Burmese Translation of "Doomed to be Cannon Fodder".
Translator - Jinnie Grace
(၈၈) ဖျားနာမှုဖြင့် အသစ်စတင်
______________________အဲ့ဒီအချိန်မှာပဲ သမားတော်အပြင်ကိုထွက်လာတယ်။ အမှန်အတိုင်းပြောရရင် သူအတော်လေး၀ိရောဓိဖြစ်နေတာ။ ဒီအိမ်တော်ရဲ့ တကယ့်သခင်မနှစ်ပါးလုံး တစ်ယောက်ပြီးတစ်ယောက်ဖျားနာနေကြတာကိုး။ သမားတော်တစ်ယောက်အနေနဲ့ အတော်အလုပ်ရှုပ်တယ်။
ပထမ သခင်မကသမားတော်ဆီကိုမြင်တာနဲ့ သူ့ဆိကို ခပ်မြန်မြန်လျောက်သွားတော့တာပဲ။
"သမားတော်....လောင်ဖူးရန်ဘယ်လိုနေသေးလဲ?"ပိုင်ရှန်းရှို့နှုတ်ခမ်းလေးမဲ့သွားတယ်။ ဘာလို့များ ပထမသခင်မနဲ့နဲ့ လောင်ဖူးရန်က သားအမိတွေလိုဖြစ်သွားတယ်လို့ခံစားနေရတာပါလိမ့်။ ပုံမှန်ဆို ရင်းနှီးကြတာမှမဟုတ်ပဲ။ ကြည့်လေ သမားတော်တောင် ပထမသခင်မ အကြမ်းပတမ်းတွေမေးနေလို့ လန့်နေပြီ။ တကယ်တော့ သူက လောင်ဖူးရန်နဲ့ ပထမသခင်မကြားထဲက ဆက်ဆံရေးကိုဆန်းစစ်နေရုံပါ။ နောက်ဆုံးမှာတော့ ချောင်းနည်းနည်းဟန့်ပြီး ပြန်ဖြေရတော့တာပေါ့။
"လောင်ဖူးရန်က လူကြီးရောဂါဖြစ်တာပါ။ ရာသီဥတုအပြောင်းအလဲကို မခံနိုင်ဘူးလေ"
ပညာရှင်ပီပီသသ ပါးပါးနပ်နပ်ပဲပြောပြီး ထွက်သွာားတော့တယ်။လူလေးယောက်ကတော့တစ်ယောက်မျက်နှာတစ်ယောက်ကြည့်နေကြတာပေါ့။ ပြီးမှ ပထမသခင်မက ပြုံးပြီးစကားစလာတာ။
"ညီမလေး....လောင်ဖူးရန်က မင်းကိုအရမ်းချစ်တာဆိုတော့ မမတို့အစား ညီမလေးပဲ အခု၀င်ကြည့်လိုက်ပါလား"ပိုင်ရှန်းရှို့ပြောစရာစကားတောင်ပျောက်သွားမိတယ်။ ဒီလူတွေရော သူမနဲ့အတူတူ ၀ိဉာဥ္ကူးလာကြတာများလား။ ဘာလို့သူမလောက်တောင်သတိမထားရတာလဲ? ကိုယ်လုပ်တော်တွေ အသက်ရှင်ဖို့လိုအပ်တဲ့အသိတွေဘယ်ရောက်ကုန်ပြိလဲ? အခန်းထဲကို မခေါ်ပဲ၀င်သွားရင် အဲ့ဒါ ဒုက္ခရှာတာနဲ့အတူတူပဲလေ။ မဟုတ်ရင် အသက်ရှည်ရှည်နေရတာကို ငြီးငွေ့လာလို့ သွားအသေခံတာပဲ ဖြစ်ရမယ်။
သူမကိုယ်သူမ ဇာတ်ပို့တစ်ယောက်ဖြစ်ရမယ့်ကံကြမ္မာကိုလက်ခံပြီးပြီဆိုတော့ ဒီကိုရောက်ကတည်းက ထုံးတမ်းဓလေ့တွေကို သေချာလေ့လာပြင်ဆင်ထားပြီးသား။ အမှားလုပ်မိလို့ ဟိုဖက်ခေတ်ကိုပြန်မသွားခင် သေသွားမှာ အရမ်းကြောက်တယ်လေ။ မင်းသားက သူမအပေါ်မအေးစက်ပဲ လောင်ဖူးရန်ကကောင်းပေးတယ်ဆိုရင်တောင် သူမက ဇာတ်ပို့သာသာပဲမို့ လစ်လပ်နေဦးမှာပဲ။ ဘာမျှော်လင့်ချက်မှထားလို့မဖြစ်ဘူး။
"ပထမသခင်မက နောက်နေပြန်ပါပြီ။ အခန်းထဲက မခေါ်ပဲ ဘယ်သူက၀င်သွားလို့လဲ။ အပြင်မှာ ခေါ်တဲ့အထိစောင့်တာပိုကောင်းတာပေါ့"
YOU ARE READING
ဗီလိန်ဖြစ်ရန် ကြမ္မာဖန် [Book 1]
Historical Fictionဘာသာျပန္ဝတၳဳပါ။ [Zawgyi + Unicode] ___ အမ်ိဳးသမီးဇာတ္ရံအျဖစ္ သူမ ဝတၳဳတစ္အုပ္ထဲ ေရာက္သြားခဲ့တယ္။ အဓိကဇာတ္လိုက္မင္းသားကို တစ္ဖက္သတ္စြဲမက္ေနခဲ့တဲ့ ဇာတ္ေကာင္ေပါ့။ သူမမွာ သူ႔လက္ကိုေတာင္ ဆုပ္ကိုင္ခြင့္မရလိုက္ဘဲ အရွင္လတ္လတ္ရိုက္သတ္ခံရမယ့္ ၾကမၼာရွိေနတယ္လား...