ဗီလိန်ဖြစ်ရန် ကြမ္မာဖန် [Book 1]

(၉၇) အရံဇာတ်ကောင် ကျွန်မကို ကူပါဦး

Burmese Translation of "Doomed to be Cannon Fodder".

Translator - No Coz

(၉၇) အရံဇာတ်ကောင် ကျွန်မကို ကူပါဦး
______________________

ဒီကိစ္စနဲ့ ပတ်သက်ပြီး ယဲ့မားမားမှာလဲ သူ့အစီအစဥ်နဲ့သူ ရှိလေတယ်။ ရှို့သခင်မ အခက်ကြုံနေရမှာစိုးလို့ ဒီစုံတွဲ လက်တွေ့လောကကြီးကို လက်သင့်ခံနားလည်သွားရအောင် သူမဘာသာ ဖြေရှင်းလိုက်တော့ဖို့ ဆုံးဖြတ်လိုက်လေတယ်။ သူမ အိမ်ဆောင်ကို ပြန်လာလိုက်ပြီး ကျန်နေသေးတဲ့ အဆိပ်နှစ်ပုလင်းကို ယူကာ နောင်တဝန်းခြံကို သုတ်ခြေတင် ပြန်လာခဲ့လေတယ်။

မမျှော်လင့်ပါဘဲ သူမ ရောက်သွားတော့ အပေါက်ဝမှာ ငုတ်တုတ်ထိုင်နေတဲ့ ပေါင်းယွဲ့နဲ့ တိုးတော့တာပံ။ သူမက ယဲ့မားမားကိုတွေ့တော့ ပြုံးကာ ဆိုလိုက်တယ်။ "မားမား၊ ဒီအချိန် ညကြီးသန်းခေါင် ဘာကိစ္စများ ရှိလို့လဲ"

"ဘာရယ် မဟုတ်ပါဘူး၊ ဒီဖောက်ပြန်တဲ့အတွဲကို သင်ခန်းစာပေးချင်လို့၊ ဒီအမှုမျိုး ကျူးလွန်တာကတော့ လွန်လွန်းတယ်၊ သခင်တွေ မျက်နှာကိုမှ မထောက် ဒိလိုအချိန်မတော်ကြီး လျပ်ပေါ်လော်လီရတယ်လို့...! မင်းသားပြန်ရောက်လာတဲ့ အချိန် ဒီရွံစရာ သတင်းကို ကြားပြီး ညည်းတို့ သခင်မကို အပြစ်တင်နေရင် ဘယ်လိုလုပ်မလဲ"

ကြည့်ရတာ ရှို့ သခင်မက ဒီနှစ်ယောက်ကို ကာကွယ်ပေးဖို့ စိတ်ပိုင်းဖြတ်ပြီးပုံပဲ။ သူမက သစ္စာအရှိဆုံး အရိုးသားဆုံး ပေါင်းယွဲ့ကိုပါ လွှတ်ထားပြီး အစောင့်အကြပ်လုပ်ခိုင်းထားလိုက်သေး။

ပေါင်းယွဲ့ ခေါင်းညိတ်လိုက်တော့တယ်။ တကယ်တော့ သူမလည်း ယဲ့မားမားရဲ့ အမြင်ကို ထောက်ခံပါတယ်။ ဒါပေမဲ့ သူမကို သခင်မက တိုက်ရိုက် အမိန့်ပေး ခိုင်းစေထားတာဆိုတော့ ခိုင်းထားတဲ့အတိုင်း တံခါးစောင့်လုပ်ဖို့သာ တတ်နိုင်တော့တယ်။ "စိတ်မကောင်းပါဘူး၊ ယဲ့မားမား သခင်မက ဘယ်သူမှ ကောလဟလတွေ မဖြန့်ဖို့နဲ့ အမှုကို ငယ်ရာက ကြီးရာ မပြောင်းစေဖို့ မှာထားပါတယ်၊ ဒါကြောင့်မို့ သူတို့ကို ဘယ်သူနဲ့မှ ပေးမတွေ့တာ"

ယဲ့မားမား ပြုံးကာ ဆိုလိုက်တော့တယ်။ "အဲ့သလိုဆိုရင်တောင် သူတို့လဲ အစားတော့ စားရမယ်လေ မဟုတ်လား၊ ငါ ယူလာတဲ့ ဟင်းတွေထဲက တချို့ကို သူတို့ကို ကျွေးလိုက်ပါလား"