး သူ့အမူအရာကလည်း ပျက်သွားတော့သည်။
ESTÁS LEYENDO
ကျောင်းတော်ရဲ့ မင်းသားလေးက မိန်းကလေးတဲ့ Book 2
Romancebook 1 ကို ဒီအကောင့်မှာ ရှာဖတ်လို့ရပါတယ်
