အပိုင်း (၂၂၈) မင်းရဲ့ပါးကို ရောင်လာတဲ့အထိ ထပ်ရိုက်မယ်
သည်စကားကိုကြားလိုက်သည်နှင့်တပြိုင်နက် ကွင်းအတွင်း ချီးကျူးအားပေးသံများသည် ကောင်းကင်ယံထိ ထိုးတက်သွားလေသည်။
အဓိကအင်တာနက်စာမျက်နှာပေါ်မှ ကြည့်ရှုသူအရေအတွက်သည်လည်း သန်းတစ်ရာအထိ ကျော်သွားတော့သည်။
လူအားလုံးသည် မက်ဆေ့များနှင့် ဆွေးနွေးပွဲနေရာကို သိမ်းယူထားကြတော့သည်။
အင်တာနက် နည်းပညာရှင်များပင် ဤမျှမြန်ဆန်သော ဝေဖန်ချက်ရေးနှုန်းကို တစ်ခါမှမမြင်ဖူးချေ။
သူတို့က အင်တာလိုင်းပျက်ကျသွားမှာကိုပဲ စိုးရိမ်နေမိတော့သည်။
“ချောလိုက်တာ”
“ ဒါမှ ငါ့ရဲ့ ကြီးမြတ်တဲ့ Spade ကြီးကွ၊’ငါလေးက နင့်ကို အကောင့်သစ်လေးနဲ့တင်သတ်နိုင်တယ်’တဲ့လေ”
“တကယ်အရည်အချင်းရှိတဲ့သူက အလုပ်နဲ့သက်သေပြတယ် အဓိပ္ပာယ်မရှိတာတွေပြောမနေဘူး”
“အစီရင်ခံတဲ့သူတွေဘယ်ရောက်ကုန်ပြီလဲ၊ ပြန်ပြီး သုံးသပ်ချက်ပေးပါအုံ”
“ အစီရင်ခံတဲ့သူတွေတောင် ငါ့ရဲ့ကြီးမြတ်တဲ့Spade ကြီးရဲ့ ဖန်ဖြစ်ကုန်ပြီဟ”
“ ငါမေးပါအုံးမယ် ဘယ်သူရှိသေးလဲ၊ ဘယ်သူကျန်သေးလဲ၊ ငါရဲ့ကြီးမြတ်တဲ့Spadeကြီးကို ထိုးချချင်တဲ့ကောင်တွေ မင်းတို့မျက်လုံးကိုဖွင့်ကြည့်လိုက်ကြစမ်း၊ မင်းတို့ရဲ့ပေါက်ကရစကားတွေကို ငါ့ကွန်ပျူတာရှေ့ကနေ တလျှောက်လုံး သည်းခံလာရတာ၊ သက်လတ်ပိုင်း ဦးလေးကြီးတစ်ယောက်အနေနဲ့ မင်းတို့ကို သိပ္ပံပညာအချို့ငါ့ကို ပြန်မျှဝေခွင့်ပြုကွာ။ ဒါက ကြီးမြတ်တဲ့Spadeကြီးကပဲလုပ်နိုင်တဲ့ အမြန်နှုန်းကွ နားလည်လား၊ အဲဒီ ဖူရှီမင်ဆိုတဲ့ကောင် Spade Z အကောင့်ကို ပြန်ပေးစမ်း။ မဟုတ်လို့ကတော့ ငါတို့ ဟက်ကာတွေ ဘာလုပ်နိုင်သေးလဲဆိုတာကို မင်းကိုပြရလိမ့်မယ်”
ထိုဝေဖန်ချက်များသည် ကွင်းအတွင်းရှိ အဓိကဖန်သားပြင်ပေါ်တွင် အချိန်နဲ့တပြေးညီပေါ်လာလေသည်။
YOU ARE READING
ကျောင်းတော်ရဲ့ မင်းသားလေးက မိန်းကလေးတဲ့ Book 2
Romancebook 1 ကို ဒီအကောင့်မှာ ရှာဖတ်လို့ရပါတယ်