အပိုင်း ( ၃၄၉) Supremeအသင်းခေါင်းဆောင်က ငပျော့လေးလား
ကံအားလျော်စွာ သူတို့သည် အလယ်လမ်းတွင် ကောင်းကောင်း ထိန်းထားနိုင်ခဲ့ပြီး တစ်ဖက်အသင်း၏ defense tower နှစ်ခုကို တပြိုင်ထဲ ဖြိုနိုင်ခဲ့လေသည်။
သူတို့သည် နောက်ထက် တာဝါတစ်ခုကိုသာ ဖြိုရတော့မည်ဖြစ်ပြီး မြို့ဆီသို့ သွားလမ်းပေါ်တွင် ရှိ၏။
သို့သော် တိမ်ကျား၏သွေးမှာ ကုန်ခါနီးဖြစ်နေပြီး ကျန်သည့်သွေးအနည်းငယ်လေးနှင့် ထိန်းထားနေရသည်။
ရောက်လာသည့်သူတိုင်းက သူ့ကို တစ်စက္ကန့်အတွင်း ဖယ်ရှားနိုင်ပေလိမ့်မည်။
တိမ်ကျားသာ-ေသသွားရင် သူတို့တွေ အသက် ၅ခု ရှုံးသွားလိမ့်မယ်။
“ အခြေအနေက Supremeအသင်းအတွက် မကောင်းတော့ဘူး”
“ ကျွတ် ကျွတ် ဒီပွဲကတော့ ရှူဂျိအတွက် ပြင်းစရာကောင်းနေတော့မှာပဲ၊ ပြိုင်ဘက်က အရမ်း အားနည်းတယ်”
“ ငါ့ကို ပြောစမ်းပါအုံး”
ထိုသတင်းထောက်သည် သူနှုတ်ခမ်းကို ကွေးလိုက်ပြီး အထင်သေးသည့်လေသံဖြင့် ပြောလိုက်လေသည်။
“ သူတို့ ခေါင်းဆောင်က ဘာလုပ်နေတာလဲ၊ သူ ဘယ်လိုများ ခေါင်းဆောင် ဖြစ်လာတာလဲ၊ တိမ်ကျားလောက်တောင် ကောင်းတဲ့အချိန်မရှိဘူး”
“ သူ့လက် ဒဏ်ရာရထားတယ်လို့ ရှူဂျိ ပြောခဲ့တယ်မလား”
တခြားသတင်းထောက်သည် ပိုနားလည်ပေးတတ်၏။
“ ဒဏ်ရာကြောင့်လို့တော့ ငါမထင်ဘူး၊ သူက ဒီအတိုင်း ပျော့တာပဲ”
ယခုအခါ ပြိုင်ကွင်းအပြင်ဘက်ရှိ စကားသံများသည် ပိုကျယ်လာ၏။ ဖူကျို့သည် သူမ၏ထိုင်ခုံတွင် တည်ငြိမ်စွာထိုင်နေ၏။ သူမ၏ ညာဖက်လက်ကို ထိုင်ခုံကျောမှီပေါ်တွင် တင်ထားပြီး ပါးစပ်ထဲတွင် တုတ်ထိုးချိုချဥ်ကို လျော့တိလျော့ရဲ ကိုက်ထားပြီး သူမ၏မျက်လုံးကိုတော့ မပွတ်လိုက်ချေ။
ဆန့်ကျင်ဖက်အနေဖြင့် ဖုန်းရှန်သည် စိတ်လှုပ်ရှားနေပုံပေါ်၏။ သူသည် ကစားရင်း ကူတိုက်ပေးချင်စိတ်မှာ တဖွားဖွား ဖြစ်နေတော့သည်။
YOU ARE READING
ကျောင်းတော်ရဲ့ မင်းသားလေးက မိန်းကလေးတဲ့ Book 2
Romancebook 1 ကို ဒီအကောင့်မှာ ရှာဖတ်လို့ရပါတယ်
